సుబ్రమణ్యస్వామి కదంబం

1. శ్రీ సుబ్రహ్మణ్యస్తోత్రం

హే స్వామినాథ కరుణాకర దీనబంధో
శ్రీ పార్వతీస్ముఖ పఙ్కజపద్మబంధో,
శ్రీశాది దేవగణ పూజిత పాదపద్మ
వల్లీసనాథ మమ దేహి కరావలంబమ్.

దేవాధి దేవనుత దేవగణాదినాథ
దేవేంద్ర వంద్య మృదు పంకజ మంజుపాద,
దేవర్షి నారద మునీంద్ర సుగీతకీర్తే
వల్లీసనాథ మమ దేహి కరావలంబమ్.

నిత్యాన్నదాన నిరతాఖిల రోగహారిన్
తస్మాత్ప్రదాన పరిపూరిత భక్తకామ,
శ్రుత్యాగమ ప్రణవవాచ్య నిజస్వరూప
వల్లీసనాథ మమ దేహి కరావలంబమ్.

హ్రౌంచామరేంద్ర మద ఖండన శక్తిశూల
పాశాది శస్త పరిమండిత దివ్యపాణే,
శ్రీకుండలీశ ధృతతుండ శిఖీంద్రవాహ
వల్లీసనాథ మమ దేహి కరావలంబమ్

హరాది రత్న మణీ యుక్త కిరీటిహార
కేయూర కుండల లసత్కవచాభిరామ,
హే వీర తారక జయామర బృందవంద్య
వల్లీసనాథ మమ దేహి కరావలంబమ్.

పంచాక్షరాది మనుమన్త్రిత గాఙ్గతోయైః
పంచామృతైః ప్రముదితేంద్ర ముఖైర్మునీంద్రైః,
పట్టభిషిక్త హరియుక్త పరాసనాథ
వల్లీసనాథ మమ దేహి కరావలంబమ్
శ్రీ కార్తికేయ కరుణామృత పూర్ణదృష్ట్యా
కామాదిరోగ కలుషీకృత దుష్టచిత్తమ్,
సిక్త్వాతు మా మవ కళాధర కాంటికాన్త్యా
వల్లీసనాథ మమ దేహి కరావలంబమ్.

సుబ్రహ్మణ్యాష్టకం పుణ్యం యే పఠన్తి ద్విజోత్తమాః,
తే సర్వే ముక్తి మాయన్తి సుబ్రహ్మణ్యప్రసాదతః
సుబ్రహ్మణ్యాష్టక మిదం ప్రాతరుత్థాయ యః పఠేత్,
కోటిజన్మకృతం పాపం తత్ క్షణా దేవ నశ్యతి.

ఇతి సుబ్రహ్మణ్యస్తోత్రం.

2. శ్రీ సుబ్రహ్మణ్య సహస్రనామ స్తోత్రమ్

ఋషయ ఊచుః -

సర్వశాస్త్రార్థతత్త్వజ్ఞ సర్వలోకోపకారక |
వయం చాతిథయః ప్రాప్తా ఆతిథేయోసి సువ్రత ||౧||

జ్ఞానదానేన సంసారసాగరాత్తారయస్వ నః |
కలౌ కలుషచిత్తా యే నరాః పాపరతాః సదా ||౨||

కేన స్తోత్రేణ ముచ్యన్తే సర్వపాతకబన్ధనైః |
ఇష్టసిద్ధికరం పుణ్యం దుఃఖదారిద్ర్యనాశనమ్ |

సర్వరోగహరం స్తోత్రం సూత నో వక్తుమర్హసి ||౩||

శ్రీసూత ఉవాచ -
శృణుధ్వమృషయః సర్వే నైమిషారణ్యవాసినః |
తత్త్వజ్ఞానతపోనిష్ఠాః సర్వశాస్త్రవిశారదాః ||౪||

స్వయంభువా పురా ప్రోక్తం నారదాయ మహాత్మనే |
తదహం సంప్రవక్ష్యామి శ్రోతుం కౌతూహలం యది ||౫||

ఋషయ ఊచుః -

కిమాహ భగవాన్బ్రహ్మా నారదాయ మహాత్మనే |
సూతపుత్ర మహాభాగ వక్తుమర్హసి సాంప్రతమ్ ||౬||

శ్రీసూత ఉవాచ -
దివ్యసింహాసనాసీనం సర్వదేవైరభిష్టుతమ్ |
సాష్టాఙ్గప్రణిపత్యైనం బ్రహ్మాణం భువనేశ్వరమ్ |
నారదః పరిపప్రచ్ఛ కృతాఞ్జలిరుపస్థితః ||౭||

నారద ఉవాచ -

లోకనాథ సురశ్రేష్ఠ సర్వజ్ఞకరుణాకర |
షణ్ముఖస్య పరం స్తోత్రం పావనం పాపనాశనమ్ ||౮||

ధాతస్త్వం పుత్రవాత్సల్యాత్తద్వద ప్రణతాయ మే |
ఉపదిశ్య తు మాం దేవ రక్ష రక్ష కృపానిధే ||౯||

బ్రహ్మా ఉవాచ -

శృణు వక్ష్యామి దేవర్షే స్తవరాజమిమం పరమ్ |
మాతృకామాలికాయుక్తం జ్ఞానమోక్షసుఖప్రదమ్ ||౧౦||

సహస్రాణి చ నామాని షణ్ముఖస్య మహాత్మనః |
యాని నామాని దివ్యాని దుఃఖరోగహరాణి చ ||౧౧||

తాని నామాని వక్ష్యామి కృపయా త్వయి నారద |
జపమాత్రేణ సిధ్యన్తి మనసా చిన్తితాన్యపి ||౧౨||

ఇహాముత్రం పరం భోగం లభతే నాత్ర సంశయః |
ఇదం స్తోత్రం పరం పుణ్యం కోటియజ్ఞఫలప్రదమ్ |
సన్దేహో నాత్ర కర్తవ్యః శృణు మే నిశ్చితం వచః ||౧౩||



ఓం అస్య శ్రీసుబ్రహ్మణ్యసహస్రనామస్తోత్రమహామన్త్రస్య |
బ్రహ్మా ఋషిః | అనుష్టుప్ఛన్దః | సుబ్రహ్మణ్యో దేవతా |
శరజన్మాక్షయ ఇతి బీజమ్ | శక్తిధరోక్షయ ఇతి శక్తిః |కార్తికేయ ఇతి కీలకమ్ |
క్రౌచంభేదీత్యర్గలమ్ | శిఖివాహన ఇతి కవచమ్ | షణ్ముఖ ఇతి ధ్యానమ్ |
శ్రీసుబ్రహ్మణ్యప్రసాదసిద్ధ్యర్థే జపే వినియోగః |

ధ్యానమ్ -

ధ్యాయేత్షణ్ముఖమిన్దుకోటిసదృశం రత్నప్రభాశోభితమ్ |
బాలార్కద్యుతిషట్కిరీటవిలసత్కేయూరహారాన్వితమ్ ||౧||

కర్ణాలమ్బితకుణ్డలప్రవిలసద్గణ్డస్థలాశోభితమ్ |
కాఞ్చీకఙ్కణకింకిణీరవయుతం శృఙ్గారసారోదయమ్ ||౨||

ధ్యాయేదీప్సితసిద్ధిదం శివసుతం శ్రీద్వాదశాక్షం గుహమ్ |
ఖేటం కుక్కుటమంకుశం చ వరదం పాశం ధనుశ్చక్రకమ్ ||౩||

వజ్రం శక్తిమసిం చ శూలమభయం దోర్భిర్ధృతం షణ్ముఖమ్ |
దేవం చిత్రమయూరవాహనగతం చిత్రామ్బరాలంకృతమ్ ||౪||



సుబ్రహ్మణ్య సహస్రనామ స్తోత్రమ్

అచిన్త్యశక్తిరనఘస్త్వక్షోభ్యస్త్వపరాజితః |
అనాథవత్సలోమోఘస్త్వశోకోప్యజరోభయః ||౧||

అత్యుదారో హ్యఘహరస్త్వగ్రగణ్యోద్రిజాసుతః |
అనన్తమహిమాపారోనన్తసౌఖ్యప్రదోవ్యయః ||౨||

అనన్తమోక్షదోనాదిరప్రమేయోక్షరోచ్యుతః |
అకల్మషోభిరామోగ్రధుర్యశ్చామితవిక్రమః ||౩||

అనాథనాథో హ్యమలో హ్యప్రమత్తోమరప్రభుః |
అరిన్దమోఖిలాధారస్త్వణిమాదిగుణోగ్రణీః ||౪||

అచఞ్చలోమరస్తుత్యో హ్యకలఙ్కోమితాశనః |
అగ్నిభూరనవద్యాఙ్గో హ్యద్భుతోభీష్టదాయకః ||౫||

అతీన్ద్రియోప్రమేయాత్మా హ్యదృశ్యోవ్యక్తలక్షణః |
ఆపద్వినాశకస్త్వార్య ఆఢ్య ఆగమసంస్తుతః ||౬||

ఆర్తసంరక్షణస్త్వాద్య ఆనన్దస్త్వార్యసేవితః |
ఆశ్రితేష్టార్థవరద ఆనన్ద్యార్తఫలప్రదః ||౭||

ఆశ్చర్యరూప ఆనన్ద ఆపన్నార్తివినాశనః |
ఇభవక్త్రానుజస్త్విష్ట ఇభాసురహరాత్మజః ||౮||

ఇతిహాసశ్రుతిస్తుత్య ఇన్ద్రభోగఫలప్రదః |
ఇష్టాపూర్తఫలప్రాప్తిరిష్టేష్టవరదాయకః ||౯||

ఇహాముత్రేష్టఫలద ఇష్టదస్త్విన్ద్రవన్దితః |
ఈడనీయస్త్వీశపుత్ర ఈప్సితార్థప్రదాయకః ||౧౦||

ఈతిభీతిహరశ్చేడ్య ఈషణాత్రయవర్జితః |
ఉదారకీర్తిరుద్యోగీ చోత్కృష్టోరుపరాక్రమః ||౧౧||

ఉత్కృష్టశక్తిరుత్సాహ ఉదారశ్చోత్సవప్రియః |
ఉజ్జృమ్భ ఉద్భవశ్చోగ్ర ఉదగ్రశ్చోగ్రలోచనః ||౧౨||

