గణపత్యథర్వశీర్షోపనిషత్

యం నత్వా మునయః సర్వే నిర్విఘ్నం యాంతి తత్పదం|
గణేషోపనిషద్వేద్యం తద్బ్రహ్మైవాస్మి సర్వగం ||ఓం భద్రం కర్ణేభిహ్ శృణుయామ దేవాః | భద్రం పశ్యేమాక్షభిర్యజత్రాః|
స్థిరైర ఙ్గైస్తుష్టువాగ్ం సస్తనూభిః | వ్యశేమ దేవహితం యదాయుః|
స్వస్తి న ఇంద్రోవృద్ధశ్రవాః | స్వస్తి నః పూషా విష్వవేదాః | స్వస్తి
నస్తార్క్ష్యో అరిష్టనేమిః | స్వస్తి నో బృహస్పతిర్దధాతు ||

ఓం శాంతిః  శాంతిః శాంతిః   ||

హరిః ఓం ||
నమస్తే గణపతయే | త్వమేవ ప్రత్యక్షం తత్త్వమసి | త్వమేవ కేవలం
కర్తాసి | త్వమేవ కేవలం ధర్తాసి | త్వమేవ కేవలం హర్తాసి | త్వమేవ
సర్వం ఖల్విదం బ్రహ్మాసి | త్వం సాక్షాదాత్మాసి నిత్యం || 1 ||
ఋతం వచ్మి | సత్యం వచ్మి | అవ త్వం మాం | అవ వక్తారం | అవశ్రోతారం || 2 ||
అవ దాతారం | అవ ధాతారం | అవానూచానమవశిష్యం | అవ
పశ్చాత్తాత్ | అవ పురస్తాత్ | అవోత్తరాత్తాత్ | అవ దక్షిణాత్తాత్ | అవ
చోర్ధ్వాత్తాత్ | అవాధరాత్తాత్ | సర్వతో మాం పాహి పాహి సమంతాత్ || 3 త్వం వాఙ్మయస్త్వం చిన్మయః | త్వమానందమయస్త్వం బ్రహ్మమయః | త్వం
సచ్చిదానందాద్వితీయోసి | త్వం ప్రత్యక్షం బ్రహ్మాసి | త్వం ఙ్జానమయో
విఙ్ఞానమయోసి || 4 ||
సర్వం జగదిదం త్వత్తో జాయతే|సర్వం జగదిదం త్వత్తస్తిష్ఠతి|
సర్వం జగదిదం త్వయి లయమేష్యతి | సర్వం జగదిదం త్వయి ప్రత్యేతి|
త్వం భూమిరాపో౭నలో౭నిలో నభః|త్వం చత్వారి వాక్పదాని || 5 ||
త్వం గుణత్రయాతీతః | త్వం అవస్థాత్రయాతీతః | త్వం దేహత్రయాతీతః|
త్వం కాలత్రయాతీతః | త్వం మూలాధారస్థితోసి నిత్యం | త్వం
శక్తిత్రయాత్మకః | త్వాం యోగినో ధ్యాయంతి నిత్యం | త్వం బ్రహ్మా త్వం
విష్ణుస్త్వం రుద్రస్త్వమింద్రస్త్వమగ్నిస్త్వం వాయుస్త్వం సూర్యస్త్వం
చంద్రమాస్త్వం బ్రహ్మ భూర్భువహ్ స్వరోం || 6 ||
గణాదిం పూర్వముచ్చార్య వర్ణాదింస్తదనంతరం | అనుస్వారః పరతరః |
అర్ధేందులసితం | తారేణ ఋద్ధం | ఏతత్తవ మనుస్వరూపం | గకారః
పూర్వరూపం | అకారో మధ్యమరూపం | అనుస్వారశ్చాంత్యరూపం|
బిందురుత్తరరూపం నాదః సంధానం | సంహితా సంధిః | సైషా
గణేశవిద్యా | గణక ఋషిః | నిచృద్గాయత్రీ ఛందః|శ్రీమహాగణపతిర్దేవతా | ఓం గం గణపతయే నమః|| 7 ||
ఏకదంతాయ విద్మహే వక్రతుణ్డాయ ధీమహి|
