నవగ్రహా కదంబం

|| వ్యాస కృత నవగ్రహ స్తోత్రం ||

 ఓం ఆదిత్యయ, సోమయ మంగళాయ భుధయ చ
  గురు శుక్ర శనిభ్యస్య రాహవే కేతవే నమః

సూర్య మంత్రం

జపాకుసుమ సంకాశం  కాశ్యపేయం మహాద్యుతిమ్

తమోరిం సర్వ పాపగన్నం ప్రణతోస్మి దివాకరం

చంద్ర మంత్రం

దధి శంక తుషారాభం క్షీరార్ణవ సముద్భవం

నమామి శశినం సోమం శంభోర్మకుట భూషణం

కుజ మంత్రం

ధరణీ గర్భ సంభూతం విధ్యుత్ కాంతి సమప్రభం

కుమారం శక్తి హస్తం తం మంగళం ప్రణమామ్యహం

బుధ మంత్రం

ప్రియంగు కలిశ్యామం – రూపేణా ప్రతిమం బుధం

సౌమ్యం సౌమ్య గుణోపెతం తం  బుధం ప్రణమామ్యహం

బృహస్పతి (గురు) మంత్రం

దేవానాంచ బుషీనాంచ  గురుం కాంచన సన్నిభం

భుధ్ధిమతం త్రిలోకేశం తం నమామి బృహస్పతిం

శుక్ర మంత్రం

హిమ కుంద మృణలాభం దైత్యానాం  పరమం  గురుం

సర్వశాస్త్ర ప్రవక్తారం  భార్గవం  ప్రణమామ్యహం

శని మంత్రం

నీలాంజన సమాభాసం – రవిపుత్రం యమాగ్రజం

ఛాయా మార్తాండ సంభూతం  తం నమామి శనైచ్చరం

రాహు మంత్రం

అర్ధకాయం మహావీరం చంద్రాదిత్య విమర్ధనం

సింహీకాగర్బ సంభూతం తం రాహుం ప్రణమామ్యహం

కేతు మంత్రం

పలాశపుష్ప సంకాశం – తారకాగ్రహ మస్తకం

రౌద్రం రౌద్రాత్మకం ఘోరం  తం కేతుం ప్రణమామ్యహం

|| ఇతి శ్రీవ్యాసవిరచితం నవగ్రహస్తోత్రం సంపూర్ణమ్‌||

సూర్యాష్టకమ్

 ఆది దేవా! నమస్తుభ్యం ప్రసీద మమ భాస్కర!
దివాకర! నమస్తుభ్యం ప్రభాకర నమోస్తుతే.

సప్తాశ్వరథమారుఢం ప్రచండం కశ్యపాత్మజమ్,
శ్వేతపద్మ ధరం దేవం తం సూర్యం ప్రణమామ్యహమ్.

లోహితం రథం మారూఢం సర్వలోకపితామహమ్,
మహాపాపహారం దేవం తం సూర్యం ప్రణమామ్యహమ్.

త్రైగుణ్యం చ మహాశూరం బ్రహ్మ విష్ణు మహేశ్వరమ్,
మహాపాపహరం దేవం తం సూర్యం ప్రణమామ్యహమ్.

బృంహితం తేజాసాం పుంజం వాయుమాకాశమేవ చ,
ప్రభుం చ సర్వలోకానాం తం సూర్యం ప్రణమామ్యహమ్.

బంధూకపుష్పసంకాశం హరకుండల భూషితమ్,
ఏకచక్రధరం దేవం తం సూర్యం ప్రణమామ్యహమ్.

తం సూర్యం లోకకర్తారం మహాతేజః ప్రదీపనమ్,
మహాపాపహరం దేవం తం సూర్యం ప్రణమామ్యహమ్.

తం సూర్యం జగతాం నాథం జ్ఞానవిజ్ఞాన మోక్షదమ్,
మహాపాపహరం దేవం తం సూర్యం ప్రణమామ్యహమ్.

సూర్యాష్టకం పఠేన్నిత్యం గ్రహపీడాప్రణాశనమ్,
అపుత్రో లభతే పుత్రం దరిద్రో ధనవాన్ భవేత్.

ఇతి శ్రీ సూర్యాష్టకం సంపూర్ణమ్

శ్రీ సూర్య సహస్రనామ స్తోత్రమ్

. అథ భవిష్యపురాణాన్తర్గత- సూర్యసహస్రనామస్తోత్రమ్ .