ఉన్మత్త ఉగ్రశమన ఉద్వేగఘ్నోరగేశ్వరః |
ఉరుప్రభావశ్చోదీర్ణ ఉమాపుత్ర ఉదారధీః ||౧౩||

ఊర్ధ్వరేతఃసుతస్తూర్ధ్వగతిదస్తూర్జపాలకః |
ఊర్జితస్తూర్ధ్వగస్తూర్ధ్వ ఊర్ధ్వలోకైకనాయకః ||౧౪||

ఊర్జివానూర్జితోదార ఊర్జితోర్జితశాసనః |
ఋషిదేవగణస్తుత్య ఋణత్రయవిమోచనః ||౧౫||

ఋజురూపో హ్యృజుకర ఋజుమార్గప్రదర్శనః |
ఋతంభరో హ్యృజుప్రీత ఋషభస్త్వృద్ధిదస్త్వృతః ||౧౬||

లులితోద్ధారకో లూతభవపాశప్రభఞ్జనః |
ఏణాఙ్కధరసత్పుత్ర ఏక ఏనోవినాశనః ||౧౭||

ఐశ్వర్యదశ్చైన్ద్రభోగీ చైతిహ్యశ్చైన్ద్రవన్దితః |
ఓజస్వీ చౌషధిస్థానమోజోదశ్చౌదనప్రదః ||౧౮||

ఔదార్యశీల ఔమేయ ఔగ్ర ఔన్నత్యదాయకః |
ఔదార్య ఔషధకర ఔషధం చౌషధాకరః ||౧౯||

అంశుమాల్యంశుమాలీడ్య అమ్బికాతనయోన్నదః |
అన్ధకారిసుతోఽన్ధత్వహారీ చామ్బుజలోచనః ||౨౦||

అస్తమాయోఽమరాధీశో హ్యస్పష్టోస్తోకపుణ్యదః |
అస్తామిత్రోఽస్తరూపశ్చాస్ఖలత్సుగతిదాయకః ||౨౧||

కార్తికేయః కామరూపః కుమారః క్రౌఞ్చదారణః |
కామదః కారణం కామ్యః కమనీయః కృపాకరః ||౨౨||

కాఞ్చనాభః కాన్తియుక్తః కామీ కామప్రదః కవిః |
కీర్తికృత్కుక్కుటధరః కూటస్థః కువలేక్షణః ||౨౩||

కుఙ్కుమాఙ్గః క్లమహరః కుశలః కుక్కుటధ్వజః |
కుశానుసంభవః క్రూరః క్రూరఘ్నః కలితాపహృత్ ||౨౪||

కామరూపః కల్పతరుః కాన్తః కామితదాయకః |
కల్యాణకృత్క్లేశనాశః కృపాలుః కరుణాకరః ||౨౫||

కలుషఘ్నః క్రియాశక్తిః కఠోరః కవచీ కృతీ |
కోమలాఙ్గః కుశప్రీతః కుత్సితఘ్నః కలాధరః ||౨౬||

ఖ్యాతః ఖేటధరః ఖడ్గీ ఖట్వాఙ్గీ ఖలనిగ్రహః |
ఖ్యాతిప్రదః ఖేచరేశః ఖ్యాతేహః ఖేచరస్తుతః ||౨౭||

ఖరతాపహరః స్వస్థః ఖేచరః ఖేచరాశ్రయః |
ఖణ్డేన్దుమౌలితనయః ఖేలః ఖేచరపాలకః ||౨౮||

ఖస్థలః ఖణ్డితార్కశ్చ ఖేచరీజనపూజితః |
గాఙ్గేయో గిరిజాపుత్రో గణనాథానుజో గుహః ||౨౯||

గోప్తా గీర్వాణసంసేవ్యో గుణాతీతో గుహాశ్రయః |
గతిప్రదో గుణనిధిః గమ్భీరో గిరిజాత్మజః ||౩౦||

గూఢరూపో గదహరో గుణాధీశో గుణాగ్రణీః |
గోధరో గహనో గుప్తో గర్వఘ్నో గుణవర్ధనః ||౩౧||

గుహ్యో గుణజ్ఞో గీతిజ్ఞో గతాతఙ్కో గుణాశ్రయః |
గద్యపద్యప్రియో గుణ్యో గోస్తుతో గగనేచరః ||౩౨||

గణనీయచరిత్రశ్చ గతక్లేశో గుణార్ణవః |
ఘూర్ణితాక్షో ఘృణినిధిః ఘనగమ్భీరఘోషణః ||౩౩||

ఘణ్టానాదప్రియో ఘోషో ఘోరాఘౌఘవినాశనః |
ఘనానన్దో ఘర్మహన్తా ఘృణావాన్ ఘృష్టిపాతకః ||౩౪||

ఘృణీ ఘృణాకరో ఘోరో ఘోరదైత్యప్రహారకః |
ఘటితైశ్వర్యసందోహో ఘనార్థో ఘనసంక్రమః ||౩౫||

చిత్రకృచ్చిత్రవర్ణశ్చ చఞ్చలశ్చపలద్యుతిః |
చిన్మయశ్చిత్స్వరూపశ్చ చిరానన్దశ్చిరంతనః ||౩౬||

చిత్రకేలిశ్చిత్రతరశ్చిన్తనీయశ్చమత్కృతిః |
చోరఘ్నశ్చతురశ్చారుశ్చామీకరవిభూషణః ||౩౭||

చన్ద్రార్కకోటిసదృశశ్చన్ద్రమౌలితనూభవః |
ఛాదితాఙ్గశ్ఛద్మహన్తా ఛేదితాఖిలపాతకః ||౩౮||

ఛేదీకృతతమఃక్లేశశ్ఛత్రీకృతమహాయశాః |
ఛాదితాశేషసంతాపశ్ఛరితామృతసాగరః ||౩౯||

ఛన్నత్రైగుణ్యరూపశ్చ ఛాతేహశ్ఛిన్నసంశయః |
ఛన్దోమయశ్ఛన్దగామీ ఛిన్నపాశశ్ఛవిశ్ఛదః ||౪౦||

జగద్ధితో జగత్పూజ్యో జగజ్జ్యేష్ఠో జగన్మయః |
జనకో జాహ్నవీసూనుర్జితామిత్రో జగద్గురుః ||౪౧||

జయీ జితేన్ద్రియో జైత్రో జరామరణవర్జితః |
జ్యోతిర్మయో జగన్నాథో జగజ్జీవో జనాశ్రయః ||౪౨||

జగత్సేవ్యో జగత్కర్తా జగత్సాక్షీ జగత్ప్రియః |
జమ్భారివన్ద్యో జయదో జగఞ్జనమనోహరః ||౪౩||

జగదానన్దజనకో జనజాడ్యాపహారకః |
జపాకుసుమసంకాశో జనలోచనశోభనః ||౪౪||

జనేశ్వరో జితక్రోధో జనజన్మనిబర్హణః |
జయదో జన్తుతాపఘ్నో జితదైత్యమహావ్రజః ||౪౫||

జితమాయో జితక్రోధో జితసఙ్గో జనప్రియః |
ఝంఝానిలమహావేగో ఝరితాశేషపాతకః ||౪౬||

ఝర్ఝరీకృతదైత్యౌఘో ఝల్లరీవాద్యసంప్రియః |
జ్ఞానమూర్తిర్జ్ఞానగమ్యో జ్ఞానీ జ్ఞానమహానిధిః ||౪౭||

టంకారనృత్తవిభవః టంకవజ్రధ్వజాఙ్కితః |
టంకితాఖిలలోకశ్చ టంకితైనస్తమోరవిః ||౪౮||

డమ్బరప్రభవో డమ్భో డమ్బో డమరుకప్రియః |
డమరోత్కటసన్నాదో డింభరూపస్వరూపకః ||౪౯||

ఢక్కానాదప్రీతికరో ఢాలితాసురసంకులః |
ఢౌకితామరసందోహో ఢుణ్డివిఘ్నేశ్వరానుజః ||౫౦||

తత్త్వజ్ఞస్తత్వగస్తీవ్రస్తపోరూపస్తపోమయః |
త్రయీమయస్త్రికాలజ్ఞస్త్రిమూర్తిస్త్రిగుణాత్మకః ||౫౧||

త్రిదశేశస్తారకారిస్తాపఘ్నస్తాపసప్రియః |
తుష్టిదస్తుష్టికృత్తీక్ష్ణస్తపోరూపస్త్రికాలవిత్ ||౫౨||

స్తోతా స్తవ్యః స్తవప్రీతః స్తుతిః స్తోత్రం స్తుతిప్రియః |
స్థితః స్థాయీ స్థాపకశ్చ స్థూలసూక్ష్మప్రదర్శకః ||౫౩||

స్థవిష్ఠః స్థవిరః స్థూలః స్థానదః స్థైర్యదః స్థిరః |
దాన్తో దయాపరో దాతా దురితఘ్నో దురాసదః ||౫౪||

దర్శనీయో దయాసారో దేవదేవో దయానిధిః |
దురాధర్షో దుర్విగాహ్యో దక్షో దర్పణశోభితః ||౫౫||

దుర్ధరో దానశీలశ్చ ద్వాదశాక్షో ద్విషడ్భుజః |
ద్విషట్కర్ణో ద్విషడ్బాహుర్దీనసంతాపనాశనః ||౫౬||

దన్దశూకేశ్వరో దేవో దివ్యో దివ్యాకృతిర్దమః |
దీర్ఘవృత్తో దీర్ఘబాహుర్దీర్ఘదృష్టిర్దివస్పతిః ||౫౭||

దణ్డో దమయితా దర్పో దేవసింహో దృఢవ్రతః |
దుర్లభో దుర్గమో దీప్తో దుష్ప్రేక్ష్యో దివ్యమణ్డనః ||౫౮||

దురోదరఘ్నో దుఃఖఘ్నో దురారిఘ్నో దిశాంపతిః |
దుర్జయో దేవసేనేశో దుర్జ్ఞేయో దురతిక్రమః ||౫౯||

దమ్భో దృప్తశ్చ దేవర్షిర్దైవజ్ఞో దైవచిన్తకః |
ధురంధరో ధర్మపరో ధనదో ధృతివర్ధనః ||౬౦||

ధర్మేశో ధర్మశాస్త్రజ్ఞో ధన్వీ ధర్మపరాయణః |
ధనాధ్యక్షో ధనపతిర్ధృతిమాన్ధూతకిల్బిషః ||౬౧||

