ఐశ్వర్యాభివృద్ధికి మహాలక్ష్మీ అష్టకం

మన కుటుంబ సభ్యులు సిరి సంప దలలో తులతూగేందుకై లక్ష్మీదేవి ఆరా ధనను విధిగా చేస్తుంటాం. ఆ దేవి సర్వత్రా కొలు వయి ఉంటుందన్నది చాలా మందికి తెలియని విషయం. లక్ష్మిదేవి పాదాలలో ఉన్నవారికి గృహ సౌభాగ్యం కలుగుతుంది. ఒడిలో ఉంటే మంచి సంతానం కలుగుతుంది. తొడలపై ఉంటే రత్నాలు, నానా విధాలైన ద్రవ్యాలు లభిస్తాయి. కంఠంలో కొలువైతే నగలకు కొదవ ఉండదు. హృదయంలో ఉంటే కోరుకున్న కోరికలు తీరతాయి. ఈ విషయం మార్కండేయ పురాణంలో విపులీకరించబడింది. అందరికీ ఆ లక్ష్మీ కటాక్షం అత్యంతావశ్యకం. అందుకే ఆ తల్లిని వివిధ స్తోత్రాలతో ధ్యానించాలి. అటువంటి స్తోత్రాలలో శ్రీమహాలక్ష్మీ అష్టకం ఒకటి. ఈ అష్టకాన్ని క్రమం తప్పకుండా పఠించే భక్తుల ఇళ్ళల్లో లక్ష్మీదేవి అనుగ్రహం తప్పకుండా కలుగుతుంది.

నమస్తేస్తు మహామాయే శ్రీపీఠే సురపూజితే,
శంఖచక్ర గదాహస్తే మహాలక్ష్మీ నమోస్తుతే

దేవతలచేత పూజింపబడే లక్ష్మీ. తన హస్త మందే శంఖును, గదను ధరించి, శ్రీపీఠంపై ఆసీనమైన ఆ మహాలక్ష్మీకి నా నమస్సులు.

నమస్తే గరుడారూఢే కోలాసురభయంకరి,
సర్వపాపహరే దేవి మహాలక్ష్మీ నమోస్తుతే

గరుడుని అధిరోహించి కోలాసురునికి భయాన్ని కలిగించే సర్వపాపాల్ని పోగొట్టుదానవు అయిన శ్రీ మహాలక్ష్మీ నీకు నా నమస్కారాలు.

సర్వజ్ఞే సర్వవరదే సర్వదుష్టభయంకరి,
సర్వదుఃఖహరే దేవి మహాలక్ష్మీ నమోస్తుతే

సర్వజ్ఞురాలవు, అడిగిన వరాలను ఇచ్చే దానవు, దుష్టులకు భయం గొల్పేదానవు. అందరి దఃఖాల్ని పారదోలేదానవు ఐన మహాలక్ష్మీ నీకు నా నమో వాకాలు.

సిద్ధిబుద్ధి ప్రదే దేవి భుక్తిముక్తిప్రదాయిని
మంత్రమూర్తే సదా దేవి మహాలక్ష్మీ నమోస్తుతే

సిద్ధిని, బుద్ధిని, భుక్తిని, ముక్తిని ప్రసాదించే దానవు, ఎల్లప్పుడూ మంత్రమూర్తివి అయిన మహాలక్ష్మీ దేవివి నీవు. నీకు నా వందనాలు.

ఆద్యన్తరహితే దేవి ఆద్యశక్తి మహేశ్వరి,
యోగజే యోగసంభూతే మహాలక్ష్మీ నమోస్తుతే

ఆది అంతాలులేని దానవు నీకు అద్యాశక్తిని, మహేశ్వరిని యోగభాగం నుంచి జన్మించిన యోగ సంభూతురాలవు అయిన మహాలక్ష్మీవి నీవు. నీకు దండాలు.

స్థూలసూక్ష్మ మహారౌద్ర మహాశక్తి మహోదరే,
మహాపాపహరే దేవి మహాలక్ష్మీ నమోస్తుతే
సర్వ సామాన్య చర్మచక్షువులకు కనిపించని దానివి.
 స్థూల విరాట్‌రూపవు త్రివిక్రమవు; మహారౌద్ర, మహాశక్తి రూపిణివి, శరణాగత భక్తుల మహాపాపాల్ని నాశనం చేసి ఆధ్యాత్మిక సిరిని (ధనాన్ని) ఇచ్చే మహాలక్ష్మీవి. నీకు నమస్కారం.

పద్మాసనస్థితే దేవి పరబ్రహ్మ స్వరూపిణి,
పరమేశి జగన్మాతః మహాలక్ష్మీ నమోస్తుతే

పద్మాసనంలో కూర్చున్న పరబ్రహ్మ స్వరూపిణివి పరమేశ్వరివి, జగన్మాతను అయిన మహాలక్ష్మీవి, నీకు కైమోడ్పులు.

శ్వేతామ్బరధరే దేవి నానాలంకార భూషితే,
జగత్థ్సితే జగన్మాతః మహాలక్ష్మీ నమోస్తుతే

తెల్లవి వస్త్రాలు ధరించి, సర్వాలంకారభూషణాలను కలిగినదానవు, జగత్తువు పాలించే జగన్మాతవు అయిన మహాలక్ష్మీవి, నీకు నా నీరాజనాలు.

మాలక్ష్మ్యష్టకస్తోత్రం యః పఠేద్భక్తిమాన్నరః,
సర్వసిద్ధిమవాప్నోతి రాజ్యం ప్రాప్నోతి సర్వదా

ఈ మహాలక్ష్మీ అష్టకాన్ని భక్తితో ఏ నరుడు పఠిస్తాడో, అతనికి ఎల్లప్పుడు సర్వ సిద్ధులు, రాజ్యం కలుగుతాయి.

ఏక కాలే పఠేనిత్యం మహాపాపవినాశనమ్‌,
ద్వికాలం యః పఠేనిత్యం ధనధాన్యసమన్వితః

ఎవరయితే ఒకసారి ఈ మహాలక్ష్మీ అష్టకాన్ని పఠిస్తారో వారి మహాపాపాలు నాశనం అవుతాయి. రెండుసార్లు పఠిస్తే వారు ధనధాన్య సమృద్ధి పొందుతారన్నది స్పష్టం.

త్రికాల యః పఠేనిత్యం మహాశత్రువినాశనమ్‌,
మహాలక్ష్మీర్భవేన్నిత్యం ప్రసన్నా వరదా శుభా

ఎవరైతే మూడు కాలాలు పఠిస్తారో వారికి మహాశత్రు వినాశనం అవుతుంది. శ్రీమహాలక్ష్మీ ఎప్పుడూ వారికి ప్రసన్నురాలై భుశకరమైన వరాల్నీ, సర్వాన్నీ అనుగ్రహిస్తుంది.

ఈ అష్టకాన్ని పఠిస్తే, ఆ తల్లి అనుగ్రహం సులభంగా కలుగుతుంది. అందుకే అందరం మహాలక్ష్మీ అష్టకాన్ని పఠించి ఐశ్వర్యాన్ని పొందుదాము.