ఉపాసనీ బాబా (కాశీనాథ శాస్త్రీ ఉపాసనీ) విరచితమ్
సదా సత్స్వరూపం చిదానంద కందం
జగత్సంభ వస్థాన సంహార హేతు
స్వభక్తేచ్చ యా మానుషం దర్శయంతం
నమామీశ్వరం సద్గురుం సాయినాథమ్ ||
భవధ్వాంత విధ్వం సమార్తాండ మీడ్యం
మనోవాగ తీతం మునిధ్యాన గమ్యమ్
జగద్వ్యాపకం నిర్మలం నిర్గుణం త్వాం
నమామీశ్వరం సద్గురుం సాయినాథమ్ ||
భవాంభో ధి మగ్నార్ది తానాం జనానాం
స్వపాదాశ్రితానాం స్వభక్తి ప్రియాణామ్
సముద్ధారణార్ధం కలౌ సంభవంతం
నమామీశ్వరం సద్గురుం సాయినాథమ్ ||
సదానింబ వృక్షస్య మూలాధి వాసాత్
సుధాస్రావిణం తిక్త మప్య ప్రియంతం
తరుంకల్ప వృక్షాధి కం సాధయంతం
నమామీశ్వరం సద్గురుం సాయినాథమ్ ||
సదాకల్ప వృక్షస్య తస్యాధి మూలే
భవద్భావబుద్ధ్యా సపర్యాది సేవామ్
నృణాం కుర్వతాం భుక్తి ముక్తి ప్రదంతం
నమామీశ్వరం సద్గురుం సాయినాథమ్ ||
అనేకాశ్రుతాతర్క్య లీలా విలాసై:
సమాకర్ష యంతం సుభాస్వత్ప్రభావం
అహంభావహీనం ప్రసన్నాత్మభావం
నమామీశ్వరం సద్గురుం సాయినాథమ్ ||
సతాం విశ్రమారామమేవాభి రామం
సదా సజ్జనై: సంస్తుతం సన్నమద్భి:
జనామోద దం భక్త భద్ర ప్రదంతం
నమామీశ్వరం సద్గురుం సాయినాథమ్ ||
అజన్మాద్య మేకం పరం బ్రహ్మసాక్షాత్
స్వయంసంభవం రామమేవావ తీర్ణమ్
భవద్దర్సనా త్సం పునీతః ప్రభో హం
నమామీశ్వరం సద్గురుం సాయినాథమ్ ||
శ్రీసాయీశ ! కృపానిధే ఖిలనృణాం - సర్వార్ధ సిద్ధ ప్రద !
యుష్మత్వాదరజః ప్రభావమతులం - ధాతాపి వక్తాక్షమః
సద్భక్త్యా శరణం కృతాంజలి పుటః - సంప్రాపితో స్మిప్రభో !
శ్రీమత్సాయి పటేశ పాదకమలా - న్నాన్య చ్చరణ్యం మమ ||
సాయిరూపధరరాఘవోత్తమం
భక్త కామ విభుధ ద్రుమ ప్రభుమ్
మాయ యోపహత చిత్త శుద్ధయే
చింతయామ్య హమ హర్నిశం ముదా ||
శరత్సుదాంశు ప్రతిమ ప్రకాశం
కృపాతపత్రం తవ సాయినాథ
త్వదీయ పాదాబ్జ సమాశ్రితానాం
స్వచ్చా యమా తాప మపాకరోతు ||
ఉపాసనీ దైవత! సాయినాథ !
స్తవైర్మ యోపా సనినాస్తుత స్త్వమ్
రమేన్మనో మే తవ పాదయుగ్మే
భ్రుంగో యథాబ్జే మకరంద లుబ్దః ||
అనేక జన్మార్జి త పాపసంక్షయో
భావేద్భ వత్పాద సరోజ దర్శనాత్
క్షమస్వ సర్వా న పరాధ పుంజకాన్
ప్రసీద సాయీశ ! గురో! దయానిధే ||
శ్రీ సాయినాథ చరణామృతాపూత చిత్తా |
స్తత్పాద సేవ నరతా స్సతతం చ భక్త్యా |
సంసార జన్య దురితౌ ఘవినిర్గ తాస్తే
కైవల్యధామ పరమం సమవాప్నువంతి ||
స్తోత్ర మేత త్పటే ద్భక్త్యా - యో నర స్తన్మనాః సదా
సద్గురో : సాయినాథ స్య - కృపాపాత్రం భవేద్ద్రువమ్ ||
ఇతి శ్రీ సాయినాథ స్తోత్రమ్
No comments:
Post a Comment