ధర్మహేతుర్ధర్మశూరో ధర్మకృద్ధర్మవిద్ ధ్రువః |
ధాతా ధీమాన్ధర్మచారీ ధన్యో ధుర్యో ధృతవ్రతః ||౬౨||

నిత్యోత్సవో నిత్యతృప్తో నిర్లేపో నిశ్చలాత్మకః |
నిరవద్యో నిరాధారో నిష్కలఙ్కో నిరఞ్జనః ||౬౩||

నిర్మమో నిరహంకారో నిర్మోహో నిరుపద్రవః |
నిత్యానన్దో నిరాతఙ్కో నిష్ప్రపఞ్చో నిరామయః ||౬౪||

నిరవద్యో నిరీహశ్చ నిర్దర్శో నిర్మలాత్మకః |
నిత్యానన్దో నిర్జరేశో నిఃసఙ్గో నిగమస్తుతః ||౬౫||

నిష్కణ్టకో నిరాలమ్బో నిష్ప్రత్యూహో నిరుద్భవః |
నిత్యో నియతకల్యాణో నిర్వికల్పో నిరాశ్రయః ||౬౬||

నేతా నిధిర్నైకరూపో నిరాకారో నదీసుతః |
పులిన్దకన్యారమణః పురుజిత్పరమప్రియః ||౬౭||

ప్రత్యక్షమూర్తిః ప్రత్యక్షః పరేశః పూర్ణపుణ్యదః |
పుణ్యాకరః పుణ్యరూపః పుణ్యః పుణ్యపరాయణః ||౬౮||

పుణ్యోదయః పరం జ్యోతిః పుణ్యకృత్పుణ్యవర్ధనః |
పరానన్దః పరతరః పుణ్యకీర్తిః పురాతనః ||౬౯||

ప్రసన్నరూపః ప్రాణేశః పన్నగః పాపనాశనః |
ప్రణతార్తిహరః పూర్ణః పార్వతీనన్దనః ప్రభుః ||౭౦||

పూతాత్మా పురుషః ప్రాణః ప్రభవః పురుషోత్తమః |
ప్రసన్నః పరమస్పష్టః పరః పరివృఢః పరః ||౭౧||

పరమాత్మా పరబ్రహ్మ పరార్థః ప్రియదర్శనః |
పవిత్రః పుష్టిదః పూర్తిః పిఙ్గలః పుష్టివర్ధనః ||౭౨||

పాపహారీ పాశధరః ప్రమత్తాసురశిక్షకః |
పావనః పావకః పూజ్యః పూర్ణానన్దః పరాత్పరః ||౭౩||

పుష్కలః ప్రవరః పూర్వః పితృభక్తః పురోగమః |
ప్రాణదః ప్రాణిజనకః ప్రదిష్టః పావకోద్భవః ||౭౪||

పరబ్రహ్మస్వరూపశ్చ పరమైశ్వర్యకారణమ్ |
పరర్ద్ధిదః పుష్టికరః ప్రకాశాత్మా ప్రతాపవాన్ ||౭౫||

ప్రజ్ఞాపరః ప్రకృష్టార్థః పృథుః పృథుపరాక్రమః |
ఫణీశ్వరః ఫణివరః ఫణామణివిభూషణః ||౭౬||

ఫలదః ఫలహస్తశ్చ ఫుల్లామ్బుజవిలోచనః |
ఫడుచ్చాటితపాపౌఘః ఫణిలోకవిభూషణః ||౭౭||

బాహులేయో బృహద్రూపో బలిష్ఠో బలవాన్ బలీ |
బ్రహ్మేశవిష్ణురూపశ్చ బుద్ధో బుద్ధిమతాం వరః ||౭౮||

బాలరూపో బ్రహ్మగర్భో బ్రహ్మచారీ బుధప్రియః |
బహుశ్రుతో బహుమతో బ్రహ్మణ్యో బ్రాహ్మణప్రియః ||౭౯||

బలప్రమథనో బ్రహ్మా బహురూపో బహుప్రదః |
బృహద్భానుతనూద్భూతో బృహత్సేనో బిలేశయః ||౮౦||

బహుబాహుర్బలశ్రీమాన్ బహుదైత్యవినాశకః |
బిలద్వారాన్తరాలస్థో బృహచ్ఛక్తిధనుర్ధరః ||౮౧||

బాలార్కద్యుతిమాన్ బాలో బృహద్వక్షా బృహద్ధనుః |
భవ్యో భోగీశ్వరో భావ్యో భవనాశో భవప్రియః ||౮౨||

భక్తిగమ్యో భయహరో భావజ్ఞో భక్తసుప్రియః |
భుక్తిముక్తిప్రదో భోగీ భగవాన్ భాగ్యవర్ధనః ||౮౩||

భ్రాజిష్ణుర్భావనో భర్తా భీమో భీమపరాక్రమః |
భూతిదో భూతికృద్భోక్తా భూతాత్మా భువనేశ్వరః ||౮౪||

భావకో భీకరో భీష్మో భావకేష్టో భవోద్భవః |
భవతాపప్రశమనో భోగవాన్ భూతభావనః ||౮౫||

భోజ్యప్రదో భ్రాన్తినాశో భానుమాన్ భువనాశ్రయః |
భూరిభోఓగప్రదో భద్రో భజనీయో భిషగ్వరః ||౮౬||

మహాసేనో మహోదారో మహాశక్తిర్మహాద్యుతిః |
మహాబుద్ధిర్మహావీర్యో మహోత్సాహో మహాబలః ||౮౭||

మహాభోగీ మహామాయీ మేధావీ మేఖలీ మహాన్ |
మునిస్తుతో మహామాన్యో మహానన్దో మహాయశాః ||౮౮||

మహోర్జితో మాననిధిర్మనోరథఫలప్రదః |
మహోదయో మహాపుణ్యో మహాబలపరాక్రమః ||౮౯||

మానదో మతిదో మాలీ ముక్తామాలావిభూషణః |
మనోహరో మహాముఖ్యో మహర్ద్ధిర్మూర్తిమాన్మునిః ||౯౦||

మహోత్తమో మహోపాయో మోక్షదో మఙ్గలప్రదః |
ముదాకరో ముక్తిదాతా మహాభోగో మహోరగః ||౯౧||

యశస్కరో యోగయోనిర్యోగిష్ఠో యమినాం వరః |
యశస్వీ యోగపురుషో యోగ్యో యోగనిధిర్యమీ ||౯౨||

యతిసేవ్యో యోగయుక్తో యోగవిద్యోగసిద్ధిదః |
యన్త్రో యన్త్రీ చ యన్త్రజ్ఞో యన్త్రవాన్యన్త్రవాహకః || ౯౩||

యాతనారహితో యోగీ యోగీశో యోగినాం వరః |
రమణీయో రమ్యరూపో రసజ్ఞో రసభావనః ||౯౪||

రఞ్జనో రఞ్జితో రాగీ రుచిరో రుద్రసంభవః |
రణప్రియో రణోదారో రాగద్వేషవినాశనః ||౯౫||

రత్నార్చీ రుచిరో రమ్యో రూపలావణ్యవిగ్రహః |
రత్నాఙ్గదధరో రత్నభూషణో రమణీయకః ||౯౬||

రుచికృద్రోచమానశ్చ రఞ్జితో రోగనాశనః |
రాజీవాక్షో రాజరాజో రక్తమాల్యానులేపనః ||౯౭||

రాజద్వేదాగమస్తుత్యో రజఃసత్త్వగుణాన్వితః |
రజనీశకలారమ్యో రత్నకుణ్డలమణ్డితః ||౯౮||

రత్నసన్మౌలిశోభాఢ్యో రణన్మఞ్జీరభూషణః |
లోకైకనాథో లోకేశో లలితో లోకనాయకః ||౯౯||

లోకరక్షో లోకశిక్షో లోకలోచనరఞ్జితః |
లోకబన్ధుర్లోకధాతా లోకత్రయమహాహితః ||౧౦౦||

లోకచూడామణిర్లోకవన్ద్యో లావణ్యవిగ్రహః |
లోకాధ్యక్షస్తు లీలావాన్లోకోత్తరగుణాన్వితః ||౧౦౧||

వరిష్ఠో వరదో వైద్యో విశిష్టో విక్రమో విభుః |
విబుధాగ్రచరో వశ్యో వికల్పపరివర్జితః ||౧౦౨||

విపాశో విగతాతఙ్కో విచిత్రాఙ్గో విరోచనః |
విద్యాధరో విశుద్ధాత్మా వేదాఙ్గో విబుధప్రియః ||౧౦౩||

వచస్కరో వ్యాపకశ్చ విజ్ఞానీ వినయాన్వితః |
విద్వత్తమో విరోధిఘ్నో వీరో విగతరాగవాన్ ||౧౦౪||

వీతభావో వినీతాత్మా వేదగర్భో వసుప్రదః |
విశ్వదీప్తిర్విశాలాక్షో విజితాత్మా విభావనః ||౧౦౫||

వేదవేద్యో విధేయాత్మా వీతదోషశ్చ వేదవిత్ |
విశ్వకర్మా వీతభయో వాగీశో వాసవార్చితః ||౧౦౬||

వీరధ్వంసో విశ్వమూర్తిర్విశ్వరూపో వరాసనః |
విశాఖో విమలో వాగ్మీ విద్వాన్వేదధరో వటుః ||౧౦౭||

వీరచూడామణిర్వీరో విద్యేశో విబుధాశ్రయః |
విజయీ వినయీ వేత్తా వరీయాన్విరజా వసుః ||౧౦౮||

వీరఘ్నో విజ్వరో వేద్యో వేగవాన్వీర్యవాన్వశీ |
వరశీలో వరగుణో విశోకో వజ్రధారకః ||౧౦౯||

శరజన్మా శక్తిధరః శత్రుఘ్నః శిఖివాహనః |
శ్రీమాన్శిష్టః శుచిః శుద్ధః శాశ్వతో శ్రుతిసాగరః ||౧౧౦||

శరణ్యః శుభదః శర్మ శిష్టేష్టః శుభలక్షణః |
శాన్తః శూలధరః శ్రేష్ఠః శుద్ధాత్మా శఙ్కరః శివః ||౧౧౧||

శితికణ్ఠాత్మజః శూరః శాన్తిదః శోకనాశనః |
షాణ్మాతురః షణ్ముఖశ్చ షడ్గుణైశ్వర్యసంయుతః ||౧౧౨||

షట్చక్రస్థః షడూర్మిఘ్నః షడఙ్గశ్రుతిపారగః |
షడ్భావరహితః షట్కః షట్శాస్త్రస్మృతిపారగః ||౧౧౩||