తన్నో దంతిః ప్రచోదయాత్ || 8 ||
ఏకదంతం చతుర్హస్తం పాశమఙ్కుశధారిణం | రదం చ వరదం
హస్తైర్బిభ్రాణం మూషకధ్వజం | రక్తం లంబోదరం శూర్పకర్ణకం
రక్తవాససం | రక్తగంధానులిప్తాఙ్గం రక్తపుష్పైః సుపూజితం|
భక్తానుకంపినం దేవం జగత్కారణమచ్యుతం | ఆవిర్భూతం చసృష్ట్యాదౌ ప్రకృతేః పురుషాత్పరం | ఏవం ధ్యాయతి యో నిత్యం స
యోగీ యోగినాం వరః || 9 ||
నమో వ్రాతపతయే నమో గణపతయే నమః ప్రమథపతయే నమస్తేస్తు
లంబోదరాయ ఏకదంతాయ విఘ్నవినాశినే శివసుతాయ శ్రీవరదమూర్తయే
నమః || 10 ||
ఏతదథర్వశీర్షం యోధీతే | స బ్రహ్మభూయాయ కల్పతే | స
సర్వవిఘ్నైర్న బాధ్యతే | స సర్వతః సుఖమేధతే | స పంచమహాపాపాత్
ప్రముచ్యతే | సాయమధీయానో దివసకృతం పాపం నాశయతి|
ప్రాతరధీయానో రాత్రికృతం పాపం నాశయతి | సాయం ప్రాతః ప్రయు ఞ్ఙానో  పాపో ౭పాపో భవతి |సర్వత్రాధీయానో౭పవిఘ్నోభవతి |   ధర్మార్థకామమోక్షం చ విందతి|
ఇదమథర్వశీర్షమశిష్యాయ న దేయం | యో యది మోహాద్ దాస్యతి | స
పాపీయాన్ భవతి | సహస్రావర్తనాద్యం యం కామమధీతే | తం తపసేన
సాధయేత్ || 11 ||
అనేన గణపతిమభిషిఞ్చతి | స వాగ్మీ భవతి | చతుర్థ్యామనశ్నన్
జపతి | స విద్యావాన్ భవతి | ఇత్యథర్వణవాక్యం | బ్రహ్మాద్యాచరణం
విద్యాన్న బిభేతి కదాచనేతి || 12 ||
యో దూర్వాఙ్కురైర్యజతి | స వైశ్రవణోపమో భవతి | యో లాజైర్యజతి | స
యశోవాన్ భవతి | స మేధావాన్ భవతి | యో మోదకసహస్రేణ యజతి సవాఞ్ఛితఫలమవాప్నోతి | యః సాజ్య సమిద్భిర్యజతి | స సర్వం లభతేస సర్వం లభతే || 13 ||
అష్టౌ బ్రాహ్మణాన్ సమ్యగ్ గ్రాహయిత్వా | సూర్యవర్చస్వీ భవతి|
సూర్యగ్రహే మహానద్యాం ప్రతిమాసన్నిధౌ వా జప్త్వా | సిద్ధమంత్రో భవతి |
మహావిఘ్నాత్ ప్రముచ్యతే | మహాదోషాత్ ప్రముచ్యతే | మహాపాపాత్
ప్రముచ్యతే | మహాప్రత్యవాయాత్ ప్రముచ్యతే | స సర్వవిద్భవతి స
సర్వవిద్భవతి | య ఏవం వేద | ఇత్యుపనిషత్ || 14 ||

ఓం భద్రం కర్ణేభిహ్ శృణుయామ దేవాః | భద్రం పశ్యేమాక్షభిర్యజత్రాః|
స్థిరైర ఙ్గైస్తుష్టువాగ్ం సస్తనూభిః | వ్యశేమ దేవహితం యదాయుః|
స్వస్తి న ఇంద్రోవృద్ధశ్రవాః | స్వస్తి నః పూషా విష్వవేదాః | స్వస్తి
నస్తార్క్ష్యో అరిష్టనేమిః | స్వస్తి నో బృహస్పతిర్దధాతు ||

ఓం శాంతిః  శాంతిః   శాంతిః ||

ఇతి గణపత్యుపనిషత్సమాప్తా ||