ఓం విశ్వజిద్ విశ్వజిత్కర్తా విశ్వాత్మా విశ్వతోముఖః .
విశ్వేశ్వరో విశ్వయోనిర్నియతాత్మా జితేన్ద్రియః .. ౧..
కాలాశ్రయః కాలకర్తా కాలహా కాలనాశనః .
మహాయోగీ మహాబుద్ధిర్మహాత్మా సుమహాబలః .. ౨..
ప్రభుర్విభుర్భూతనాథో భూతాత్మా భువనేశ్వరః .
భూతభవ్యో భావితాత్మా భూతాన్తఃకరణః శివః .. ౩..
శరణ్యః కమలానన్దో నన్దనో నన్దవర్ధనః .
వరేణ్యో వరదో యోగీ సుసంయుక్తః ప్రకాశకః .. ౪..
వాక్ప్రాణః పరమః ప్రాణః ప్రీతాత్మా ప్రియతః ప్రియః .
నయః సహస్రపాత్ సాధుర్దివ్యకుణ్డలమణ్డితః .. ౫..
అవ్యఙ్గధారీ ధీరాత్మా ప్రచేతా వాయువాహనః .
సమాహితమతిర్ధాతా విధాతా కృతమఙ్గలః .. ౬..
కపర్దీ కల్పకృద్రుద్రః సుమనా ధర్మవత్సలః .
సమాయుక్తో విముక్తాత్మా కృతాత్మా కృతినాంవరః .. ౭..
అవిచిన్త్యవపుః శ్రేష్ఠో మహాయోగీ మహేశ్వరః .
కాన్తః కామాదిరాదిత్యో నియతాత్మా నిరాకులః .. ౮..
కామః కారుణికః కర్తా కమలాకరబోధనః .
సప్తసప్తిరచిన్త్యాత్మా మహాకారుణికోత్తమః .. ౯..
సంజీవనో జీవనాథో జగజ్జీవో జగత్పతిః .
అజయో విశ్వనిలయః సంవిభాగో వృషధ్వజః .. ౧౦..
వృషాకపిః కల్పకర్తా కల్పాన్తకరణో రవిః .
ఏకచక్రరథో మౌనీ సురథో రథినాంవరః .. ౧౧..
అక్రోధనో రశ్మిమాలీ తేజోరాశిర్విభావసుః .
దివ్యకృద్ దినకృద్ దేవో దేవదేవో దివస్పతిః .. ౧౨..
ధీరానాథో హవిర్హోతా దివ్యబాహుర్దివాకరః .
యజ్ఞో యజ్ఞపతిః పూషా స్వర్ణరేతాః పరావహః .. ౧౩..
పరాపరజ్ఞస్ తరణిరంశుమాలీ మనోహరః .
ప్రాజ్ఞః ప్రజాపతిః సూర్యః సవితా విష్ణురంశుమాన్ .. ౧౪..
సదాగతిర్గన్ధబాహుర్విహితో విధిరాశుగః .
పతఙ్గః పతగః స్థాణుర్విహఙ్గో విహగో వరః .. ౧౫..
హర్యశ్వో హరితాశ్వశ్చ హరిదశ్వో జగత్ప్రియః .
త్ర్యంబకః సర్వదమనో భావితాత్మా భిషగ్వరః .. ౧౬..
ఆలోకకృల్లోకనాథో లోకాలోకనమస్కృతః .
కాలః కల్పాన్తకో వహ్నిస్తపనః సమ్ప్రతాపనః .. ౧౭..
విరోచనో విరూపాక్షః సహస్రాక్షః పురందరః .
సహస్రరశ్మిర్మిహిరో వివిధామ్బరభూషణః .. ౧౮..
ఖగః ప్రతర్దనో ధన్యో హయగో వాగ్విశారదః .
శ్రీమాంశ్చ శిశిరో వాగ్మీ శ్రీపతిః శ్రీనికేతనః .. ౧౯..
శ్రీకణ్ఠః శ్రీధరః శ్రీమాన్ శ్రీనివాసో వసుప్రదః .
కామచారో మహామాయో మహేశో విదితాశయః .. ౨౦..
తీర్థక్రియావాన్ సునయో విభవో భక్తవత్సలః .
కీర్తిః కీర్తికరో నిత్యః కుణ్డలీ కవచీ రథీ .. ౨౧..
హిరణ్యరేతాః సప్తాశ్వః ప్రయతాత్మా పరంతపః .
బుద్ధిమాన్ అమరశ్రేష్ఠో రోచిష్ణుః పాతశాసనః .. ౨౨..
సముద్రో ధనదో ధాతా మాన్ధాతా కశ్మలాపహః .
తమోఘ్నో ధ్వాన్తహా వహ్నిర్హోతాన్తఃకరణో గుహః .. ౨౩..
పశుమాన్ ప్రయతానన్దో భూతేశః శ్రీమతాంవరః .
నిత్యోఽదితో నిత్యరథః సురేశః సురపూజితః .. ౨౪..
అజితో విజయో జేతా జఙ్గమస్థావరాత్మకః .
జీవానన్దో నిత్యకామీ విజేతా విజయప్రదః .. ౨౫..
పర్జన్యోఽగ్నిః స్థితిస్థేయః స్థవిరోఽణుర్నిరఞ్జనః .
ప్రద్యోతనో రథారూఢః సర్వలోకప్రకాశకః .. ౨౬..
ధ్రువో మేధీ మహావీర్యో హంసః సంసారతారకః .
సృష్టికర్తా క్రియాహేతుర్మార్తణ్డో మరుతాంపతిః .. ౨౭..
మరుత్వాన్ దహనః స్పష్టా భగో భాగ్యోఽర్యమాపతిః .
వరుణాంశో జగన్నాథః కృతకృత్యః సులోచనః .. ౨౮..
వివస్వాన్ భానుమాన్ కార్యకారణం తేజసాంనిధిః .
అసఙ్గవామీ తిగ్మాంశుర్ధర్మాదిర్దీప్తదీధితిః .. ౨౯..
సహస్రదీధితిర్భఘ్నః సహస్రాంశుర్దివాకరః .
గభస్తిమాన్ దీధితిమాన్ స్రగ్విమాన్ అతులద్యుతిః .. ౩౦..
భాస్కరః సురకార్యజ్ఞః సర్వజ్ఞస్ తీక్ష్ణదీధితిః .
సురజ్యేష్ఠః సురపతిర్బహుజ్ఞోవచసాంపతిః .. ౩౧..
తేజోనిధిర్బృహత్తేజా బృహత్కీర్తిర్బృహస్పతిః .
అహిమానూర్జితో ధీమాన్ ఆముక్తః కీర్తివర్ధనః .. ౩౨..
మహావైద్యాగ్రేణపతిర్గణేశో గణనాయకః .
తీవ్రప్రతాపనస్ తాపీ తాపనో విశ్వతాపనః .. ౩౩..
కార్తస్వరో హృషీకేశః పద్మానన్దోఽభినన్దితః .
పద్మనాభోఽమృతాహారః స్థితిమాన్ కేతుమాన్ నభః .. ౩౪..
అనాద్యన్తోఽచ్యుతో విశ్వో విశ్వామిత్రో ఘృణీ విరాట్ .
ఆముక్తః కవచీ వాగ్మీ కఞ్చుకీ విశ్వభావనః .. ౩౫..
అనిమిత్తగతిః శ్రేష్ఠః శరణ్యః సర్వతోముఖః .
విగాహీరేణురసహః సమాయుక్తః సమాహితః .. ౩౬..
ధర్మకేతుర్ధర్మరతిః సంహర్తా సంయమోయమః .
ప్రణతార్తిహరో వాదీ సిద్ధకార్యో జనేశ్వరః .. ౩౭..
నభో విగాహనః సత్యః స్థామసః సుమనో హరః .
హారీ హరిర్హరో వాయురృతుః కాలానలద్యుతిః .. ౩౮..
సుఖసేవ్యో మహాతేజా జగతామన్తకారణమ్ .
మహేన్ద్రో విష్టుతః స్తోత్రం స్తుతిహేతుః ప్రభాకరః .. ౩౯..
సహస్రకల ఆయుష్మాన్ అరోషః సుఖదః సుఖీ .
వ్యాధిహా సుఖదః సౌఖ్యం కల్యాణః కల్పినాంవరః .. ౪౦..
ఆరోగ్యకర్మణాం సిద్ధిర్వృద్ధిరృద్ధిరహస్పతిః .
హిరణ్యరేతా ఆరోగ్యం విద్వాన్ బన్ధుర్బుధో మహాన్ .. ౪౧..
ప్రణవాన్ ధృతిమాన్ ధర్మో ధర్మకర్తా రుచిప్రదః .
సర్వప్రియః సర్వసహః సర్వశత్రునివారుణః .. ౪౨..
ప్రాంశుర్విద్యోతనో ద్యోతః సహస్రకిరణః కృతిః .
కేయూరభూషణోద్భాసీ భాసితో భాసనోఽనలః .. ౪౩..
శరణ్యార్తిహరో హోతా ఖద్యోతః ఖగసత్తమః .
సర్వద్యోతోఽమవద్ద్యోతః సర్వద్యుతికరోఽమలః .. ౪౪..
కల్యాణః కల్యాణకరః కల్పః కల్పకరః కవిః .
కల్యాణకృత్ కల్పవపుః సర్వకల్యాణభాజనః .. ౪౫..
శాన్తిప్రియః ప్రసన్నాత్మా ప్రశాన్తః ప్రశమప్రియః .
ఉదారకర్మా సునయః సువర్చా వర్చసోజ్జ్వలః .. ౪౬..
వర్చస్వీ వర్చసామీశస్ త్రైలోక్యేశో వశానుగః .
తేజస్వీ సుయశావర్ణిర్వర్ణాధ్యక్షో బలిప్రియః .. ౪౭..
యశస్వీ వేదనిలయస్ తేజస్వీ ప్రకృతిస్థితః .
ఆకాశగః శీఘ్రగతిరాశుగః శ్రుతిమాన్ ఖగః .. ౪౮..
గోపతిర్గ్రహదేవేశో గోమాన్ ఏకః ప్రభఞ్జనః .
జనితాప్రజగణ్డీవో దీపః సర్వప్రకాశకః .. ౪౯..
కర్మసాక్షీ యోగనిత్యో నభస్వాన్ అసురాన్తకః .
రక్షోఘ్నో విఘ్నశమనః కిరీటీ సుమనఃప్రియః .. ౫౦..
మరీచిమాలీ సుమతిః కృతాతిథ్యోఽవిశేషతః .
శిష్టాచారః శుభాకారః స్వాచారా చారతత్పరః .. ౫౧..
మన్దారో మాఠరో రేణుః క్షోభణః పక్షిణాఙ్గురుః .
స్వవిశిష్టో విశిష్టాత్మా విధేయో జ్ఞానశోభనః .. ౫౨..
మహాశ్వేతా ప్రియో జ్ఞేయః సామగో మోదదాయకః .
సర్వవేదప్రగీతాత్మా సర్వవేదో గయాలయః .. ౫౩..
వేదమూర్తిశ్చతుర్వేదో వేదభృద్ వేదపారగః .
క్రియావాన్ అతిరోచిష్ణుర్వరీయాంశ్చ వరప్రదః .. ౫౪..
వ్రతధారీ వ్రతధరో లోకబన్ధురలంకృతః .
అలంకారాక్షరో దివ్యవిద్యావాన్ విదితాశయః .. ౫౫..
అకారో భూషణో భూష్యో భూష్ణుర్భవనపూజితః .
చక్రపాణిర్వజ్రధరః సువేశో లోకవత్సలః .. ౫౬..
రాజ్ఞీపతిర్మహాబాహుః ప్రకృతిర్వికృతిర్గుణః .
అన్ధకారాపహః శ్రేష్ఠో యుగావర్తో యుగాదికృత్ .. ౫౭..
అప్రమేయః సదాయోగీ నిరహంకార ఈశ్వరః .
శుభప్రదః శుభశోభా శుభకర్మా శుభాస్పదః .. ౫౮..
సత్యవాన్ ధృతిమాన్ అర్చ్యో హ్యకారో వృద్ధిదోఽనలః .
బలభృద్ బలగో బన్ధుర్బలవాన్ హరిణాంవరః .. ౫౯..
అనఙ్గోఽనాగరాణిన్ద్రః పద్మయోనిర్గణేశ్వరః .
సంవత్సర ఋతుర్నేతా కాలచక్రప్రవర్తకః .. ౬౦..
పద్మేక్షరః పద్మయోనిః ప్రభవోఽనసరద్యుతిః .
సుమూర్తిః సుమతిః సోమో గోవిన్దో జగదాదిజః .. ౬౧..
పీతవాసాః కృష్ణవాసా దిగ్వాసాతీన్ద్రియో హరిః .
అతీన్ద్రోఽనేకరూపాత్మా స్కన్దః పరపురంజయః .. ౬౨..
శక్తిమాన్ సూరధృగ్ భాస్వాన్ మోక్షహేతురయోనిజః .
సర్వదర్శోఽదితో దర్శో దుఃస్వప్నాశుభనాశనః .. ౬౩..
మాఙ్గల్యకర్తా కరణిర్వేగవాన్ కశ్మలాపహః .
స్పష్టాక్షరో మహామన్త్రో విశాఖో యజనప్రియః .. ౬౪..
విశ్వకర్మా మహాశక్తిర్జ్యోతిరీశవిహంగమః .
విచక్షణో దక్ష ఇన్ద్రః ప్రత్యూహః ప్రియదర్శనః .. ౬౫..
అశ్వినౌ వేదనిలయో వేదవిద్ విదితాశయః .
ప్రభాకరో జితరిపుః సుజనోఽరుణసారథిః .. ౬౬..
కుబేరసురథః స్కన్దో మహితోఽభిహితో గుహుః .
గ్రహరాజో గ్రహపతిర్గ్రహనక్షత్రమణ్డనః .. ౬౭..
భాస్కరః సతతానన్దో నన్దనో నన్దివర్ధనః .
మఙ్గలోఽప్యథ మఙ్గలవాన్ మాఙ్గల్యోఽమఙ్గలాపహః .. ౬౮..
మఙ్గలాచారచరితః శీర్ణః సర్వవ్రతో వ్రతీ .
చతుర్ముఖః పద్మమాలీ పూతాత్మా ప్రణతార్తిహా .. ౬౯..
అకిఞ్చనః సత్యసన్ధో నిర్గుణో గుణవాన్ గుణీ .
సమ్పూర్ణః పుణ్డరీకాక్షో విధేయో యోగతత్పరః .. ౭౦..
సహస్రాంశుః క్రతుపతిః సర్వస్వం సుమతిః సువాక్ .
సుభామనో మాల్యదామా ఘృతాహారో హరిప్రియః .. ౭౧..
బ్రహ్మప్రచేతా ప్రథితః ప్రతీతాత్మా స్థిరాత్మకః .
శతబిన్దుః శతమఖో గరీయాన్ అనలప్రభుః .. ౭౨..
ధీరో మహత్తరో ధన్యః పురుషః పురుషోత్తమః .
విద్యాధరాధిరాజోఽహివిద్యావాన్ భూతిదస్థితః ..౭౩..
అనిర్దేశ్యవపుః శ్రీమాన్ విశ్వాత్మా బహుమఙ్గలః .
సుస్థితః సురథః స్వర్ణో మోక్షాధారనికేతనః .. ౭౪..
నిర్ద్వన్ద్వో ద్వన్ద్వహా సర్గః సర్వగః సమ్ప్రకాశయః .
దయాలుః సూక్ష్మరీః శాన్తిః క్షేమాక్షేమస్థితిప్రియః .. ౭౫..
భూతరో భూపతిర్వక్తా పవిత్రాత్మా త్రిలోచనః .
మహావరాహః ప్రియకృద్ ధాతా భోక్తాభయప్రదః .. ౭౬..
చతుర్వేదధరో నిత్యో వినిద్రో వివిధాశనః .
చక్రవర్తీ ధృతికరః సమ్పూర్ణోఽథ మహేశ్వరః .. ౭౭..
విచిత్రరథ ఏకాకీ సప్తసప్తిః పరాత్పరః .
సర్వోదధిస్థితికరః స్థితిస్థేయః స్థితిప్రియః .. ౭౮..
నిష్కలః పుష్కరనిభో వసుమాన్ వాసవప్రియః .
వసుమాన్ వాసవస్వామీ వసురాతా వసుప్రదః .. ౭౯..
బలవాన్ జ్ఞానవాంస్తత్త్వమ్ ఓంకారస్ తృషుసంస్థితః .
సంకల్పయోనిర్దినకృద్ భగవాన్ కారణావహః .. ౮౦..
నీలకణ్ఠో ధనాధ్యక్షశ్చతుర్వేదప్రియంవదః .
వషట్కారో హుతం హోతా స్వాహాకారో హుతాహుతిః .. ౮౧..
జనార్దనో జనానన్దో నరో నారాయణోఽమ్బుదః .
స్వర్ణాఙ్గక్షపణో వాయుః సురా సురనమస్కృతః .. ౮౨..
విగ్రహో విమలో బిన్దుర్విశోకో విమలద్యుతిః .
ద్యోతితో ద్యోతనో విద్వాన్ వివిద్వాన్ వరదో బలీ .. ౮౩..
ధర్మయోనిర్మహామోహో విష్ణుభ్రాతా సనాతనః .
సావిత్రీభావితో రాజా విసృతో విఘృణీ విరాట్ .. ౮౪..
సప్తార్చిః సప్తతురగః సప్తలోకనమస్కృతః .
సమ్పన్నోఽథ జగన్నాథః సుమనాః శోభనప్రియః .. ౮౫..
సర్వాత్మా సర్వకృత్ సృష్టిః సప్తిమాన్ సప్తమీప్రియః .
సుమేధా మాధవో మేధ్యో మేధావీ మధుసూదనః .. ౮౬..
అఙ్గిరా గతికాలజ్ఞో ధూమకేతుసుకేతనః .
సుఖీ సుఖప్రదః సౌఖ్యం కామీ కాన్తిప్రియో మునిః .. ౮౭..
సంతాపనః సంతపన ఆతపీ తపసాంపతిః .
ఉగ్రశ్రవా సహస్రోస్రః ప్రియఙ్కారో ప్రియఙ్కరః .. ౮౮..
ప్రీతో విమన్యురమ్భోదో జీవనో జగతాంపతిః .
జగత్పితా ప్రీతమనాః సర్వః శర్వో గుహావలః .. ౮౯..
సర్వగో జగదానన్దో జగన్నేతా సురారిహా .
శ్రేయః శ్రేయస్కరో జ్యాయానుత్తమోత్తమ ఉత్తమః .. ౯౦..
ఉత్తమోఽథ మహామేరుర్ధారణో ధరణీధరః .
ధారాధరో ధర్మరాజో ధర్మాధర్మప్రవర్తకః .. ౯౧..
రథాధ్యక్షో రథపతిస్ త్వరమాణోఽమితానలః .
ఉత్తరోఽనుత్తరస్ తాపీ తారాపతిరపాంపతిః .. ౯౨..
పుణ్యసంకీర్తనః పుణ్యో హేతుర్లోకత్రయాశ్రయః .
స్వర్భానుర్విహగారిష్టో విశిష్టోత్కృష్టకర్మకృత్ .. ౯౩..
వ్యాధిప్రణాశనః క్షేమః శూరః సర్వజితామ్బరః .
ఏకనాథో రథాధీశః శనైశ్చరపితాసితః .. ౯౪..
వైవస్వతగురుర్మృత్యుర్ధర్మనిత్యో మహావ్రతః .
ప్రలమ్బహారః సంచారీ ప్రద్యోతో ద్యోతితోఽనలః .. ౯౫..
సంతానకృత్ పరో మన్త్రో మన్త్రమూర్తిర్మహాబలః .
శ్రేష్ఠాత్మా సుప్రియః శమ్భుర్మహతామీశ్వరేశ్వరః .. ౯౬..
సంసారగతివిచ్ఛేతా సంసారార్ణవతారకః .
సప్తజిహ్వః సహస్రార్చీ రత్నగర్భోఽపరాజితః .. ౯౭..
ధర్మకేతురమేయాత్మా ధర్మాధర్మవరప్రదః .
లోకసాక్షీ లోకగురుర్లోకేశశ్ ఛన్దవాహనః .. ౯౮..
ధర్మరూపః సూక్ష్మవాయుర్ధనుష్పాణిర్ధనుర్ధరః .
పినాకధృన్ మహోత్సాహో నైకమాయో మహాశనః .. ౯౯..
వారః శక్తిమతాంశ్రేష్ఠః సర్వశస్త్రభృతాంవరః .
జ్ఞానగమ్యో దురారాధ్యో లోహితాఙ్గోఽరిమర్దనః .. ౧౦౦..
అనన్తో ధర్మదో నిత్యో ధర్మకృచ్చిత్ త్రివిక్రమః .
దైవత్రస్ త్ర్యక్షరో మధ్యో నీలాఙ్గో నీలలోహితః .. ౧౦౧..
ఏకోఽనేకస్ త్రయీవ్యాసః సవితా సమితిఞ్జయః .
శార్ఙ్గధన్వానలో భీమః సర్వప్రహరణాయుధః .. ౧౦౨..
పరమేష్ఠీ పరంజ్యోతిర్నాకపాలీ దివస్పతిః .
వదాన్యో వాసుకిర్వైద్య ఆత్రేయోఽతిపరాక్రమః .. ౧౦౩..
ద్వాపరః పరమోదారః పరమబ్రహ్మచర్యవాన్ .
ఉద్దీప్తవేషో ముకుటీ పద్మహస్తోఽహిమాంశుభృత్ .. ౧౦౪..
స్మితః ప్రసన్నవదనః పద్మోదరనిభాననః .
సాయందివా దివ్యవపురనిర్దేశ్యో మహారథః .. ౧౦౫..
మహారథో మహానీశః శేషః సత్త్వరజస్తమః .
ధృతాతపత్రః ప్రతిమో విమర్శీ నిర్ణయస్థితః .. ౧౦౬..
అహింసకః శుద్ధమతిరద్వితీయో విమర్దనః .
సర్వదో ధనదో మోక్షో విహారీ బహుదాయకః .. ౧౦౭..
గ్రహనాథో గ్రహపతిర్గ్రహేశస్ తిమిరాపహః .
మనో హరవపుః శుభ్రః శోభనః సుప్రభాననః .. ౧౦౮..
సుప్రభః సుప్రభాకారః సునేత్రో నిక్షుభాపతిః .
రాజ్ఞీప్రియః శబ్దకరో గ్రహేశస్ తిమిరాపహః .. ౧౦౯..
సైంహికేయరిపుర్దేవో వరదో వరనాయకః .
చతుర్భుజో మహాయోగీ యోగీశ్వరపతిస్ తథా .. ౧౧౦..
అనాదిరూపోఽదితిజో రత్నకాన్తిః ప్రభామయః .
జగత్ప్రదీపో విస్తీర్ణో మహావిస్తీర్ణమణ్డలః .. ౧౧౧..
ఏకచక్రరథః స్వర్ణరథః స్వర్ణశరీరధృక్ .
నిరాలమ్బో గగనరో ధర్మకర్మప్రభావకృత్ .. ౧౧౨..
ధర్మాత్మా కర్మణాంసాక్షీ ప్రత్యక్షః పరమేశ్వరః .
మేరుసేవీ సుమేధావీ మేరురక్షాకరో మహాన్ .. ౧౧౩..
ఆధారభూకో రతిమాంస్తథా చ ధనధాన్యకృత్ .
పాపసంతాపసంహర్తా మనోవాంఛితదాయకః .. ౧౧౪..
లోకహర్తా రాజ్యదాయీ రమణీయగుణోఽనృణీ .
కాలత్రయానన్తరూపో మునివృన్దనమస్కృతః .. ౧౧౫..
సంధ్యారాగకరః సిద్ధః సంధ్యావన్దనవన్దితః .
సామ్రాజ్యదాననిరతః సమారాధనతోషవాన్ .. ౧౧౬..
భక్తదుఃఖక్షయకరో భవసాగరతారకః .
భయాపహర్తా భగవాన్ అప్రమేయపరాక్రమః .. ౧౧౭..
మనుస్వామీ మనుపతిర్మాన్యో మన్వన్తరాధిపః .. ౧౧౮..
ఇతి శ్రీ భవిష్యే మహాపురాణే సూర్యసహస్రనామ స్తోత్రం సమ్పూర్ణమ్
శ్రీ సూర్య అష్టోత్తరశతనామ స్తోత్రం