షడ్వర్గదాతా షడ్గ్రీవః షడరిఘ్నః షడాశ్రయః |
షట్కిరీటధరః శ్రీమాన్ షడాధారశ్చ షట్క్రమః ||౧౧౪||

షట్కోణమధ్యనిలయః షణ్డత్వపరిహారకః |
సేనానీః సుభగః స్కన్దః సురానన్దః సతాం గతిః ||౧౧౫||

సుబ్రహ్మణ్యః సురాధ్యక్షః సర్వజ్ఞః సర్వదః సుఖీ |
సులభః సిద్ధిదః సౌమ్యః సిద్ధేశః సిద్ధిసాధనః ||౧౧౬||

సిద్ధార్థః సిద్ధసంకల్పః సిద్ధసాధుః సురేశ్వరః |
సుభుజః సర్వదృక్సాక్షీ సుప్రసాదః సనాతనః ||౧౧౭||

సుధాపతిః స్వయంజ్యోతిః స్వయంభూః సర్వతోముఖః |
సమర్థః సత్కృతిః సూక్ష్మః సుఘోషః సుఖదః సుహృత్ ||౧౧౮||

సుప్రసన్నః సురశ్రేష్ఠః సుశీలః సత్యసాధకః |
సంభావ్యః సుమనాః సేవ్యః సకలాగమపారగః ||౧౧౯||

సువ్యక్తః సచ్చిదానన్దః సువీరః సుజనాశ్రయః |
సర్వలక్షణసంపన్నః సత్యధర్మపరాయణః ||౧౨౦||

సర్వదేవమయః సత్యః సదా మృష్టాన్నదాయకః |
సుధాపీ సుమతిః సత్యః సర్వవిఘ్నవినాశనః ||౧౨౧||

సర్వదుఃఖప్రశమనః సుకుమారః సులోచనః |
సుగ్రీవః సుధృతిః సారః సురారాధ్యః సువిక్రమః ||౧౨౨||

సురారిఘ్నః స్వర్ణవర్ణః సర్పరాజః సదా శుచిః |
సప్తార్చిర్భూః సురవరః సర్వాయుధవిశారదః ||౧౨౩||

హస్తిచర్మామ్బరసుతో హస్తివాహనసేవితః |
హస్తచిత్రాయుధధరో హృతాఘో హసితాననః ||౧౨౪||

హేమభూషో హరిద్వర్ణో హృష్టిదో హృష్టివర్ధనః |
హేమాద్రిభిద్ధంసరూపో హుంకారహతకిల్బిషః ||౧౨౫||

హిమాద్రిజాతాతనుజో హరికేశో హిరణ్మయః |
హృద్యో హృష్టో హరిసఖో హంసో హంసగతిర్హవిః ||౧౨౬||

హిరణ్యవర్ణో హితకృద్ధర్షదో హేమభూషణః |
హరప్రియో హితకరో హతపాపో హరోద్భవః ||౧౨౭||

క్షేమదః క్షేమకృత్క్షేమ్యః క్షేత్రజ్ఞః క్షామవర్జితః |
క్షేత్రపాలః క్షమాధారః క్షేమక్షేత్రః క్షమాకరః ||౧౨౮||

క్షుద్రఘ్నః క్షాన్తిదః క్షేమః క్షితిభూషః క్షమాశ్రయః |
క్షాలితాఘః క్షితిధరః క్షీణసంరక్షణక్షమః ||౧౨౯||

క్షణభఙ్గురసన్నద్ధఘనశోభికపర్దకః |
క్షితిభృన్నాథతనయాముఖపఙ్కజభాస్కరః ||౧౩౦||

క్షతాహితః క్షరః క్షన్తా క్షతదోషః క్షమానిధిః |
క్షపితాఖిలసంతాపః క్షపానాథసమాననః ||౧౩౧||

ఫలశ్రుతిః

ఇతి నామ్నాం సహస్రాణి షణ్ముఖస్య చ నారద |
యః పఠేచ్ఛృణుయాద్వాపి భక్తియుక్తేన చేతసా ||౧||

స సద్యో ముచ్యతే పాపైర్మనోవాక్కాయసంభవైః |
ఆయుర్వృద్ధికరం పుంసాం స్థైర్యవీర్యవివర్ధనమ్ ||౨||

వాక్యేనైకేన వక్ష్యామి వాఞ్ఛితార్థ ప్రయచ్ఛతి |
తస్మాత్సర్వాత్మనా బ్రహ్మన్నియమేన జపేత్సుధీః ||౩||


|| ఇతి శ్రీస్కన్దే మహాపురాణే ఈశ్వరప్రోక్తే బ్రహ్మనారదసంవాదే
షణ్ముఖసహస్రనామస్తోత్రం సంపూర్ణమ్ ||

శ్రీ మూక పంచశతి - ఆర్యా శతకము

ఆర్యా శతకము - ప్రార్ధనా శ్లోకములు:

ఓం శ్రీ గణేశాయ నమః    

ఓం శ్రీ సుబ్రహ్మణ్యాయ నమః 

ఓం శ్రీమాత్రే నమః    

ఓం నమశ్శివాయ సాంబాయ శాంతాయ పరమాత్మనే

ఓం శ్రీ సీతారామచంద్ర పరబ్రహ్మణే నమః  

ఓం శ్రీ హనుమతే నమః 

శ్రీ గురుభ్యో నమః 

 

మాతా మరకతశ్యామా మాతంగీ మదశాలినీ
కుర్యాత్ కటాక్షం కళ్యాణీ కదంబవనవాసినీ II
II శ్రీ II 

శ్రీ చంద్రమౌళీశ్వరాయై నమః
శ్రీ కారణపరచిద్రూపాయై నమః
శ్రీ మూక మహా కవి ప్రణీతా
II శ్రీ II 

శ్రీ కామాక్షీపరదేవతాయాః పాదార విన్దయో:
భక్తి భరేణ సమర్పితం 

ఆర్యామేవ విభావయన్మనసి యః పాదారవిందం పురఃపశ్యన్నాస్మతే స్తుతిం స నియతం లభ్ధ్వా కటాక్షచ్ఛవిమ్
కామాక్ష్యా మృదులస్మితాంశులహరీజ్యోత్స్నావయస్యాన్వితాం

ఆరోహత్యపవర్గసౌధవలభీమానంద వీచీమయీం II 

II శృతి స్మృతి పురాణానాం ఆలయం కరుణాలయం నమామి భగవత్పాద శంకరం లోక శంకరం II 

II శ్రీమత్పరమహంస పరివ్రాజకాచార్య వర్య శ్రీ కామకోటి పీఠాధీశ్వర జగద్గురు శ్రీమత్ చంద్రశేఖరేంద్ర సరస్వతి శ్రీ పాదానాం శ్రీముఖేన సమాసితా II
 

ఆర్యా శతకం

కారణపర చిద్రూపా కాంచీపురసీమ్ని కామపీఠగతా
కాచన విహరతి కరుణా కాశ్మీరస్తబక కోమలాంగలతా II 1 II

కంచన కాంచీనిలయం కరధృత కోదండ బాణ శృణి పాశం
కఠినస్తనభరనమ్రం కైవల్యానందకందమవలంబే II 2 II

చింతిత ఫల పరిపోషణ చింతామణిరేవ కాంచినిలయా మే
చిరతర సుచరితసులభా చిత్తం శిశిరయతు చిత్సుఖాధారా II 3 II

కుటిలకచం కఠినకుచం కుందస్మితకాంతి కుంకుమచ్ఛాయం

కురుతే విహృతిం కాంచ్యాం కులపర్వత సార్వభౌమ సర్వస్వం II 4 II

పంచశరశాస్త్ర బోధన పరమాచార్యేన దృష్టిపాతేన
కాంచీసీమ్ని కుమారీ కాచన మోహయతి కామజేతారం II 5 II

పరయా కాంచీ పురయా పర్వతపర్యాయ పీనకుచభరయా
పరతంత్రా వయమనయా పంకజ సబ్రహ్మచారిలోచనయా II 6 II

ఐశ్వర్యం ఇందుమౌళేః  ఐకాత్మ్యప్రకృతి కాంచి మధ్యగతం
ఐందవ కిశోర శేఖరం ఐదంపర్యం చకాస్తి నిగమానాం II 7 II

శ్రితకంపాసీమానం శిథిలిత పరమ శివ ధైర్య మహిమానం
కలయే పాటలిమానం కంచన కంచుకిత భువనభూమానం II 8 II

ఆదృత కాంచీ నిలయాం ఆద్యాం ఆరూఢ యౌవనాటోపాం
ఆగమ వతంస కలికాం ఆనందాద్వైతకందలీం వందే II 9 II
 

తుంగాభిరామ కుచభర శృంగారితమ్ ఆశ్రయామి కాంచిగతం
గంగాధర పరతంత్రం శృంగారాద్వైత తంత్ర సిద్ధాంతం II 10 II

  

కాంచీరత్న విభూషాం కామపి కందర్ప సూతికాపాంగీం
పరమాం కళాముపాసే పరశివ వామాంక పీఠికాసీనాం II 11 II

కంపాతీర చరాణాం కరుణాకోరకిత దృష్టిపాతానాం
కేళీవనం మనో మే కేశాంచిద్భవతు చిద్విలాసానాం II 12 II

ఆమ్రతరుమూలవసతేః ఆదిమపురుషస్య నయనపీయూషం 
ఆరబ్ధ యౌవనోత్సవం ఆమ్నాయ రహస్యం అంతరవలంబే II 13 II

అధికాంచి పరమయోగిభిః ఆదిమపరపీఠసీమ్ని దృశ్యేన
అనుబద్ధం మమ మానసం అరుణిమ సర్వస్వ సంప్రదాయేన II 14 II

అంకిత శంకర దేహాం అంకురితో రజ కంకణా శ్లేషైః
అధికాంచి నిత్య తరుణీం అద్రాక్షం కాంచిత్ అద్భుతాం బాలాం II 15 II

మధురధనుషా మహీధరజనుషా నందామి సురభిబాణజుషా
చిద్వపుషా కాంచిపురే కేళిజుషా బంధుజీవకాంతిముషా II 16 II

మధురస్మితేన రమతే మాంసలకుచభార మందగమనేన
మధ్యే కాంచి మనో మే మనసిజ సామ్రాజ్య గర్వబీజేన II 17 II

