ధాన్య దానము నోము

అది ఒక బ్రాహ్మణ అగ్రహారం . ఆ అగ్రహారమందు ఒక బ్రాహ్మణ కుటుంబం .అందొక ధన వంతురాలు జీవిస్తోంది .ఏ లోటు లేదు కాని అజీర్ణ వ్యాధితో బాధ పడుతూ ఉండేది. పాపం ఆయుర్వేద వైద్యం చేయించుకుంది .కాని కుదరలేదు. వ్యాధి నయం కాలేదు ఉన్నందుకు తిని అరాయించుకునే శక్తి లేదు. పాపమలా బాధ పడుతూ ఉండేది.

ఒకనాడు ఆమె ఇంటికి ఒక యాయవారపు బ్రాహ్మణుడు వచ్చాడు. వచ్చిన ఆయనను చూచి ఆ ధనవంతురాలు -అయ్యా ! మీకు వైద్యం తెలిస్తే చెప్పండి .నాకు సిరి సంపదలున్నాయి .ధన ధాన్యాలకు లోటు లేదు .కాని అనుభవించటానికి మాత్రం నోచుకోలేదు .ఎన్నో సంవత్సరాలుగా అజీర్ణ వ్యాధితో బాధ పడుతున్నాను . అనుభవించే ప్రాప్తం లేదు .ఇందుకు కారణం ఏమై ఉంటుంది .మీకు తెలిస్తే చెప్పండి. అని అడిగిందా ఇల్లాలు.
విన్నాడా యాయవరపు బ్రాహ్మణుడు. అనంతరం ఆయన తన తండ్రి గారి వద్ద విన్న ధాన్య దాన నోమును గురించి చెప్పాడు. అంతే కాదు ఇంకా ఇలా చెప్పాడు. అమ్మా ! పూర్వ జన్మమున నీవింత కన్నా ధన వంతురాలవు. పిల్లికి బిచ్చం వేసేదానవు కావు. పిసినారివి ,ఎవరేమడిగినా లేదనే దానవు. ఆ కారణం చేతనే నీకీ దుస్థితి ఏర్పడింది . అయిననూ విచారించక ఈ జన్మమందైననూ పది మందికి పెట్టుకో .దైవ భక్తి కలిగి యుండుము.

ఒక మంచి రోజున పవిత్రంగా రుద్రాభిషేకం చేయించుకో .ఒక సంవత్సర కాలం ప్రతి నిత్యం సోలెడు గిద్దెడు బియ్యము, ఏదేని ఆకు కూర ,దక్షిణ ,తాంబూల దానం చేసికోవాలి .సంవత్సరాంతమున ఎడ్లచే త్రొక్క బడని ధాన్యం ,50 కుంచాలు ఒక గంపలో పోసికొని 50 వెండి నాణెములు దక్షిణ తాంబూలంతో కొత్త బట్టలతో ఉత్తములైన బ్రాహ్మణులకు దాన మీయాలి .అని చెప్పి ఆ యాయ వరపు బ్రాహ్మణుడు వెళ్లి పోయాడు.
ఆ శ్రీమంతురాలు ఆయన చెప్పినట్లు చేసినది .అంతే అజీర్ణం మటుమాయం .జీవితాంతం వరకు ఆమెకు ఇష్టమైన పిండి వంటలు చేయించుకుని సుఖంగా తాను తిని ఇతరులకు పెట్టేది. నోములు ,వ్రతాలు చక్కని ఫలం ప్రసాదిస్తాయి . నమ్మిక ఉండాలి సుమండీ .

విన్నాడా యాయవరపు బ్రాహ్మణుడు. అనంతరం ఆయన తన తండ్రి గారి వద్ద విన్న ధాన్య దాన నోమును గురించి చెప్పాడు. అంతే కాదు ఇంకా ఇలా చెప్పాడు. అమ్మా ! పూర్వ జన్మమున నీవింత కన్నా ధన వంతురాలవు. పిల్లికి బిచ్చం వేసేదానవు కావు. పిసినారివి ,ఎవరేమడిగినా లేదనే దానవు. ఆ కారణం చేతనే నీకీ దుస్థితి ఏర్పడింది . అయిననూ విచారించక ఈ జన్మమందైననూ పది మందికి పెట్టుకో .దైవ భక్తి కలిగి యుండుము.

ఒక మంచి రోజున పవిత్రంగా రుద్రాభిషేకం చేయించుకో .ఒక సంవత్సర కాలం ప్రతి నిత్యం సోలెడు గిద్దెడు బియ్యము, ఏదేని ఆకు కూర ,దక్షిణ ,తాంబూల దానం చేసికోవాలి .సంవత్సరాంతమున ఎడ్లచే త్రొక్క బడని ధాన్యం ,50 కుంచాలు ఒక గంపలో పోసికొని 50 వెండి నాణెములు దక్షిణ తాంబూలంతో కొత్త బట్టలతో ఉత్తములైన బ్రాహ్మణులకు దాన మీయాలి .అని చెప్పి ఆ యాయ వరపు బ్రాహ్మణుడు వెళ్లి పోయాడు.

ఆ శ్రీమంతురాలు ఆయన చెప్పినట్లు చేసినది .అంతే అజీర్ణం మటుమాయం .జీవితాంతం వరకు ఆమెకు ఇష్టమైన పిండి వంటలు చేయించుకుని సుఖంగా తాను తిని ఇతరులకు పెట్టేది. నోములు ,వ్రతాలు చక్కని ఫలం ప్రసాదిస్తాయి . నమ్మిక ఉండాలి సుమండీ .