బార వత్తుల మూర వత్తుల నోము

ఈ నోముని గురించి పార్వతి శివుని అడిగింది .శివుడు పార్వతికి వివరంగా విశదీకరించి చెప్పాడు. అంత పార్వతి ఒక కుంటిది తనను అడుగగా ఆమెకు చెప్పింది. ఆ కధనే ఇక్కడ పొందు పరచాను.

పూర్వకాలాన ఒక కుంటిది ఒక గ్రామమందు జీవించేది .పాపమామెను అందరూ బాద పెట్టే వారు. ఆ బాధ సహించలేక ఆమె ఈ వ్రతము నోచినది. బార పొడవు గల దూది దారము తయారు చేసికొనవలెను. దానిని ముప్పది బాగములుగా చుట్టు కొనవలెను. మూర పొడవుగా దారమును ఆరు బాగములుగా చుట్టి ఉంచుకొనవలెను . వాటిని సంవత్సరం వరకూ జాగ్రత్తగా భద్ర  పరచుకొనవలెను.

మహాశివరాత్రి పండుగ రోజున పోలల నూనెను ఒక మూకుడు నందు పోసి బారవత్తులు మూర వత్తులు ఆ మూకుడులో వేసి దీపం వెలిగించ వలెను. అనంతరం ఒక ఉత్తముడైన బ్రాహ్మణునకు కొత్త బట్టలు పెట్టి, దక్షిణ నిచ్చి తాంబూల మందించి దాన మీయవలెను.

కుంటిది తు.చ. తప్పకుండ చక్కగా ఆ పూజ చేసింది .శరీర లోపల లేకుండా వ్రత ఫలం కారణంగా కాలొచ్చింది. ఇహమందు సుఖ పడింది. పరమందు మోక్ష మందింది.

కధ చదివి ఉద్యాపన తెలిసికొని శ్రద్ధతో ఈ వ్రత మాచరించిన తప్పక ఫలం సిద్దించ గలదు. నమ్మకం లేని వారు భక్తి లేని వారు , దైవాన్ని నమ్మని వారు, ఈ వ్రతం చేయవద్దని మనవి. చిత్త శుద్ధి లేనివారికి ఫలముండదు .వృధా ప్రయాస. అన్నిటికి ముఖ్యం నమ్మకం భక్తి .