ధరణిమయీం తరణిమయీం పవనమయీం గగనదహనహోతృమయీం 
అంబుమయీం ఇందుమయీం అంబాం అనుకంపమాది మామీక్షే II 18 II

లీనస్థితి మునిహృదయే ధ్యానస్థిమితం తపస్యదుపకంపం
పీన స్తనభర మీడే మీనధ్వజ తంత్ర పరమ తాత్పర్యం II 19 II

శ్వేతా మంథర హసితే శాతా మధ్యే చ వాంగ్మనోతీతా
శీతాలోచనపాతే స్ఫీతా కుచసీమ్ని శాశ్వతీ మాతా II 20 II

పురతః కదా ను కరవై పురవైరివిమర్దపులకితాంగ లతాం
పునతీం కాంచీదేశం పుష్పాయుధవీర్య సరసపరిపాటీం II 21 II

పుణ్యా కాపి పురంధ్రీ పుంఖిత కందర్ప సంపదా వపుషా
పులినచరీ కంపాయాః పురమథనం పులకనిచులితం కురుతే II 22 II

తనిమాద్వైతవలగ్నం తరుణారుణ సంప్రదాయతనులేఖం 
తటసీమని కంపాయాః తరుణిమ సర్వస్వం ఆద్యమద్రాక్షం II 23 II

పౌష్టిక కర్మవిపాకం పౌష్పశరం సవిధ సీమ్ని కంపాయాః
అద్రాక్షం ఆత్తయౌవనం అభ్యుదయం కంచిత్ అర్ధశశిమౌళేః II 24 II

సంశ్రిత కాంచీ దేశే సరసిజ దౌర్భాగ్య జాగ్రదుతంసే
సంవిన్మయే విలీయే సారస్వత పురుషకార సామ్రాజ్యే II 25 II

మోదిత మధుకర విశిఖం స్వాదిమ సముదాయ సారకోదండం
ఆదృత కాంచీ ఖేలనం ఆదిమం ఆరుణ్యభేదమాకలయే II 26 II

ఉరరీకృత కాంచిపురీం ఉపనిషద్ అరవింద కుహర మధుధారాం
ఉన్నమ్ర స్తనకలశీం ఉత్సవలహరీం ఉపాస్మహే శంభోః II 27 II

ఏణశిశుదీర్ఘలోచనం ఏనః పరిపంథి సంతతం భజతాం
ఏకామ్రనాథ జీవితం ఏవం పదదూరం ఏకమవలంబే II 28 II

స్మయమాన ముఖం కాంచీం అయమానం కమపి దేవతాభేదం
దయమానం వీక్ష్య ముహుర్వయమానందం అమృతాంబుధౌ మగ్నాః II 29 II
 

కుతుకజుషి కాంచిదేశే కుముద తపోరాశి పాకశేఖరితే
కురుతే మనోవిహారం కులగిరిపరివృఢ కులైకమణిదీపే II 30 II

వీక్షేమహి కాంచిపురే విపులస్తనకలశగరిమ పరవశితం
విద్రుమ సహచర దేహం విభ్రమ సమవాయ సారసన్నాహం II 31 II

కురువింద గోత్ర గాత్రం కూలచరం కమపి నౌమి కంపాయాః
కూలంకష కుచకుంభం కుసుమాయుధ వీర్య సార సంరంభం II 32 II

కుడ్మలిత  కుచకిశోరైః కుర్వాణైః కాంచిదేశ సౌహార్దం
కుంకుమ శోణైర్నిచితం కుశలపథం శంభుసుకృత సంభారైః II 33 II

అంకితకచేన కేనచిత్ అంధంకరణౌషధేన కమలానాం
అంతః పురేణ శంభోః అలంక్రియా కాపి కల్ప్యతే కాంచ్యాం II 34 II

ఊరీ కరోమి సంతతం ఊష్మలఫాలేన లాలితం పుంసా
ఉపకంప ముచితఖేలనం ఉర్వీధరవంశ సంపదున్మేషం II 35 II

అంకురిత స్తన కోరకం అంకాలంకారం ఏక చూతపతేః
ఆలోకేమహి కోమలం ఆగమ సంలాప సారయాథార్ధ్యం II 36 II

పుంజిత కరుణముదంచిత శింజిత మణికాంచి కిమపి కాంచిపురే
మంజరిత మృదుల హాసం పింజర తనురుచి పినాకిమూలధనం II 37 II
 

లోలహృదయోస్మి శంభోః లోచన యుగళేన లేహ్యమానాయాం
లాలిత పరమ శివాయాం లావణ్యామృత తరంగమాలాయాం II 38 II

మధుకర సహచర చికురైః మదనాగమ సమయ దీక్షిత కటాక్షైః
మండిత కంపాతీరైః మంగళ కందైర్ మమాస్తు సారూప్యం II 39 II

వదనారవింద వక్షో వామాంక తటీ వశం వదీభూతా 
పురుష త్రితయే త్రేధా పురంధ్రిరూపా త్వమేవ కామాక్షీ II 40 II

బాధాకరీం భవాబ్ధేః ఆధారాద్యంబుజేషు విచరంతీం
ఆధారీకృత కాంచీం బోధామృతవీచిమేవ విమృశామః II 41 II

కలయామ్యంతః శశధర కలయాంకిత మౌళిం అమలచిద్వలయాం
అలయామాగమ పీఠీనిలయాం వలయాంక సుందరీం అంబాం II 42 II

శర్వాది పరమసాధక గుర్వానీతాయ కామపీఠజుషే
సర్వాకృతయే శోణిమ గర్వాయాస్మై సమర్ప్యతే హృదయం II 43 II

సమయా సాంధ్య మయూఖైః సమయా బుద్ధ్యా సదైవ శీలితయా
ఉమయా కాంచీరతయా న మయా లభ్యతే కిం ను తాదాత్మ్యం II 44 II

జంతోస్తవ పదపూజన సంతోష తరంగితస్య కామాక్షీ
బంధో యది భవతి పునః సింధో రంభస్సు భంభ్రమీతి శిలా II 45 II
 

కుండలి కుమారి కుటిలే చండి చరాచర సవిత్రి చాముండే
గుణిణి గుహారిణి గుహ్యే గురుమూర్తే త్వాం నమామి కామాక్షీ II 46 II

అభిదాకృతిః భిదాకృతిః అచిదాకృతిరపి చిదాకృతిర్మాతః
అనహంతా త్వమహంతా భ్రమయసి కామాక్షి శాశ్వతీ విశ్వం II 47 II

శివ శివ పశ్యన్తి సమం శ్రీ కామాక్షీ కటాక్షితాః పురుషాః
విపినం భవనం అమిత్రం మిత్రం లోష్టం చ యువతి బిబోష్టం II 48 II

కామపరిపంథికామిని కామేశ్వరీ కామపీఠమధ్యగతే
కామదుఘా భవ కమలే కామకళే కామకోటి కామాక్షీ II 49 II
 

మధ్యే హృదయం మధ్యే నిటిలం మధ్యే శిరోపి వాస్తవ్యాం
చండకర శక్ర కార్ముక చంద్ర సమాభాం నమామి కామాక్షీం II 50 II

అధికాంచి కేళిలోలైః అఖిలాగమ యంత్ర మంత్ర తంత్ర మయైః
అతిశీతం మమ మానసం అసమశరద్రోహి జీవనోపాయైః II 51 II

నందతి మమ హృది కాచన మందిరయంతీ నిరంతరం కాంచీం
ఇందురవిమండలకుచా బిందు వియన్నాద పరిణతా తరుణీ II 52 II

శంపాలతా సవర్ణ సంపాదయితుం భవజ్వర చికిత్సాం
లిమ్పామి మనసి కించన కంపాతటరోహి సిద్ధభైషజ్యం II 53 II

అనుమిత కుచ కాఠిన్యామ్ అధివక్షః పీఠం అంగజన్మరిపోః
ఆనందదాం భజే తామ్ ఆనంగ బ్రహ్మతత్వ బోధసిరాం II 54 II

ఐక్షిషి పాశాంకుశధర హస్తాంతం విస్మయార్హ వృత్తాంతం
అధికాంచి నిగమవాచాం సిద్ధాంతం శూలపాణి శుద్ధాంతం II 55 II

ఆహితవిలాస భంగీం ఆబ్రహ్మస్తంబ శిల్పకల్పనయా
ఆశ్రిత కాంచీం అతులాం ఆద్యాం విస్ఫూర్తిం ఆద్రియే విద్యాం II 56 II

మూకోపి జటిల దుర్గతి శోకోపి స్మరతి యః క్షణం భవతీం
ఏకో భవతి స జంతుః లోకోత్తర కీర్తిరేవ కామాక్షీ II 57 II

పంచదశ వర్ణరూపం కంచన కాంచీవిహారధౌరేయం
పంచ శరీయం శంభోః వంచన వైదగ్ధ్యమూలం అవలంబే II 58 II

పరిణతివతీం చతుర్ధా పదవీం సుధియాం సమేత్య సౌషుమ్నీం
పంచాశదర్ణ కల్పిత పదశిల్పాం త్వాం నమామి కామాక్షీ II 59 II

ఆదిక్షన్మమగురురాడాది క్షాన్తాక్షరాత్మికాం విద్యాం
స్వాదిష్ట చాపదండాం నేదిష్టామేవ కామపీఠగతాం II 60 II

తుష్యామి హర్షిత స్మర శాసనయా కాంచిపుర కృతాసనయా
స్వాసనయా సకల జగద్భాసనయా కలిత శంబరాసనయా II 61 II

ప్రేమవతీ కంపాయాం స్థేమవతీ యతిమనస్సు భూమవతీ
సామవతీ నిత్యగిరా సోమవతీ శిరసి భాతి హైమవతీ II 62 II

కౌతుకినా కంపాయాం కౌసుమచాపేన కీలితేనాన్తః

కులదైవతేన మహతా కుడ్మల ముద్రాం ధునోతు నః ప్రతిభా II 63 II

యూనా కేనాపి మిలద్దేహా స్వాహా సహాయ తిలకేన
సహకార మూలదేశే సంవిద్రూపా కుటుంబినీ రమతే II 64 II

కుసుమ శర గర్వ సంపత్ కోశగృహం భాతి కాంచిదేశ మధ్య గతం
స్థాపితం అస్మిన్ కథమపి గోపితం అంతర్మయా మనోరత్నం II 65 II

దగ్ధ షడద్వారణ్యం దరదళిత కుసుంభ సంభ్రుతారుణ్యం
కలయే నవతారుణ్యం కంపాతట సీమ్ని కిమపి కారుణ్యం II 66 II