అరుణాయ శరణ్యాయ కరుణారససింధవే

అసమానబలాయాzర్తరక్షకాయ నమో నమః || ౧ ||

ఆదిత్యాయాzదిభూతాయ అఖిలాగమవేదినే
అచ్యుతాయాzఖిలజ్ఞాయ అనంతాయ నమో నమః || ౨ ||

ఇనాయ విశ్వరూపాయ ఇజ్యాయైంద్రాయ భానవే
ఇందిరామందిరాప్తాయ వందనీయాయ తే నమః || ౩ ||

ఈశాయ సుప్రసన్నాయ సుశీలాయ సువర్చసే
వసుప్రదాయ వసవే వాసుదేవాయ తే నమః || ౪ ||

ఉజ్జ్వలాయోగ్రరూపాయ ఊర్ధ్వగాయ వివస్వతే
ఉద్యత్కిరణజాలాయ హృషీకేశాయ తే నమః || ౫ ||

ఊర్జస్వలాయ వీరాయ నిర్జరాయ జయాయ చ
ఊరుద్వయాభావరూపయుక్తసారథయే నమః || ౬ ||

ఋషివంద్యాయ రుగ్ఘంత్రే ఋక్షచక్రచరాయ చ
ఋజుస్వభావచిత్తాయ నిత్యస్తుత్యాయ తే నమః || ౭ ||

ఋకారమాతృకావర్ణరూపాయోజ్జ్వలతేజసే
ఋక్షాధినాథమిత్రాయ పుష్కరాక్షాయ తే నమః || ౮ ||

లుప్తదంతాయ శాంతాయ కాంతిదాయ ఘనాయ చ
కనత్కనకభూషాయ ఖద్యోతాయ తే నమః || ౯ ||

లూనితాఖిలదైత్యాయ సత్యానందస్వరూపిణే
అపవర్గప్రదాయాzర్తశరణ్యాయ నమో నమః || ౧౦ ||

ఏకాకినే భగవతే సృష్టిస్థిత్యంతకారిణే
గుణాత్మనే ఘృణిభృతే బృహతే బ్రహ్మణే నమః || ౧౧ ||

