అంగరాగాలనోము

స్త్రీలు ఆచరించవలసిన నోములలో అంగరాగాల నోము ఒకటి. అందం కోరుకునేవారు, ఆనందం కావాలని అభిలషించేవారు, సిరి - సంపద, పసుపు - కుంకుమ, సౌభాగ్యం, పాడి - పంటలు, సుఖ - సంతోషాలు ఇహపరాలయందు సౌఖ్యం, పుత్రా - పోవ్త్రాభి వృద్ధిని ఆకాంక్షించే వారు ముఖ్యంగా స్త్రీలు ఈ నోము చేయవచ్చును.

"అంగ రాగాల నోము అనుభవాల గేము "
అని చెప్పి అక్షతలు వేసికొనవలెను. అనంతరం అయిదు బొట్టుపెట్టెలు, అయిదు కటుకకాయలు, అయిదు కుంకుమభరినెలు,. దువ్వెనలు, సవరములు, అగరువత్తుల కట్టలు, గంధపు చెక్కలు, నల్లపూసలు, బంగారుపూలు లేదా పూలు, అద్దములు, సుగంధ ద్రవ్యములు, నూతన వస్త్రాభారనములు, తెప్పించి సువాసినీ స్త్రీలను పిలిచి వారికి శ్రద్ధాభక్తులతో దక్షిణ, తాంబూలం, వాయనం ఇచ్చి ఐదుగురు ముత్తయిదువులకు తలంటి నీరుపోసి పంచభక్ష పరమాన్నంబులతో సంతోషంగా భోజనం పెట్టవలెను. ఎ నోము యౌవనవతులు చేయవలెను. శ్రద్ధతో చేయవలెను. భక్తితో ఆచరించవలెను. ఫలము సిద్ధించును.

పాట
1 . రండి తెలిసుకోండి రారండి మీరు
అందాలనోమిది ఆనందాల నోమిది
సిరి సంపద లిచ్చు శుఖ శాంతుల నిచ్చి
పసుపు - కుంకుమ నిచ్చు పాడి పంటల నిచ్చు
సంతాన మిచ్చునది సంతోష మిచ్చునది
ఆడువారందరూ హాయిగా చేయొచ్చు
అంగరాగాల నోము అనుభవాల గేము
ఇహమందు సుఖము పరమందు సౌఖ్యము
కలుగజేసే నోము కలిగించు నోము

2 . విషయాలు తెలుసుకొని వివరంగా మీరు
ఆచరించండి ఫలమను భవించండి
బొట్టుపెట్టెలు లయిదు కాటుకకాయలు
సవరాలు, దువ్వెన అగరువత్తులు తెచ్చి
నల్లపూసలు, పూలు, గంధపు చెక్కలు
అద్దములు, వస్త్రాలు, ఆభరనాదులు
ఐదేసి తెప్పించి అందము ఉంచి
దక్షిణ, తాంబూల వాయనము లిచ్చి
భక్తి శ్రద్ధలతోడ చేయాలినోము

3 . ముత్తయిదువులను మీరు ముందుగా పిలిచి
అభ్యంగన స్నానాలు చేయించి వారికి
మంచి వస్త్రాలు ఇచ్చి మర్యాదలను చేసి
పిండి వంటలతోను భోజనంపెట్టి
ఏలోటు రాకుండా నోము చేయాలి
ఇహమందును - పరమందు సుఖము పొందాలి
భక్తితో చేసిన ఫలము సిద్ధించును
శక్తి కొలది చేసి స్త్రీలందరూ మీరు
అంగ రాగాలతో హాయిగా ఉండండి.
మంచి చేకూరును మర్యాద కలుగును
యువతులందరకిది యుక్తమైన నోము
యుగయుగా లందునా చేసేటి నోము.