అధికాంచి వర్ధమానాం అతులాం కరవాణి పారణామక్ష్ణోః
ఆనంద పాకభేదాం అరుణిమ పరిణామ గర్వ పల్లవితాం II 67 II

బాణ శృణి పాశకార్ముక పాణిమముం కమపి కామపీఠగతం
ఏన ధరకోణచూడం శోణిమ పరిపాక భేదమాకలయే II 68 II

కిం వా ఫలతి మమాన్యైః బింబాధర చుంబి మందహాస ముఖీ
సంబాధకరీ తమసా అంబా జాగర్తి మనసి కామాక్షీ II 69 II

మంచే సదాశివమయే పర శివమయ లలిత పౌష్ప పర్యంకే
అధిచక్ర మధ్యమాస్తే కామాక్షీ నామ కిమపి మమ భాగ్యం II 70 II

రక్ష్యోస్మి కామపీఠీ లాసికయా ఘన కృపాంబురాశికయా
శృతి యువతి కుంతలీ మణి మాలికయా తుహిన శైల బాలికయా II 71 II

లీయే పురహరజాయే మాయే తవ తరుణ పల్లవచ్ఛాయే
చరణే చంద్రాభరణే కాంచీ శరణే నతార్తి సంహరణే II 72 II

మూర్తి మతి ముక్తిబీజే మూర్ధ్ని స్తబకితచకోర సామ్రాజ్యే
మోదిత కంపాకూలే ముహుర్ముహుర్మనసి ముముదిషాస్మాకం II 73 II

వేదమయీం నాదమయీం బిందుమయీం పరపదోద్యద దిందుమయీం
మంత్రమయీం తంత్రమయీం ప్రకృతిమయీం నౌమి విశ్వ వికృతి మయీం II 74 II

పురమథన పుణ్యకోటీ పుంజిత కవిలోక సూక్తి రసధాటీ
మనసి మమ కామకోటీ విహరతు కరుణావిపాక పరిపాటీ II 75 II

కుటిలం చటులం పృథులం మృదులం కచ నయన జఘన చరణేషు
అవలోకితం అవలంబితం అధికంపాతటం అమేయం అస్మాభిః II 76 II

ప్రత్యం ముఖ్యా దృష్ట్యా ప్రసాదదీపాంకురేణ కామాక్ష్యాః
పశ్యామి నిస్తులమహో పచేలిమం కమపి పరశివోల్లాసం II 77 II

విద్యే విధాతృ విషయే కాత్యాయని కాళి కామకోటి కళే
భారతి భైరవి భద్రే శాకిని శాంభవి శివే స్తువే భవతీం II 78 II

మాలిని మహేశచాలిని కాంచీఖేలిని విపక్షకాలిని తే
శూలిని విద్రుమశాలిని సురజనపాలిని కపాలిని నమోస్తు II 79 II

దేశిక యితి కిం శంకే తత్తాదృక్త్వను తరుణిమోన్మేషః
కామాక్షి శూలపాణేః కామాగమ సమయ యజ్ఞ దీక్షాయాం II 80 II

వేతండ కుంభ డంబర వైతండిక కుచభరార్తమధ్యాయ
కుంకుమరుచే నమస్యాం శంకర నయనామృతాయ రచయామః II 81 II

అధికాంచిత మణికాంచన కాంచీం అధికాంచీం కాంచిదద్రాక్షం
అవనత జనానుకంపాం అనుకంపాకూలం అస్మదనుకూలాం II 82 II

పరిచిత కంపాతీరం పర్వత రాజన్య సుకృత సంనాహం
పర గురుకృపయా వీక్షే పరమశివోత్సంగ మంగళాభరణామ్ II 83 II

దగ్ధ మదనస్య శంభోః ప్రథీయసీం బ్రహ్మచర్య వైదగ్ధీం
తవ దేవి తరుణిమశ్రీ చతురిమపాకో న చక్షమే మాతః II 84 II

మదజల తమాల పత్రా వసనితపత్రా కరాదృత ఖనిత్రా
విహరతి పులిన్దయోషా గుంజాభూషా ఫణీంద్ర కృతవేషా II 85 II

అంకే శుకినీగీతే కౌతుకినీ పరిసరే చ గాయకినీ
జయసి సవిధేంబ భైరవమండలినీ శ్రవసి శంఖకుండలినీ II 86 II

ప్రణత జన తాపవర్గా కృత బహుసర్గా ససింహ సంసర్గా
కామాక్షి ముదితభర్గా హతరిపువర్గా త్వమేవ సా దుర్గా II 87 II

శ్రవణ చలద్వేతండా సమరోద్దండా ధుతాసుర శిఖండా 
దేవి కలితాంత్ర షండా ధృత నరముండా త్వమేవ చాముండా II 88 II

ఉర్వీధరేంద్ర కన్యే దర్వీభరితేన భక్తపూరేణ
గుర్వీమకించనార్తి ఖర్వీ కురుషే త్వమేవ కామాక్షీ II 89 II

తాడితరిపు పరిపీడన భయహరణ నిపుణ హలముసలా
క్రోడపతిభీషణ ముఖీ క్రీడసి జగతి త్వమేవ కామాక్షి II 90 II

స్మర మథన వరణ లోలా మన్మథ హేలా విలాస మణి శాలా
కనకరుచి చౌర్య శీలా త్వమంబ బాలా కరాబ్జ ధృతమాలా II 91 II

విమలపటీ కమలకుటీ పుస్తక రుద్రాక్ష శస్తహస్తపుటీ
కామాక్షి పక్ష్మలాక్షి కలిత విపంచీ విభాసి వైరించీ II 92 II

కుంకుమ రుచి పింగం అసృక్పంకిల ముణ్డాలి మణ్డితం మాతః
జయతి తవ రూప ధేయం జప పట పుస్తక వరాభయ కరాబ్జం II 93 II

కనక మణి కలిత భూషాం కాలాయ సకల హశీల కాంతి కలాం
కామాక్షి శీలయే త్వాం కపాలశూలాభిరామ కరకమలాం II 94 II

లోహితిమ పుంజ మధ్యే మోహిత భువనే ముదా నిరీక్షన్తే
వదనం తవ కుచయుగళం కాంచీసీమాం చ కేపి కామాక్షీ II 95 II

జలధి ద్విగుణిత హుతవహ దిశాదినేశ్వర కళాశ్వినేయదలైః
నళినైర్మహేశి గచ్ఛసి సర్వోత్తర కరకమల దళమమలం II 96 II

సత్కృత దేశిక చరణాః సబీజ నిర్బీజ యోగ నిశ్రేణ్యా
అపవర్గ సౌధ వలభీం ఆరోహత్యంబ కే అపి తవ కృపయా II 97 II

అంతరపి బహిరపి త్వం జంతుతతేరంతకాంత కృదహంతే
చింతిత సంతానవతాం సంతతమపి తన్తనీషి మహిమానం II 98 II

కలమంజుల వాగనుమిత గలపంజర గత శుకగ్రహౌ కంఠ్యాత్
అంబ రదనామ్బరం తే బింబఫలం శంబరారిణా న్యస్తం II 99 II

జయ జయ జగదంబ శివే జయ జయ కామాక్షి జయ జయాద్రి సుతే
జయ జయ మహేశదయితే జయజయ చిద్గగన కౌముదీ ధారే II 100 II
 

ఫలశృతి:

ఆర్యా శతకం భక్త్యా పఠతాం ఆర్యా కృపా కటాక్షేణ
నిస్సరతి వదన కమలాద్వాణీ పీయూష ధోరణీ దివ్యా II 101 II 