ఐశ్వర్యదాయ శర్వాయ హరిదశ్వాయ శౌరయే
దశదిక్సంప్రకాశాయ భక్తవశ్యాయ తే నమః || ౧౨ ||

ఓజస్కరాయ జయినే జగదానందహేతవే
జన్మమృత్యుజరావ్యాధివర్జితాయ నమో నమః || ౧౩ ||

ఔన్నత్యపదసంచారరథస్థాయాత్మరూపినే
కమనీయకరాయాzబ్జవల్లభాయ నమో నమః || ౧౪ ||

అంతర్బహిఃప్రకాశాయ అచింత్యాయాzత్మరూపిణే
అచ్యుతాయ సురేశాయ పరస్మైజ్యోతిషే నమః || ౧౫ ||

అహస్కరాయ రవయే హరయే పరమాత్మనే
తరుణాయ వరేణ్యాయ గ్రహాణాంపతయే నమః || ౧౬ ||

ఓం నమో భాస్కరాయాzదిమధ్యాంతరహితాయ చ
సౌఖ్యప్రదాయ సకలజగతాంపతయే నమః || ౧౭ ||

నమః సూర్యాయ కవయే నమో నారాయణాయ చ
నమో నమః పరేశాయ తేజోరూపాయ తే నమః || ౧౮ ||

ఓం శ్రీం హిరణ్యగర్భాయ ఓం హ్రీం సంపత్కరాయ చ
ఓం ఐం ఇష్టార్థదాయాzనుప్రసన్నాయ నమో నమః || ౧౯ ||

శ్రీమతే శ్రేయసే భక్తకోటిసౌఖ్యప్రదాయినే
నిఖిలాగమవేద్యాయ నిత్యానందాయ తే నమః || ౨౦ ||
|| అథ ఆదిత్యహృదయమ్||

తతో యుద్ధపరిశ్రాన్తం సమరే చిన్తయా స్థితమ్‌|
రావణం చాగ్రతో దృష్ట్వా యుద్ధాయ సముపస్థితమ్‌|| ౧||

దైవతైశ్చ సమాగమ్య ద్రష్టుమభ్యాగతో రణమ్‌|
ఉపాగమ్యాబ్రవీద్రామమగస్త్యో భగవానృషిః|| ౨||

రామ రామ మహాబాహో శృణు గుహ్యం సనాతనమ్‌|
యేన సర్వానరీన్వత్స సమరే విజయిష్యసి|| ౩||

ఆదిత్యహృదయం పుణ్యం సర్వశత్రువినాశనమ్‌|
జయావహం జపేన్నిత్యం అక్షయ్యం పరమం శివమ్‌|| ౪||

సర్వమఙ్గలమాఙ్గల్యం సర్వపాపప్రణాశనమ్‌|
చింతాశోకప్రశమనం ఆయుర్వర్ధనముత్తమమ్‌|| ౫||

రశ్మిమంతం సముద్యన్తం దేవాసురనమస్కృతమ్‌|
పూజయస్వ వివస్వన్తం భాస్కరం భువనేశ్వరమ్‌|| ౬||

సర్వదేవాత్మకో హ్యేష తేజస్వీ రశ్మిభావనః|
ఏష దేవాసురగణాఁల్లోకాన్‌ పాతి గభస్తిభిః|| ౭||

ఏష బ్రహ్మా చ విష్ణుశ్చ శివః స్కన్దః ప్రజాపతిః|
మహేన్ద్రో ధనదః కాలో యమః సోమో హ్యపాం పతిః|| ౮||

పితరో వసవః సాధ్యా హ్యశ్వినౌ మరుతో మనుః|
వాయుర్వహ్నిః ప్రజాప్రాణ ఋతుకర్తా ప్రభాకరః|| ౯||

ఆదిత్యః సవితా సూర్యః ఖగః పూషా గభస్తిమాన్‌|
సువర్ణసదృశో భానుర్హిరణ్యరేతా దివాకరః|| ౧౦||

హరిదశ్వః సహస్రార్చిః సప్తసప్తిర్మరీచిమాన్‌|
తిమిరోన్మథనః శంభుస్త్వష్టా మార్తాణ్డ అంశుమాన్‌|| ౧౧||

హిరణ్యగర్భః శిశిరస్తపనో భాస్కరో రవిః|
అగ్నిగర్భోऽదితేః పుత్రః శఙ్ఖః శిశిరనాశనః|| ౧౨||

వ్యోమనాథస్తమోభేదీ ఋగ్యజుఃసామపారగః|
ఘనవృష్టిరపాం మిత్రో విన్ధ్యవీథీ ప్లవఙ్గమః|| ౧౩||

ఆతపీ మణ్డలీ మృత్యుః పిఙ్గలః సర్వతాపనః|
కవిర్విశ్వో మహాతేజాః రక్తః సర్వభవోద్‌భవః|| ౧౪||

నక్షత్రగ్రహతారాణామధిపో విశ్వభావనః|
తేజసామపి తేజస్వీ ద్వాదశాత్మన్నమోऽస్తు తే|| ౧౫||

నమః పూర్వాయ గిరయే పశ్చిమాయాద్రయే నమః|
జ్యోతిర్గణానాం పతయే దినాధిపతయే నమః|| ౧౬||

జయాయ జయభద్రాయ హర్యశ్వాయ నమో నమః|
నమో నమః సహస్రాంశో ఆదిత్యాయ నమో నమః|| ౧౭||

నమః ఉగ్రాయ వీరాయ సారఙ్గాయ నమో నమః|
నమః పద్మప్రబోధాయ మార్తాణ్డాయ నమో నమః|| ౧౮|| or మార్తణ్డాయ

బ్రహ్మేశానాచ్యుతేశాయ సూర్యాయాదిత్యవర్చసే|
భాస్వతే సర్వభక్శాయ రౌద్రాయ వపుషే నమః|| ౧౯||

తమోఘ్నాయ హిమఘ్నాయ శత్రుఘ్నాయామితాత్మనే|
కృతఘ్నఘ్నాయ దేవాయ జ్యోతిషాం పతయే నమః|| ౨౦||

తప్తచామీకరాభాయ వహ్నయే విశ్వకర్మణే| or హరయే విశ్వకర్మణే
నమస్తమోऽభినిఘ్నాయ రుచయే లోకసాక్శిణే|| ౨౧||

నాశయత్యేష వై భూతం తదేవ సృజతి ప్రభుః|
పాయత్యేష తపత్యేష వర్షత్యేష గభస్తిభిః|| ౨౨||

ఏష సుప్తేషు జాగర్తి భూతేషు పరినిష్ఠితః|
ఏష ఏవాగ్నిహోత్రం చ ఫలం చైవాగ్నిహోత్రిణామ్‌|| ౨౩||

వేదాశ్చ క్రతవశ్చైవ క్రతూనాం ఫలమేవ చ|
యాని కృత్యాని లోకేషు సర్వ ఏష రవిః ప్రభుః|| ౨౪||

|| ఫల శ్రుతిః||
ఏనమాపత్సు కృచ్ఛ్రేషు కాన్తారేషు భయేషు చ|
కీర్తయన్‌ పురుషః కశ్చిన్నావసీదతి రాఘవ|| ౨౫||

పూజయస్వైనమేకాగ్రో దేవదేవం జగత్‌పతిమ్‌|
ఏతత్‌ త్రిగుణితం జప్త్వా యుద్ధేషు విజయిష్యసి|| ౨౬||

అస్మిన్క్షణే మహాబాహో రావణం త్వం వధిష్యసి|
ఏవముక్త్వా తదాऽగస్త్యో జగామ చ యథాగతమ్‌|| ౨౭||

ఏతచ్ఛ్రుత్వా మహాతేజా నష్టశోకోऽభవత్తదా|
ధారయామాస సుప్రీతో రాఘవః ప్రయతాత్మవాన్‌|| ౨౮||

ఆదిత్యం ప్రేక్శ్య జప్త్వా తు పరం హర్షమవాప్తవాన్‌|
త్రిరాచమ్య శుచిర్భూత్వా ధనురాదాయ వీర్యవాన్‌|| ౨౯||

రావణం ప్రేక్శ్య హృష్టాత్మా యుద్ధాయ సముపాగమత్‌|
సర్వ యత్నేన మహతా వధే తస్య ధృతోऽభవత్‌|| ౩౦||

అథ రవిరవదన్నిరీక్ష్య రామం
ముదితమనాః పరమం ప్రహృష్యమాణః|
నిశిచరపతిసంక్షయం విదిత్వా
సురగణమధ్యగతో వచస్త్వరేతి|| ౩౧||

|| ఇతి ఆదిత్యహృదయమ్ || 

|| అథ సూర్యమణ్డలాష్టకమ్‌ ||

నమః సవిత్రె జగదెకచక్శుషె జగత్ప్రసూతీ స్థితి నాశ హెతవె|
త్రయీమయాయ త్రిగుణాత్మ ధారిణె విరఞ్చి నారాయణ శఙ్కరాత్మన్‌|| ౧||

యన్మణ్డలం దీప్తికరం విశాలం రత్నప్రభం తీవ్రమనాది రూపమ్‌|
దారిద్ర్య దుఖక్శయకారణం చ పునాతు మాం తత్సవితుర్వరెణ్యమ్‌|| ౨||

యన్మణ్డలం దెవ గణైః సుపూజితం విప్రైః స్తుతం భావనముక్తి కొవిదమ్‌|
తం దెవదెవం ప్రణమామి సూర్యం పునాతు మాం తత్సవితుర్వరెణ్యమ్‌|| ౩||

యన్మణ్డలం జ్ఞాన ఘనం త్వగమ్యం త్రైలొక్య పూజ్యం త్రిగుణాత్మ రూపమ్‌|
సమస్త తెజొమయ దివ్యరూపం పునాతు మాం తత్సవితుర్వరెణ్యమ్‌|| ౪||

యన్మణ్డలం గుఢమతి ప్రబొధం ధర్మస్య వృద్ధిం కురుతె జనానామ్‌|
యత్సర్వ పాప క్శయకారణం చ పునాతు మాం తత్సవితుర్వరెణ్యమ్‌|| ౫||

యన్మణ్డలం వ్యాధి వినాశ దక్శం యదృగ్యజుః సామసు సంప్రగీతమ్‌|
ప్రకాశితం యెన భూర్భువః స్వః పునాతు మాం తత్సవితుర్వరెణ్యమ్‌|| ౬||

యన్మణ్డలం వెదవిదొ వదన్తి గాయన్తి యచ్చారణ సిద్ధ సఙ్ఘాః|
యద్యొగినొ యొగజుషాం చ సఙ్ఘాః పునాతు మాం తత్సవితుర్వరెణ్యమ్‌|| ౭||

యన్మణ్డలం సర్వజనెషు పూజితం జ్యొతిశ్చకుర్యాదిహ మర్త్యలొకె|
యత్కాలకల్ప క్శయకారణం చ పునాతు మాం తత్సవితుర్వరెణ్యమ్‌|| ౮||

యన్మణ్డలం విశ్వసృజం ప్రసీదముత్పత్తిరక్శా ప్రలయ ప్రగల్భమ్‌|
యస్మిఞ్జగత్సంహరతెऽఖిలం చ పునాతు మాం తత్సవితుర్వరెణ్యమ్‌|| ౯||

యన్మణ్డలం సర్వగతస్య విష్ణొరాత్మా పరం ధామ విశుద్ధతత్త్వమ్‌|
సూక్శ్మాన్తరైర్యొగపథానుగమ్యె పునాతు మాం తత్సవితుర్వరెణ్యమ్‌|| ౧౦||

యన్మణ్డలం వేదవిదో విదన్తి గాయన్తి తచ్చారణసిద్ధ సఙ్ఘాః|
యన్మణ్డలం వేదవిదే స్మరన్తి పునాతు మాం తత్సవితుర్వరెణ్యమ్‌|| ౧౧||

యన్మణ్డలం వేదవిదోపగీతం యద్యోగినాం యోగ పథానుగమ్యమ్‌|
తత్సర్వ వోదం ప్రణమామి సూర్యం పునాతు మాం తత్సవితుర్వరెణ్యమ్‌|| ౧౨||
 

|| సూర్య నమస్కార మంత్రములు ||

ఔమ్ ధ్యెయః సదా సవితృమణ్డల మధ్యవర్తి|
నారాయణః సరసిజాసన్సంఇవిష్టః|
కెయూరవాన మకరకుణ్డలవాన కిరీటీ|
హారీ హిరణ్మయవపుధృ|ర్తశంఖచక్రః||

ఔమ్ మిత్రాయ నమః|
ఔమ్ రవయె నమః|
ఔమ్ సూర్యాయ నమః|
ఔమ్ భానవె నమః|
ఔమ్ ఖగాయ నమః|
ఔమ్ పూష్ణె నమః|
ఔమ్ హిరణ్యగర్భాయ నమః|
ఔమ్ మరీచయె నమః|
ఔమ్ ఆదిత్యాయ నమః|
ఔమ్ సవిత్రె నమః|
ఔమ్ అర్కాయ నమః|
ఔమ్ భాస్కరాయ నమః|
ఔమ్ శ్రీసవితృసూర్యనారాయణాయ నమః||

ఆదితస్య నమస్కారాన్‌ యె కుర్వన్‍తి దినె దినె|
జన్మాన్తరసహస్రెషు దారిద్ర్‌యం దొష నాశతె|
అకాలమృత్యు హరణం సర్వవ్యాధి వినాశనమ్‌|
సూర్యపాదొదకం తీర్థం జఠరె ధారయామ్యహమ్‌||

యొగెన చిత్తస్య పదెన వాచా మలం శరీరస్య చ వైద్యకెన|
యొపాకరొత్తం ప్రవరం మునీనాం పతంజలిం ప్రాంజలిరానతొऽస్మి||

||సూర్య కవచం||

శ్రీభైరవ ఉవాచ
యో దేవదేవో భగవాన్‌ భాస్కరో మహసాం నిధిః|
గయత్రీనాయకో భాస్వాన్‌ సవితేతి ప్రగీయతే|| ౧||
తస్యాహం కవచం దివ్యం వజ్రపఞ్జరకాభిధమ్‌|
సర్వమన్త్రమయం గుహ్యం మూలవిద్యారహస్యకమ్‌|| ౨||
సర్వపాపాపహం దేవి దుఃఖదారిద్ర్యనాశనమ్‌|
మహాకుష్ఠహరం పుణ్యం సర్వరోగనివర్హణమ్‌|| ౩||
సర్వశత్రుసమూహఘ్నం సమ్గ్రామే విజయప్రదమ్‌|
సర్వతేజోమయం సర్వదేవదానవపూజితమ్‌|| ౪||
రణే రాజభయే ఘోరే సర్వోపద్రవనాశనమ్‌|
మాతృకావేష్టితం వర్మ భైరవానననిర్గతమ్‌|| ౫||
గ్రహపీడాహరం దేవి సర్వసఙ్కటనాశనమ్‌|
ధారణాదస్య దేవేశి బ్రహ్మా లోకపితామహః|| ౬||
విష్ణుర్నారాయణో దేవి రణే దైత్యాఞ్జిష్యతి|
శఙ్కరః సర్వలోకేశో వాసవోऽపి దివస్పతిః|| ౭||
ఓషధీశః శశీ దేవి శివోऽహం భైరవేశ్వరః|
మన్త్రాత్మకం పరం వర్మ సవితుః సారముత్తమమ్‌|| ౮||
యో ధారయేద్‌ భుజే మూర్ధ్ని రవివారే మహేశ్వరి|
స రాజవల్లభో లోకే తేజస్వీ వైరిమర్దనః|| ౯||
బహునోక్తేన కిం దేవి కవచస్యాస్య ధారణాత్‌|
ఇహ లక్ష్మీధనారోగ్య-వృద్ధిర్భవతి నాన్యథా|| ౧౦||
పరత్ర పరమా ముక్తిర్దేవానామపి దుర్లభా|
కవచస్యాస్య దేవేశి మూలవిద్యామయస్య చ|| ౧౧||
వజ్రపఞ్జరకాఖ్యస్య మునిర్బ్రహ్మా సమీరితః|
గాయత్ర్యం ఛన్ద ఇత్యుక్తం దేవతా సవితా స్మృతః|| ౧౨||
మాయా బీజం శరత్‌ శక్తిర్నమః కీలకమీశ్వరి|
సర్వార్థసాధనే దేవి వినియోగః ప్రకీర్తితః|| ౧౩||
ఓం అం ఆం ఇం ఈం శిరః పాతు ఓం సూర్యో మన్త్రవిగ్రహః|
ఉం ఊం ఋం ౠం లలాటం మే హ్రాం రవిః పాతు చిన్మయః|| ౧౪||
~ళుం ~ళూం ఏం ఐం పాతు నేత్రే హ్రీం మమారుణసారథిః|
ఓం ఔం అం అః శ్రుతీ పాతు సః సర్వజగదీశ్వరః|| ౧౫||
కం ఖం గం ఘం పాతు గణ్డౌ సూం సూరః సురపూజితః|
చం ఛం జం ఝం చ నాసాం మే పాతు యార్ం అర్యమా ప్రభుః|| ౧౬||
టం ఠం డం ఢం ముఖం పాయాద్‌ యం యోగీశ్వరపూజితః|
తం థం దం ధం గలం పాతు నం నారాయణవల్లభః|| ౧౭||
పం ఫం బం భం మమ స్కన్ధౌ పాతు మం మహసాం నిధిః|
యం రం లం వం భుజౌ పాతు మూలం సకనాయకః|| ౧౮||
శం షం సం హం పాతు వక్షో మూలమన్త్రమయో ధ్రువః|
ళం క్షః కుక్ష్సిం సదా పాతు గ్రహాథో దినేశ్వరః|| ౧౯||
ఙం ఞం ణం నం మం మే పాతు పృష్ఠం దివసనాయకః|
అం ఆం ఇం ఈం ఉం ఊం ఋం ౠం నాభిం పాతు తమోపహః|| ౨౦||
~ళుం ~ళూం ఏం ఐం ఓం ఔం అం అః లిఙ్గం మేऽవ్యాద్‌ గ్రహేశ్వరః|
కం ఖం గం ఘం చం ఛం జం ఝం కటిం భానుర్మమావతు|| ౨౧||
టం ఠం డం ఢం తం థం దం ధం జానూ భాస్వాన్‌ మమావతు|
పం ఫం బం భం యం రం లం వం జఙ్ఘే మేऽవ్యాద్‌ విభాకరః|| ౨౨||
శం షం సం హం ళం క్షః పాతు మూలం పాదౌ త్రయితనుః|
ఙం ఞం ణం నం మం మే పాతు సవితా సకలం వపుః|| ౨౩||
సోమః పూర్వే చ మాం పాతు భౌమోऽగ్నౌ మాం సదావతు|
బుధో మాం దక్షిణే పాతు నై‌ఋత్యా గురరేవ మామ్‌|| ౨౪||
పశ్చిమే మాం సితః పాతు వాయవ్యాం మాం శనైశ్చరః|
ఉత్తరే మాం తమః పాయాదైశాన్యాం మాం శిఖీ తథా|| ౨౫||
ఊర్ధ్వం మాం పాతు మిహిరో మామధస్తాఞ్జగత్పతిః|
ప్రభాతే భాస్కరః పాతు మధ్యాహ్నే మాం దినేశ్వరః|| ౨౬||
సాయం వేదప్రియః పాతు నిశీథే విస్ఫురాపతిః|
సర్వత్ర సర్వదా సూర్యః పాతు మాం చక్రనాయకః|| ౨౭||
రణే రాజకులే ద్యూతే విదాదే శత్రుసఙ్కటే|
సఙ్గామే చ జ్వరే రోగే పాతు మాం సవితా ప్రభుః|| ౨౮||
ఓం ఓం ఓం ఉత ఓంఉ‌ఔమ్ హ స మ యః సూరోऽవతాన్మాం భయాద్‌|
హ్రాం హ్రీం హ్రుం హహహా హసౌః హసహసౌః హంసోऽవతాత్‌ సర్వతః|
సః సః సః సససా నృపాద్వనచరాచ్చౌరాద్రణాత్‌ సంకటాత్‌|
పాయాన్మాం కులనాయకోऽపి సవితా ఓం హ్రీం హ సౌః సర్వదా|| ౨౯||
ద్రాం ద్రీం ద్రూం దధనం తథా చ తరణిర్భాంభైర్భయాద్‌ భాస్కరో
రాం రీం రూం రురురూం రవిర్జ్వరభయాత్‌ కుష్ఠాచ్చ శూలామయాత్‌|
అం అం ఆం వివివీం మహామయభయం మాం పాతు మార్తణ్డకో
మూలవ్యాప్తతనుః సదావతు పరం హంసః సహస్రాంశుమాన్‌|| ౩౦||
ఇతి శ్రీకవచం దివ్యం వజ్రపఞ్జరకాభిధమ్‌|
సర్వదేవరహస్యం చ మాతృకామన్త్రవేష్టితమ్‌|| ౩౧||
మహారోగభయఘ్నం చ పాపఘ్నం మన్ముఖోదితమ్‌|
గుహ్యం యశస్కరం పుణ్యం సర్వశ్రేయస్కరం శివే|| ౩౨||
లిఖిత్వా రవివారే తు తిష్యే వా జన్మభే ప్రియే|
అష్టగన్ధేన దివ్యేన సుధాక్షీరేణ పార్వతి|| ౩౩||
అర్కక్షీరేణ పుణ్యేన భూర్జత్వచి మహేశ్వరి|
కనకీకాష్ఠలేఖన్యా కవచం భాస్కరోదయే|| ౩౪||
శ్వేతసూత్రేణ రక్తేన శ్యామేనావేష్టయేద్‌ గుటీమ్‌|
సౌవర్ణేనాథ సంవేష్ఠ్య ధారయేన్మూర్ధ్ని వా భుజే|| ౩౫||
రణే రిపూఞ్జయేద్‌ దేవి వాదే సదసి జేష్యతి|
రాజమాన్యో భవేన్నిత్యం సర్వతేజోమయో భవేత్‌|| ౩౬||
కణ్ఠస్థా పుత్రదా దేవి కుక్షిస్థా రోగనాశినీ|
శిరఃస్థా గుటికా దివ్యా రాకలోకవశఙ్కరీ|| ౩౭||
భుజస్థా ధనదా నిత్యం తేజోబుద్ధివివర్ధినీ|
వన్ధ్యా వా కాకవన్ధ్యా వా మృతవత్సా చ యాఙ్గనా|| ౩౮||
కణ్ఠే సా ధారయేన్నిత్యం బహుపుత్రా ప్రజాయయే|
యస్య దేహే భవేన్నిత్యం గుటికైషా మహేశ్వరి|| ౩౯||
మహాస్త్రాణీన్ద్రముక్తాని బ్రహ్మాస్త్రాదీని పార్వతి|
తద్దేహం ప్రాప్య వ్యర్థాని భవిష్యన్తి న సంశయః|| ౪౦||
త్రికాలం యః పఠేన్నిత్యం కవచం వజ్రపఞ్జరమ్‌|
తస్య సద్యో మహాదేవి సవితా వరదో భవేత్‌|| ౪౧||
అజ్ఞాత్వా కవచం దేవి పూజయేద్ యస్త్రయీతనుమ్‌|
తస్య పూజార్జితం పుణ్యం జన్మకోటిషు నిష్ఫలమ్‌|| ౪౨||
శతావర్తం పఠేద్వర్మ సప్తమ్యాం రవివాసరే|
మహాకుష్ఠార్దితో దేవి ముచ్యతే నాత్ర సంశయః|| ౪౩||
నిరోగో యః పఠేద్వర్మ దరిద్రో వజ్రపఞ్జరమ్‌|
లక్ష్మీవాఞ్జాయతే దేవి సద్యః సూర్యప్రసాదతః|| ౪౪||
భక్త్యా యః ప్రపఠేద్‌ దేవి కవచం ప్రత్యహం ప్రియే|
ఇహ లోకే శ్రియం భుక్త్వా దేహాన్తే ముక్తిమాప్నుయాత్‌|| ౪౫||
ఇతి శ్రీరుద్రయామలే తన్త్రే శ్రీదేవిరహస్యే
వజ్రపఞ్జరాఖ్యసూర్యకవచనిరూపణం త్రయస్త్రింశః పటలః|| ౩౩||