ఆర్యా శతకం సంపూర్ణం

సర్వం శ్రీ వల్లీ దేవసేనా సమేత శ్రీ సుబ్రహ్మణ్యేశ్వరార్పణమస్తు

శ్రీ స్కంద లహరి

శ్రియై భూయాః శ్రీమచ్ఛరవణభస్త్వం శివసుతః

ప్రియప్రాప్యై భూయాః ప్రతనగజవక్త్రస్య సహజ I

త్వయి ప్రేమోద్రేకాత్ ప్రకటవచసా స్తోతుమనసా

మయారబ్ధం స్తోతుం తదిదమనుమన్యస్వభగవన్ II 1 II

నిరాబాధం రాజఛరదుదిత రాకాహిమకరః

ప్రరూఢజ్యోత్స్నాభా స్మితవదనషట్కస్త్రినయనః I

పురః ప్రాదుర్భూయ స్ఫురతు కరుణాపూర్ణహృదయః

కరోతు స్వాస్థ్యం మాం కమలదళ బిందూపమహృది II 2 II

నలోకేಽన్యం దేవం నతజనకృతప్రత్యయవిధిం

విలోకే భీతానాం నిఖిలభయభీతైకశరణమ్ I

కలౌಽకాలేప్యన్తర్ హరసి తిమిరం భాస్కర ఇవ

ప్రలుబ్ధానాం భోగేష్వపి నిఖిలభోగాన్వితరసి II 3 II

శివస్వామిన్ దేవ శ్రితకలుషనిశ్శేషణగురో

భవధ్వాంతర్ధ్వంసే మిహిరశతకోటి ప్రతిభట I

శివప్రాప్యై సమ్యక్ ఫలిత సదుపాయ ప్రకటన

ధ్రువం తత్కారుణ్యే కలిరపి కృతీ భూతవిభవః II 4 II

అశాక్తానాం కర్మస్వపి నిఖిలనిశ్శ్రేయసకృతౌ

పశుత్వ గ్రస్తానాం పతిరసి విపాశత్వ కలనే I

ప్రశస్తానాం భూమ్నాం నిధిరసి నిరోద్ధా నిజశుచాం

అశక్తానాం కర్తా జగతి ధృతశక్తిః కిల భగవాన్ II 5 II

వృషార్తానాం హర్తా విషయి విషయాణాం ఘటయితా

తృషార్తానాం కాలే పరమమృతవర్షీ ఘన ఇవ I

మృషాజ్ఞానార్తానాం నిఖిలవిచికిత్సా పరిహరో

విషగ్రస్తానాం త్వం సకలభయహర్తా విలససి II 6 II  

రసాధిక్యం భక్తేరధికమధికం వర్ధయ విభో

ప్రసీద త్వం భూయః ప్రకటయ చిదానందలహరీమ్ I

అసారే సంసారే సదసతి నలిప్తం మమ మనః

కుసీదం భూయాన్మే కుశలపతి నిశ్శ్రేయసపథి II 7 II

మహామోహారణ్యే విచరతి మనస్తన్నియమయన్

అహన్తాం నిశ్శేషీకురు కరుణయా త్వం స్నపయ మామ్ I

మహీయో మాహాత్మ్యం తవ మననమార్గే స్ఫురతు మే

మహస్తోమాకారే త్వయి మతిజుషి స్యాత్క్వను తమః II 8 II

వలక్షాభం స్నిగ్ధం వదనకమలేభ్యః ప్రసృమరం

మిలత్కారుణ్యార్ధ్రం మృదితభువనార్తిస్మితమిదం I

పులిన్దాపత్యస్య ప్రకటపులకోద్రేకజనకం

దలద్దైన్యం భేదం హరతు సతతం నః సురగురోః II 9 II    

అతీతో బ్రహ్మాదీన్ కృతిముఖకృతః కారణపతీన్

క్షితిస్తోయం వహ్నిః మరుదసి వియత్తత్త్వమఖిలమ్ I

పతిః కృత్యానాం త్వం పరిణతచిదాత్మేక్షణవతాం

ధృతిస్త్వం వ్యాప్తసన్ దిశసి నిజసాయుజ్యపదవీమ్ II 10 II

త్వదాత్మా త్వచ్చిత్తః త్వదను భవబుద్ధిస్మృతి పథః

త్వదాలోకస్సర్వం జగదిదమశేషం స్థిరచరమ్ I

సదా యోగీ సాక్షాద్భజతి తవ సారూప్య మమలం

త్వదాయత్తానాం కిం న హి సులభమష్టౌ చ విభవాః II 11 II

కతి బ్రహ్మోణో వా కతి కమలనేత్రాః కతి హరాః

కతి బ్రహ్మాండానాం కతి చ శతకోటి ష్వధికృతాః I

కృతాజ్ఞాస్సన్తస్తే వివిధకృతి రక్షాభృతికరాః

అతస్సర్వైశ్వర్యం తవ యద పరిచ్ఛేద్యవిభవమ్ II 12 II   

నమస్తే స్కన్దాయ త్రిదశపరిపాలాయ మహతే

నమః క్రౌంచాభిఖ్యా సురదలనదక్షాయ భవతే I

నమశ్శూరక్రూర త్రిదశరిపుదండాధ్వరకృతే

నమో భూయో భూయో నతికృదవనే జాగరవతే II 13 II   

శివస్త్వం శక్తిస్త్వం తదుభయతమైక్యం పృథగసి (ప్రథమసి దదైక్యం గుహవిభో)

స్తవే ధ్యానే పూజాజప నియమముఖేష్వభిరతాః I

భువి స్థిత్వా భోగాన్ సుచిరముపభుజ్య ప్రముదితాః

భవన్తి త్వత్ స్థానే తదను పునరావృత్తివిముఖాః II 14 II  

గురోర్విద్యాం లబ్ధ్వా సకలభయహన్త్రీం జపపరాః

పురశ్చర్యాముఖ్యక్రమ విధిజుషోధ్యాననిపుణాః I

వ్రతస్థైః కామోభైరభిలషిత వాంఛాం ప్రియభుజః

చిరంజీవన్ముక్తా జగతి విజయన్తే సుకృతినః II 15 II 

శరజ్జ్యోత్స్నాశుభ్రం స్ఫటికనికురుంభాతి విమలం

స్ఫురన్ముక్తాహారం ధవళవసనం భావయతి యః I

ప్రరోహత్కారుణ్యామృత బహుళధారాభిరభితః

చిరం సిక్తాత్మా వై సభవతి సవిచ్ఛిన్ననిగడః II 16 II 

వృథాకర్తుం దుష్టాన్వివిధవిషవేగాన్ శమయితుం

సుధారోచిష్కోటి ప్రతిభటరుచిం భావయతి యః I

అథఃకర్తుం శక్తో భవతి వినతాసూనుమచిరాత్

విధత్తే సర్పానాం వివిధ విషదర్పాపహరణమ్ II 17 II

ప్రవాలాభాపూరే ప్రసరతి మహస్తే జగదిదం

దివం భూమిం కాష్ఠాస్సకలమపి సంచిన్తయతి యః I

ద్రవీకూర్యాచ్చేత స్త్రిదశ నివహానామపి సుఖాత్

భువిస్త్రీణాం పుంసాం వశయతి తిరశ్ఛామపిమనః II 18 II  

నవామ్భోదశ్యామం మరకతమణిప్రఖ్య మథవా

భవన్తం ధ్యాయేద్యో భవతి నిపుణో మోహనవిధౌ I

దివిష్ఠానాం భూమావపి వివిధ దేశేషు వసతాం

నృణాం దేవానాం వా వియతి చరతాం పతగఫణినామ్ II 19 II

(ధృవం పక్షీణాం వా భుజగ వనితానాం సపతి సః)  

కుమార శ్రీమస్త్వాం కనక సదృశాభం స్మరతి యః

సమారబ్ధస్తంభే సకల జగతాం వా ప్రభవతీ I

సమస్తద్యుస్థానాం ప్రబల పృతణానాం స వయసాం

ప్రమత్తవ్యాఘ్రాణాం కిటిహయ గజానాం చ సపతీ II 20 II

ఛటాత్కారైస్సాకం సహకృత మహాధూమ పటల

స్ఫుటాకారం సాక్షాత్ స్మరతి యతి మంత్రీ సకృదపి I

హఠాదుచ్ఛాటాయ ప్రభవతి మృగాణాం స పతతాం

పటుర్విద్వేషీశ్యాత్ విధిరచిత పాశం విఘటయన్ II 21 II

స్మరన్ ఘోరాకారం తిమిర నికురుంబస్య సదృశం

జపన్ మంత్రాన్ మర్త్యస్సకలరిపు దర్పక్షపయితా I

సరుద్రేణోపౌమ్యం భజతి పరమాత్మన్ గుహవిభో

వరిష్ఠస్సాధూనామపి చ నితరాం త్వత్భజనవాన్ II 22 II

మహాభూతవ్యాప్తం కలయతి చ యో ధ్యాననిపుణః

సభూతై సంక్త్యస్త త్రిజగదిజ యోగేణ సరసః I

గుహస్వామిన్ అంతర్ దహరయతి యస్త్వాం తు కలయన్

జగన్మాయో జీవన్ భవతి స విముక్తః పశుపతిః II 23 II

శివస్వామిన్ గౌరీప్రియసుత మయూరాసన గుహేతి

అమూణ్యుక్త్వాణామాన్ అఖిలదురితౌఘాన్ క్షపయతి I

ఇహాసౌలోకేతు ప్రబల విభవస్సన్ సువిచరన్

విమానారూఢోంతే తవ భజతి లోకం నిరుపమం II 24 II

తవ శ్రీమన్ మూర్త్యం కలయతు మనీషోహ మధునా

భవత్ పాదాంభోజం భవభయహరం నౌమిశరణం I

అత స్సత్యాద్రేష ప్రమథగణనాథాత్మజ విభో

గుహస్వామిన్ దీనే వితనుమయి కారుణ్యమనిశం II 25 II

భవాయానందాబ్ధే శృతి నికరమూలార్ధ మఖిలం

నిగృహ్య వ్యాహ్రుత్వం కమలజమశక్తం తు సహసా I

బృవాణస్త్వం స్వామి క్షితిధరపతే దేశికగురో

గుహస్వామిన్ దీనే మయివితను కారుణ్యమనిశం II 26 II

అగస్త్యాదీనాం చామల హృదయాబ్జేకనిలయం

సకృత్వానధ్యాతుం పదకమలయుగ్మం తవమయ I

తథాపీ శ్రీచందిస్థర నిలయ దేవేశ వరద

గుహస్వామిన్ దీనే మయివితను కారుణ్యమనిశం II 27 II

రణేహత్వా శక్త్యా సకల దనుజాం స్తారకముఖాన్

హరిబ్రహ్మేంద్రాణామపి సురమునీనాం భువినృణాం I

మృతం కుర్వాన శ్రీ శివ శిఖరినాథత్వమఖిలం

గుహస్వామిన్ దీనే మయివితను కారుణ్యమనిశం II 28 II

శరద్రాకాజైవాత్రుక విమల షడ్వక్త్ర విలసత్

ద్విషడ్బాహోశక్త్యా విదళిత మహాక్రౌంచశిఖరిన్ I

హృతా వాస శ్రీహల్లకగిరిపతే సర్వవిదుషాం

గుహస్వామిన్ దీనే మయివితను కారుణ్యమనిశం II 29 II

మహాంతం కేకేంద్రం వరద సహసారుహ్య దివిషత్

గణానాం సర్వేషాం అభయదమునీనాం చ భజతాం I

బలారాతేః కన్యా రమణ బహుపుణ్యా చలపతే

గుహస్వామిన్ దీనే మయివితను కారుణ్యమనిశం II 30 II

మహత్ బ్రహ్మానందం పరశివగురుం సంతత లసత్

తటిత్కోటిప్రఖ్యం సకలదురితార్తిఘ్నమమలం

హరిబ్రహ్మేంద్రామరగణ నమస్కార్య చరణం

గుహం శ్రీ సంగీత ప్రియమహమంతర్ హృది భజే II 31 II 

ప్రజ్ఞావివర్ధన కార్తికేయ స్తోత్రమ్

ఓం శ్రీ స్కందపూర్వజ సహిత స్కందాయ నమః

శ్రీ గణేశాయ నమః

II స్కంద ఉవాచ II

యోగీశ్వరో మహాసేనః కార్తికేయోಽగ్నినన్దనః I

స్కందః కుమారః సేనానీః స్వామీ శఙ్కరసమ్భవః II 1 II

గాంగేయస్తామ్రచూడశ్చ బ్రహ్మచారీ శిఖిధ్వజః I

తారకారిః ఉమాపుత్రః క్రౌంచారిశ్చ షడాననః II 2 II

శబ్దబ్రహ్మసముద్రశ్చ సిద్ధః సారస్వతో గుహః I

సనత్కుమారో భగవాన్ భోగమోక్షఫలప్రదః II 3 II

శరజన్మా గణాధీశః పూర్వజో ముక్తిమార్గకృత్ I

సర్వాగమప్రణేతా చ వాంఛితార్థప్రదర్శనః II 4 II

అష్టావింశతినామాని మదీయానీతి యః పఠేత్ I

ప్రత్యూషే శ్రద్ధయా యుక్తో వాచస్పతిర్భవేత్ II 5 II

మహామన్త్ర మయానీతి మమ నామానుకీర్తనమ్ I

మహాప్రజ్ఞామవాప్నోతి నాత్ర కారా విచారణా II 6 II  

 