 

                            - ఇతిశమ్-

శ్రీ శివప్రోక్తం శ్రీ సూర్యాష్టకం

ఆదిదేవ నమస్తుభ్యం ప్రసీద మమ భాస్కర
దివాకర నమస్తుభ్యం ప్రభాకర నమోస్తుతే

సప్తాశ్వ రథమారూఢం ప్రచండం కశ్యపాత్మజం
శ్వేత పద్మ ధరం దేవం తం సూర్యం ప్రణమామ్యహం

  లోహితం రథమారూఢం సర్వ లోక పితామహం
మహాపాప హరం దేవం తం సూర్యం ప్రణమామ్యహం

త్రైగుణ్యం చ మహాశూరం బ్రహ్మ విష్ణు మహేశ్వరం
మహా పాప హరం దేవం తం సూర్యం ప్రణమామ్యహం

బృంహితం తేజసాం పుంజం వాయు రాకాశ మేవచ
ప్రభుస్త్వం సర్వ లోకానాం తం సూర్యం ప్రణమామ్యహం

బంధూక పుష్ప సంకాశం హర కుండల భూషితం
ఏక చక్రధరం దేవం తం సూర్యం ప్రణమామ్యహం

విశ్వేశం విశ్వ కర్తారం మహా తేజః ప్రదీపనం
మహా పాప హరం దేవం తం సూర్యం ప్రణమామ్యహం

శ్రీ విష్ణుం జగతాం నాథం జ్ఞాన విజ్ఞాన మోక్షదం
మహా పాప హరం దేవం తం సూర్యం ప్రణమామ్యహం

సూర్యాష్టకం పఠేన్నిత్యం గ్రహపీడా ప్రణాశనం
అపుత్రో లభతే పుత్రం దరిద్రో ధనవాన్ భవేత్

ఆమిషం మధుపానం చ యః కరోతి రవేర్దినే
సప్త జన్మ భవేద్రోగీ జన్మ జన్మ దరిద్రతా

స్త్రీ తైల మధు మాంసాని ఏత్యజంతి రవేర్దినే
న వ్యాధి శోక దారిద్ర్యం సూర్య లోకం స గచ్ఛతి

ఇతి శ్రీ శివప్రోక్తం శ్రీ సూర్యాష్టకం సంపూర్ణం

|| చన్ద్రాష్టావింశతినామస్తోత్రమ్||

శ్రీగణేశాయ నమః|
అస్య శ్రీచన్ద్రాష్టావింశతినామస్తోత్రస్య గౌతమ ఋషిః,
సోమో దేవతా, విరాట ఛన్దః, చన్ద్రప్రీత్యర్థే జపే వినియోగః|
చన్ద్రస్య శ్రృణు నామాని శుభదాని మహీపతే|
యాని శ్రృత్వా నరో దుఃఖాన్ముచ్యతే నాత్ర సంశయః|| ౧||
సుధాకరశ్చ సోమశ్చ గ్లౌరబ్జః కుముదప్రియః|
లోకప్రియః శుభ్రభానుశ్చన్ద్రమా రోహిణీపతిః|| ౨||
శశీ హిమకరో రాజా ద్విజరాజో నిశాకరః|
ఆత్రేయ ఇన్దుః శీతాంశురోషధీషః కలానిధిః|| ౩||
జైవాతృకో రమాభ్రాతా క్షీరోదార్ణవసమ్భవః|
నక్షత్రనాయకః శమ్భుశిరశ్చూడామణిర్విభుః|| ౪||
తాపహర్తా నభోదీపో నామాన్యేతాని యః పఠేత్|
ప్రత్యహం భక్తిసంయుక్తస్తస్య పీడా వినశ్యతి|| ౫||
తద్దినే చ పఠేద్యస్తు లభేత్సర్వం సమీహితమ్|
గ్రహాదీనాం చ సర్వేషాం భవేచ్చన్ద్రబలం సదా|| ౬||
|| ఇతి శ్రీచన్ద్రాష్టావింశతినామస్తోత్రం సమ్పూర్ణమ్||

|| చన్ద్రకవచమ్||

 
శ్రీగణేశాయ నమః|
అస్య శ్రీచన్ద్రకవచస్తోత్రమన్త్రస్య గౌతమ్ ఋషిః|
అనుష్టుప్ ఛన్దః, శ్రీచన్ద్రో దేవతా, చన్ద్రప్రీత్యర్థం జపే వినియోగః|
సమం చతుర్భుజం వన్దే కేయూరముకుటోజ్జ్వలమ్|
వాసుదేవస్య నయనం శఙ్కరస్య చ భూషణమ్|| ౧||
ఏవం ధ్యాత్వా జపేన్నిత్యం శశినః కవచం శుభమ్|
శశీ పాతు శిరోదేశం భాలం పాతు కలానిధిః|| ౨||
చక్షుషీ చన్ద్రమాః పాతు శ్రుతీ పాతు నిశాపతిః|
ప్రాణం క్షపాకరః పాతు ముఖం కుముదబాన్ధవః|| ౩||
పాతు కణ్ఠం చ మే సోమః స్కన్ధే జైవాతృకస్తథా|
కరౌ సుధాకరః పాతు వక్షః పాతు నిశాకరః|| ౪||
హృదయం పాతు మే చన్ద్రో నాభిం శఙ్కరభూషణః|
మధ్యం పాతు సురశ్రేష్ఠః కటిం పాతు సుధాకరః|| ౫||
ఊరూ తారాపతిః పాతు మృగాఙ్కో జానునీ సదా|
అబ్ధిజః పాతు మే జఙ్ఘే పాతు పాదౌ విధుః సదా|| ౬||
సర్వాణ్యన్యాని చాఙ్గాని పాతు చన్ద్వోऽఖిలం వపుః|
ఏతద్ధి కవచం దివ్యం భుక్తిముక్తిప్రదాయకమ్|
యః పఠేచ్ఛృణుయాద్వాపి సర్వత్ర విజయీ భవేత్|| ౭||
|| ఇతి శ్రీచన్ద్రకవచం సమ్పూర్ణమ్||

|| ఇతి శ్రీమార్కణ్డేయపురాణే మఙ్గలకవచం సమ్పూర్ణమ్||

|| అఙ్గారకస్తోత్రమ్||

అస్య శ్రీ అఙ్గారకస్తోత్రస్య|
విరూపాఙ్గిరస ఋషిః|
అగ్నిర్దేవతా|
గాయత్రీ ఛన్దః|
భౌమప్రీత్యర్థం జపే వినియోగః|
అఙ్గారకః శక్తిధరో లోహితాఙ్గో ధరాసుతః|
కుమారో మఙ్గలో భౌమో మహాకాయో ధనప్రదః|| ౧||
ఋణహర్తా దృష్టికర్తా రోగకృద్రోగనాశనః|
విద్యుత్ప్రభో వ్రణకరః కామదో ధనహృత్ కుజః|| ౨||
సామగానప్రియో రక్తవస్త్రో రక్తాయతేక్షణః|
లోహితో రక్తవర్ణశ్చ సర్వకర్మావబోధకః|| ౩||
రక్తమాల్యధరో హేమకుణ్డలీ గ్రహనాయకః|
నామాన్యేతాని భౌమస్య యః పఠేత్సతతం నరః|| ౪||
ఋణం తస్య చ దౌర్భాగ్యం దారిద్ర్యం చ వినశ్యతి|
ధనం ప్రాప్నోతి విపులం స్త్రియం చైవ మనోరమామ్|| ౫||
వంశోద్ద్యోతకరం పుత్రం లభతే నాత్ర సంశయః|
యోऽర్చయేదహ్ని భౌమస్య మఙ్గలం బహుపుష్పకైః|| ౬||
సర్వా నశ్యతి పీడా చ తస్య గ్రహకృతా ధ్రువమ్|| ౭||
 
|| ఇతి శ్రీస్కన్దపురాణే అఙ్గారకస్తోత్రం సంపూర్ణమ్||

||కుజ కవచమ్||

శ్రీగణేశాయ నమః|
అస్య శ్రీ‍అఙ్గారకకవచస్తోత్రమన్త్రస్య కశ్యప ఋషిః,
అనుష్టుప్ ఛన్దః, అఙ్గారకో దేవతా, భౌమప్రీత్యర్థం జపే వినియోగః|
రక్తామ్బరో రక్తవపుః కిరీటీ చతుర్భుజో మేషగమో గదాభృత్|
ధరాసుతః శక్తిధరశ్చ శూలీ సదా మమ స్యాద్వరదః ప్రశాన్తః|| ౧||
అఙ్గారకః శిరో రక్షేన్ముఖం వై ధరణీసుతః|
శ్రవౌ రక్తామ్బరః పాతు నేత్రే మే రక్తలోచనః|| ౨||
నాసాం శక్తిధరః పాతు ముఖం మే రక్తలోచనః|
భుజౌ మే రక్తమాలీ చ హస్తౌ శక్తిధరస్తథా|| ౩||
వక్షః పాతు వరాఙ్గశ్చ హృదయం పాతు రోహితః|
కటిం మే గ్రహరాజశ్చ ముఖం చైవ ధరాసుతః|| ౪||
జానుజఙ్ఘే కుజః పాతు పాదౌ భక్తప్రియః సదా|
సర్వాణ్యన్యాని చాఙ్గాని రక్షేన్మే మేషవాహనః|| ౫||
య ఇదం కవచం దివ్యం సర్వశత్రునివారణమ్|
భూతప్రేతపిశాచానాం నాశనం సర్వసిద్ధిదమ్|| ౬||
సర్వరోగహరం చైవ సర్వసమ్పత్ప్రదం శుభమ్|
భుక్తిముక్తిప్రదం నౄణాం సర్వసౌభాగ్యవర్ధనమ్|
రోగబన్ధవిమోక్షం చ సత్యమేతన్న సంశయః|| ౭||

|| ఇతి శ్రీమార్కణ్డేయపురాణే మఙ్గలకవచం సమ్పూర్ణమ్||

|| రాహుస్తోత్రమ్||

శ్రీ గణేశాయ నమః|
రాహుర్దానవమన్త్రీ చ సింహికాచిత్తవన్దనః|
అర్ధకాయః సదాక్రోధీ చన్ద్రాదిత్యవిమర్దనః|| ౧||
రౌద్రో రుద్రప్రియో దైత్యః స్వర్భానుర్భానుభీతిదః|
గ్రహరాజః సుధాపాయీ రాకాతిథ్యభిలాషుకః|| ౨||
కాలదృష్టిః కాలరూపః శ్రీకణ్ఠహృదయాశ్రయః|
విధున్తుదః సైంహికేయో ఘోరరూపో మహాబలః|| ౩||
గ్రహపీడాకరో దంష్ట్రీ రక్తనేత్రో మహోదరః|
పఞ్చవింశతినామాని స్మృత్వా రాహుం సదా నరః|| ౪||
యః పఠేన్మహతీ పీడా తస్య నశ్యతి కేవలమ్|
ఆరోగ్యం పుత్రమతులాం శ్రియం ధాన్యం పశూంస్తథా|| ౫||
దదాతి రాహుస్తస్మై యః పఠతే స్తోత్రముత్తమమ్|
సతతం పఠతే యస్తు జీవేద్వర్షశతం నరః|| ౬||
|| ఇతి శ్రీస్కన్దపురాణే రాహుస్తోత్రం సమ్పూర్ణమ్||

|| రాహుకవచమ్||

శ్రీగణేశాయ నమః|
ప్రణమామి సదా రాహుం శూర్పాకారం కిరీటినమ్|
సైంహికేయం కరాలాస్యం లోకానామభయప్రదమ్|| ౧||
నీలామ్బరః శిరః పాతు లలాటం లోకవన్దితః|
చక్షుషీ పాతు మే రాహుః శ్రోత్రే త్వర్ధశరిరవాన్|| ౨||
నాసికాం మే ధూమ్రవర్ణః శూలపాణిర్ముఖం మమ|
జిహ్వాం మే సింహికాసూనుః కణ్ఠం మే కఠినాఙ్ఘ్రికః|| ౩||
భుజఙ్గేశో భుజౌ పాతు నీలమాల్యామ్బరః కరౌ|
పాతు వక్షఃస్థలం మన్త్రీ పాతు కుక్షిం విధున్తుదః|| ౪||
కటిం మే వికటః పాతు ఊరూ మే సురపూజితః|
స్వర్భానుర్జానునీ పాతు జఙ్ఘే మే పాతు జాడ్యహా|| ౫||
గుల్ఫౌ గ్రహపతిః పాతు పాదౌ మే భీషణాకృతిః|
సర్వాణ్యఙ్గాని మే పాతు నీలచన్దనభూషణః|| ౬||
రాహోరిదం కవచమృద్ధిదవస్తుదం యో భక్త్యా పఠత్యనుదినం నియతః శుచిః సన్|
ప్రాప్నోతి కీర్తిమతులాం శ్రియమృద్ధిమాయురారోగ్యమాత్మవిజయం చ హి తత్ప్రసాదాత్|| ౭||
|| ఇతి శ్రీమహాభారతే ధృతరాష్ట్రసఞ్జయసంవాదే ద్రోణపర్వణి రాహుకవచం సమ్పూర్ణమ్||

|| శనైశ్చరస్తవరాజః||

శ్రీ గణేశాయ నమః||
నారద ఉవాచ||
ధ్యాత్వా గణపతిం రాజా ధర్మరాజో యుధిష్ఠిరః|
ధీరః శనైశ్చరస్యేమం చకార స్తవముత్తమమ|| ౧||
శిరో మేం భాస్కరిః పాతు భాలం ఛాయాసుతోऽవతు|
కోటరాక్షో దృశౌ పాతు శిఖికణ్ఠనిభః శ్రుతీ|| ౨||
ఘ్రాణం మే భీషణః పాతు ముఖం బలిముఖోऽవతు|
స్కన్ధౌ సంవర్తకః పాతు భుజౌ మే భయదోऽవతు|| ౩||
సౌరిర్మే హృదయం పాతు నాభిం శనైశ్చరోऽవతు|
గ్రహరాజః కటిం పాతు సర్వతో రవినన్దనః|| ౪||
పాదౌ మన్దగతిః పాతు కృష్ణః పాత్వఖిలం వపుః|
రక్షామేతాం పఠేన్నిత్యం సౌరేర్నామబలైర్యుతామ్|| ౫||
సుఖీ పుత్రీ చిరాయుశ్చ స భవేన్నాత్ర సంశయః|
సౌరిః శనైశ్చరః కృష్ణో నీలోత్పలనిభః శనిః|| ౬||
శుష్కోదరో విశాలాక్షో ర్దునిరీక్ష్యో విభీషణః|
శిఖికణ్ఠనిభో నీలశ్ఛాయాహృదయనన్దనః|| ౭||
కాలదృష్టిః కోటరాక్షః స్థూలరోమావలీముఖః|
దీర్ఘో నిర్మాంసగాత్రస్తు శుష్కో ఘోరో భయానకః|| ౮||
నీలాంశుః క్రోధనో రౌద్రో దీర్ఘశ్మశ్రుర్జటాధరః|
మన్దో మన్దగతిః ఖంజో తృప్తః సంవర్తకో యమః|| ౯||orఅతృప్తః
గ్రహరాజః కరాలీ చ సూర్యపుత్రో రవిః శశీ|
కుజో బుధో గురూః కావ్యో భానుజః సింహికాసుతః|| ౧౦||
కేతుర్దేవపతిర్బాహుః కృతాన్తో నై‌ఋతస్తథా|
శశీ మరూత్కుబేరశ్చ ఈశానః సుర ఆత్మభూః|| ౧౧||
విష్ణుర్హరో గణపతిః కుమారః కామ ఈశ్వరః|
కర్తా హర్తా పాలయితా రాజ్యభుగ్ రాజ్యదాయకః|| ౧౨||orరాజ్యేశో
ఛాయాసుతః శ్యామలాఙ్గో ధనహర్తా ధనప్రదః|
క్రూరకర్మవిధాతా చ సర్వకర్మావరోధకః|| ౧౩||
తుష్టో రూష్టః కామరూపః కామదో రవినన్దనః|
గ్రహపీడాహరః శాన్తో నక్షత్రేశో గ్రహేశ్వరః|| ౧౪||
స్థిరాసనః స్థిరగతిర్మహాకాయో మహాబలః|
మహాప్రభో మహాకాలః కాలాత్మా కాలకాలకః|| ౧౫||
ఆదిత్యభయదాతా చ మృత్యురాదిత్యనందనః|
శతభిద్రుక్షదయితా త్రయోదశితిథిప్రియః|| ౧౬||
తిథ్యాత్మా తిథిగణనో నక్షత్రగణనాయకః|orతిథ్యాత్మకస్తిథిగణో
యోగరాశిర్ముహూర్తాత్మా కర్తా దినపతిః ప్రభుః|| ౧౭||
శమీపుష్పప్రియః శ్యామస్త్రైలోక్యాభయదాయకః|
నీలవాసాః క్రియాసిన్ధుర్నీలాఞ్జనచయచ్ఛవిః|| ౧౮||
సర్వరోగహరో దేవః సిద్ధో దేవగణస్తుతః|
అష్టోత్తరశతం నామ్నాం సౌరేశ్ఛాయాసుతస్య యః|| ౧౯||
పఠేన్నిత్యం తస్య పీడా సమస్తా నశ్యతి ధ్రువమ్|
కృత్వా పూజాం పఠేన్మర్త్యో భక్‍తిమాన్యః స్తవం సదా|| ౨౦||
విశేషతః శనిదినే పీడా తస్య వినశ్యతి|
జన్మలగ్నే స్థితిర్వాపి గోచరే క్రూరరాశిగే|| ౨౧||
దశాసు చ గతే సౌరే తదా స్తవమిమం పఠేత్|
పూజయేద్యః శనిం భక్‍త్యా శమీపుష్పాక్షతామ్బరైః|| ౨౨||
విధాయ లోహప్రతిమాం నరో దుఃఖాద్విముచ్యతే|
వాధా యాऽన్యగ్రహాణాం చ యః పఠేత్తస్య నశ్యతి|| ౨౩||
భీతో భయాద్విముచ్యేత బద్ధో ముచ్యేత బన్ధనాత్|
రోగీ రోగాద్విముచ్యేత నరః స్తవమిమం పఠేత్|| ౨౪||
పుత్రవాన్ధనవాన్ శ్రీమాన్ జాయతే నాత్ర సంశయః|| ౨౫||
నారద ఉవాచ||
స్తవం నిశమ్య పార్థస్య ప్రత్యక్షోऽభూచ్ఛనైశ్చరః|
దత్త్వా రాజ్ఞే వరః కామం శనిశ్చాన్తర్దధే తదా|| ౨౬||
|| ఇతి శ్రీ భవిష్యపురాణే శనైశ్చరస్తవరాజః సమ్పూర్ణః||