II ఇతి శ్రీరుద్రయమలే ప్రజ్ఞావివర్ధన శ్రీకార్తికేయస్తోత్రం సంపూర్ణం II

శ్రీ సుబ్రహ్మణ్య భుజంగ స్తోత్రం

ఓం శ్రీ గణేశాయ నమః 

ఓం శ్రీమాత్రే నమః

  సదాశివ సమారంభాం  

శంకరాచార్య మధ్యమాం 

అస్మదాచార్య పర్యంతాం

వందే గురు పరంపరాం

1. సదా బాల రూపాపి విఘ్నాద్రి హంత్రీ

మహాదంతి వక్త్రాపి పంచాస్యమాన్యా I

విధీంద్రాది మృగ్యా గణేశాభిధామే

విధత్తాం శ్రియం కాపి కళ్యాణమూర్తి: II

  

2. నజానామి శబ్దం నజానామి చార్థం

నజానామి పద్యం నజానామి గద్యం I

చిదేకా షడాస్యా హృది ద్యోతతే మే

ముఖాన్నిస్సరంతే గిరిశ్చాపి చిత్రమ్ II

3. మయూరాధిరూఢం మహావాక్యగూఢం

మనోహారిదేహం మహచ్చిత్తగేహం I

మహీ దేవదేవం మహావేదభావం

మహాదేవబాలం భజే లోకపాలం II

4. యదా సన్నిధానం గతామానవామే

భవామ్భోధిపారం గతాస్తేతదైవ I

ఇతి వ్యంజయన్ సింధుతీరేయ ఆస్తే

త మీడే పవిత్రం పరాశక్తి పుత్రం II

5. యథాభ్ధే స్తరంగా లయం యాంతి తుంగాః

తథైవాపదః సన్నిధౌ సేవతాంమే I

ఇతీవోర్మి పంక్తీర్ నృణామ్ దర్శయంతం

సదా భావయే హృత్సరోజే గుహంతం II

6. గిరౌ మన్నివాసే నరా యేధిరూఢాః

తదా పర్వతే రాజతే తేధిరూఢాః I

ఇతీవ బృవన్ గంధశైలాధిరూఢః

సదేవో ముదే మే సదా షణ్ముఖోస్తు II

7. మహామ్భోధితీరే మహాపాపచోరే

మునీంద్రానుకూలే  సుగంధాఖ్యశైలే I

గుహాయాం వసంతం స్వభాసాలసన్తం

జనార్తిం హరంతం శ్రయామో గుహంతం II

8. లసత్స్వర్ణ గేహే నృణాం కామదోహే

సుమస్తోమ సంఛన్న మాణిక్యమంచే I

సముద్యత్ సహస్రార్కతుల్య ప్రకాశం

సదాభావయే కార్తికేయం సురేశమ్ II

9. రణద్ధంసకే మంజులే త్యన్తశోణే

మనోహారి లావణ్య పీయూషపూర్ణే I

మనః షట్పదో మే భవక్లేశతప్తః

సదా మోదతాం స్కందతే పాదపద్మే II

10. సువర్ణాభ దివ్యాంబరై ర్భాసమానాం

క్వణత్కింకిణీ మేఖలా శోభమానామ్ I

లసద్ధేమపట్టేన విద్యోతమానాం

కటిం భావయే స్కంద! తే దీప్యమానామ్ II

11. పులిన్దేశకన్యా ఘనాభోగతుంగ

స్తనాలింగనాసక్త కాశ్మీరరాగమ్ I

నమస్యామ్యహం తారకారే! తవోరః

స్వభక్తావనే సర్వదా సానురాగమ్ II

12. విధౌక్లుప్తదండాన్ స్వలీలాధృతాండాన్

నిరస్తేభశుండాన్ ద్విషత్కాలదండాన్ I

హతేంద్రారిషండాన్ జగత్రాణ శౌండాన్

సదాతే ప్రచండాన్! శ్రయే బాహుదండాన్ II

13. సదా శారదాః షణ్మృగాంకా యది స్యుః

సముద్యన్త ఏవస్థితా శ్చేత్సమంతాత్ I

సదా పూర్ణబింబాః కలం కైశ్చ హీనాః

తదా త్వన్ముఖానాం బ్రువే స్కందసామ్యమ్ II

14. స్ఫురన్మందహాసైః సహంసానిచంచత్

కటాక్షావలీ భృంగసంఘోజ్జ్వలాని I

సుథాస్యంది బింబాధరాణీశ శూనో

తవాలోకయే షణ్ముఖామ్భోరుహాణి II

15. విశాలేషు కర్ణాంత దీర్ఘేష్వజస్రమ్

దయాస్యన్దిషు ద్వాదశ స్వీక్షణేషు I

మయీషత్కటాక్షః సకృత్పాతితశ్చేత్

భవేత్తే దయాశీల కానామహానిః II

16. సుతాంగోద్భవో మేసి జీవేతి షడ్ధా

జపన్మంత్ర మీశో ముదా జిఘ్నతే యాన్ I

జగద్భారభృద్భ్యో జగన్నాథ! తేభ్యః

కిరీటోజ్జ్వలేభ్యో నమో మస్తకేభ్యః II

17. స్ఫురద్రత్న కేయూర హారాభిరామః

చల త్కుండల శ్రీలస ద్గండభాగః I

కటౌ పీతవాసాః కరే చారుశక్తిః

పురస్తా న్మమాస్తాం పురారే స్తనూజః II

18. ఇహాయాహి వత్సేతి హస్తాన్ ప్రసార్య

హ్వయత్యాదరా చ్ఛంకరే మాతురంకాత్ I

సముత్పత్య తాతం శ్రయంతం కుమారం

హరాశ్లిష్టగాత్రం భజే బాలమూర్తిమ్ II

19. కుమారేశసూనో! గుహస్కందసేనా

పతే శక్తిపాణే మయూరాధిరూఢ I

పులిందాత్మజాకాంత భక్తార్తిహారిన్

ప్రభో తారకారే సదారక్ష మాం త్వమ్ II

20. ప్రశాంతేంద్రియే నష్టసంజ్ఞే విచేష్టే

కఫోద్గారివక్త్రే భయోత్కంపిగాత్రే I

ప్రయాణోన్ముఖే మయ్యనాథే తదానీం

ద్రుతంమే దయాళో భవాగ్రే గుహత్వమ్ II

21. కృతాంతస్య దూతేషు చండేషు కోపాత్

దహచ్ఛింధి భిన్ధీతి మాంతర్జయత్సు I

మయూరం సమారుహ్య మా భైరితి త్వమ్

పురః శక్తిపాణిర్మమాయాహి శీఘ్రం II

22. ప్రణమ్యాస కృత్పాదయోస్తే పతిత్వా

ప్రసాద్య ప్రభో ప్రార్ధయే నేకవారం I

నవక్తుం క్షమోహం తదానీం కృపాబ్ధే

నకార్యాంతకాలే మనాగప్యుపేక్షా II

23. సహస్రాండ భోక్తాత్వయా శూరనామా

హతస్తారక స్సింహవక్త్రశ్చ దైత్యః I

మమాంత ర్హృదిస్థం మనః క్లేశమేకం

నహంసి ప్రభో! కింకరోమి క్వయామి II

24. అహం సర్వదా దుఃఖభారావసన్నో

భావాన్దీన బంధుస్త్వదన్యం న యాచే I

భవద్భక్తిరోధం సదా క్లుప్తబాధం

మమాధిం ద్రుతం నాశయోమాసుత త్వమ్ II

25. అపస్మార కుష్ఠ క్షయార్శః ప్రమేహః

జ్వరోన్మాద గుల్మాది రోగా మహాంతః I

పిశాచాశ్చ సర్వే భవత్పత్రభూతిం

విలోక్య క్షణా త్తారకారే ద్రవంతే II

26. దృశి స్కందమూర్తిః శృతౌ స్కందకీర్తిః

ముఖే మే పవిత్రం సదా తచ్చరిత్రమ్ I

కరే తస్య కృత్యం వపుస్తస్య భృత్యం

గుహే సంతులీనా మమాశేషభావాః II

27. మునీనా ముతాహో నృణాంభక్తి భాజాం

అభీష్టప్రదాః సంతి సర్వత్ర దేవాః I

నృణామంత్యజానామపి స్వార్ధదానే

గుహాద్దేవ మన్యం న జానే న జానే II

28. కలత్రం సుతాబంధువర్గః పశుర్వా

నరోవాథ నారీ గృహేయే మదీయాః I

యజంతో నమంతః స్తువంతో భవంతమ్

స్మరంతశ్చ తే సంతు సర్వే కుమార II

29. మృగాః పక్షిణోదంశకాయే చ దుష్టాః

తథా వ్యాధయో బాధకా యే మదంగే I

భవ ఛ్చక్తితీక్ష్ణాగ్రభిన్నాః సుదూరే

వినశ్యంతు తే చూర్ణిత క్రౌంచశైల II

30. జనిత్రీ పితా చ స్వపుత్రాపరాధం

సహేతే న కిం దేవసేనాధినాథ I

అహం చాతిబాలో భవాన్ లోకతాతః

క్షమస్వాపరాధం సమస్తం మహేశ II

31. నమః కేకినే శక్తయే చాపి తుభ్యం

నమశ్చాగ తుభ్యం నమః కుక్కుటాయః I

నమః సింధవే సింధు దేశాయ తుభ్యం

పునః స్కందమూర్తే నమస్తే నమోస్తు II

32. జయానందభూమన్ జయాపారధామన్

జయామోఘకీర్తే జయానందమూర్తే I

జయాశేషసింధో జయాశేషబంధో

జయత్వం సదా ముక్తిదానేశసూనో II

33. భుజంగాఖ్యవృత్తేన క్లుప్తం స్తవం యః

పఠేద్భక్తియుక్తో గుహం సంప్రణమ్య I

సుపుత్రాన్ కలత్రం ధనం దీర్ఘమాయుః

లభేత్ స్కంద సాయుజ్యమంతే నరః సః II

 

ఇతి శ్రీ శంకర భగవత్పాద విరచిత శ్రీ సుబ్రహ్మణ్య భుజంగ స్తోత్రం సంపూర్ణమ్.