|| శనైశ్చరస్తోత్రమ్‌ ||

శ్రీగణేశాయ నమః||
అస్య శ్రీశనైశ్చరస్తోత్రస్య| దశరథ ఋషిః|
శనైశ్చరో దేవతా| త్రిష్టుప్‌ ఛన్దః||
శనైశ్చరప్రీత్యర్థ జపే వినియోగః|
దశరథ ఉవాచ||
కోణోऽన్తకో రౌద్రయమోऽథ బభ్రుః కృష్ణః శనిః పింగలమన్దసౌరిః|
నిత్యం స్మృతో యో హరతే చ పీడాం తస్మై నమః శ్రీరవినన్దనాయ|| ౧||
సురాసురాః కింపురుషోరగేన్ద్రా గన్ధర్వవిద్యాధరపన్నగాశ్చ|
పీడ్యన్తి సర్వే విషమస్థితేన తస్మై నమః శ్రీరవినన్దనాయ|| ౨||
నరా నరేన్ద్రాః పశవో మృగేన్ద్రా వన్యాశ్చ యే కీటపతంగభృఙ్గాః|
పీడ్యన్తి సర్వే విషమస్థితేన తస్మై నమః శ్రీరవినన్దనాయ|| ౩||
దేశాశ్చ దుర్గాణి వనాని యత్ర సేనానివేశాః పురపత్తనాని|
పీడ్యన్తి సర్వే విషమస్థితేన తస్మై నమః శ్రీరవినన్దనాయ|| ౪||
తిలైర్యవైర్మాషగుడాన్నదానైర్లోహేన నీలామ్బరదానతో వా|
ప్రీణాతి మన్త్రైర్నిజవాసరే చ తస్మై నమః శ్రీరవినన్దనాయ|| ౫||
ప్రయాగకూలే యమునాతటే చ సరస్వతీపుణ్యజలే గుహాయామ్‌|
యో యోగినాం ధ్యానగతోऽపి సూక్ష్మస్తస్మై నమః శ్రీరవినన్దనాయ|| ౬||
అన్యప్రదేశాత్స్వగృహం ప్రవిష్టస్తదీయవారే స నరః సుఖీ స్యాత్‌|
గృహాద్‌ గతో యో న పునః ప్రయాతి తస్మై నమః శ్రీరవినన్దనాయ|| ౭||
స్రష్టా స్వయంభూర్భువనత్రయస్య త్రాతా హరీశో హరతే పినాకీ|
ఏకస్త్రిధా ఋగ్యజుఃసామమూర్తిస్తస్మై నమః శ్రీరవినన్దనాయ|| ౮||
శన్యష్టకం యః ప్రయతః ప్రభాతే నిత్యం సుపుత్రైః పశుబాన్ధవైశ్చ|
పఠేత్తు సౌఖ్యం భువి భోగయుక్తః ప్రాప్నోతి నిర్వాణపదం తదన్తే|| ౯||
కోణస్థః పిఙ్గలో బభ్రుః కృష్ణో రౌద్రోऽన్తకో యమః|
సౌరిః శనైశ్చరో మన్దః పిప్పలాదేన సంస్తుతః|| ౧౦||
ఏతాని దశ నామాని ప్రాతరుత్థాయ యః పఠేత్‌|
శనైశ్చరకృతా పీడా న కదాచిద్భవిష్యతి|| ౧౧||
|| ఇతి శ్రీబ్రహ్మాణ్డపురాణే శ్రీశనైశ్చరస్తోత్రం సంపూర్ణమ్‌||

|| శనివజ్రపంజరకవచమ్||

శ్రీ గణేశాయ నమః||
నీలామ్బరో నీలవపుః కిరీటీ గృధ్రస్థితస్త్రాసకరో ధనుష్మాన్|
చతుర్భుజః సూర్యసుతః ప్రసన్నః సదా మమ స్యాద్ వరదః ప్రశాన్తః|| ౧||
బ్రహ్మా ఉవాచ||
శృణుధ్వమృషయః సర్వే శనిపీడాహరం మహత్|
కవచం శనిరాజస్య సౌరేరిదమనుత్తమమ్|| ౨||
కవచం దేవతావాసం వజ్రపంజరసంజ్ఞకమ్|
శనైశ్చరప్రీతికరం సర్వసౌభాగ్యదాయకమ్|| ౩||
ఔమ్ శ్రీశనైశ్చరః పాతు భాలం మే సూర్యనన్దనః|
నేత్రే ఛాయాత్మజః పాతు పాతు కణౌం యమానుజః|| ౪||
నాసాం వైవస్వతః పాతు ముఖం మే భాస్కరః సదా|
స్నిగ్ధకణ్ఠశ్చ మే కణ్ఠం భుజౌ పాతు మహాభుజః|| ౫||
స్కన్ధౌ పాతు శనిశ్చైవ కరౌ పాతు-శుభప్రదః|
వక్షః పాతు యమభ్రాతా కుక్షిం పాత్వసితస్తథా|| ౬||
నాభిం గ్రహపతిః పాతు మన్దః పాతు కటిం తథా|
ఊరూ మమాన్తకః పాతు యమో జానుయుగం తథా|| ౭||
పదౌ మన్దగతిః పాతు సర్వాంగం పాతు పిప్పలః|
అంగోపాంగాని సర్వాణి రక్షేన్ మే సూర్యనన్దనః|| ౮||
ఇత్యేతత్ కవచం దివ్యం పఠేత్ సూర్యసుతస్య యః|
న తస్య జాయతే పీడా ప్రీతో భవతి సూర్యజః|| ౯||
వ్యయ-జన్మ-ద్వితీయస్థో మృత్యుస్థానగతోऽపి వా|
కలత్రస్థో గతో వాऽపి సుప్రీతస్తు సదా శనిః|| ౧౦||
అష్టమస్థే సూర్యసుతే వ్యయే జన్మద్వితీయగే|
కవచం పఠతే నిత్యం న పీడా జాయతే క్వచిత్|| ౧౧||
ఇత్యేతత్కవచం దివ్యం సౌరేర్యన్నిర్మితం పురా|
ద్వాదశాऽష్టమజన్మస్థదోషాన్నాశయతే సదా|
జన్మలగ్నస్థితాన్ దోషాన్ సర్వాన్నాశయతే ప్రభుః|| ౧౨||

|| ఇతి శ్రీ బ్రహ్మాణ్డపురాణే బ్రహ్మ-నారదసంవాదే
శనివజ్రపంజరకవచమ్ సమ్పూర్ణమ్||

 || బుధపంచవింశతినామస్తోత్రమ్||

శ్రీగణేశాయ నమః|
అస్య శ్రీబుధపఞ్చవింశతినామస్తోత్రస్య ప్రజాపతిరృషిః,
త్రిష్టుప్ ఛన్దః, బుధో దేవతా, బుధప్రీత్యర్థం జపే వినియోగః||
బుధో బుద్ధిమతాం శ్రేష్ఠో బుద్ధిదాతా ధనప్రదః|
ప్రియఙ్గుకలికాశ్యామః కఞ్జనేత్రో మనోహరః|| ౧||
గ్రహపమో రౌహిణేయో నక్షత్రేశో దయాకరః|
విరుద్ధకార్యహన్తా చ సౌమ్యౌ బుద్ధివివర్ధనః|| ౨||
చన్ద్రాత్మజో విష్ణురూపీ జ్ఞానీ జ్ఞో జ్ఞానినాయకః|
గ్రహపీడాహరో దారపుత్రధాన్యపశుప్రదః|| ౩||
లోకప్రియః సౌమ్యమూర్తిర్గుణదో గుణివత్సలః|
పఞ్చవింశతినామాని బుధస్యైతాని యః పఠేత్|| ౪||
స్మృత్వా బుధం సదా తస్య పీడా సర్వా వినశ్యతి|
తద్దినే వా పఠేద్యస్తు లభతే స మనోగతమ్|| ౫||

ఇతి శ్రీపద్మపురాణే బుధపఞ్చవింశతినామస్తోత్రం సమ్పూర్ణమ్||

 || బుధకవచమ్||

శ్రీగణేశాయ నమః|
అస్య శ్రీబుధకవచస్తోత్రమన్త్రస్య కశ్యప ఋషిః,
అనుష్టుప్ ఛన్దః, బుధో దేవతా, బుధప్రీత్యర్థం జపే వినియోగః|
బుధస్తు పుస్తకధరః కుఙ్కుమస్య సమద్యుతిః|
పీతామ్బరధరః పాతు పీతమాల్యానులేపనః|| ౧||
కటిం చ పాతు మే సౌమ్యః శిరోదేశం బుధస్తథా|
నేత్రే జ్ఞానమయః పాతు శ్రోత్రే పాతు నిశాప్రియః|| ౨||
ఘ్రాణం గన్ధప్రియః పాతు జిహ్వాం విద్యాప్రదో మమ|
కణ్ఠం పాతు విధోః పుత్రో భుజౌ పుస్తకభూషణః|| ౩||
వక్షః పాతు వరాఙ్గశ్చ హృదయం రోహిణీసుతః|
నాభిం పాతు సురారాధ్యో మధ్యం పాతు ఖగేశ్వరః|| ౪||
జానునీ రౌహిణేయశ్చ పాతు జఙ్ఘేऽఖిలప్రదః|
పాదౌ మే బోధనః పాతు పాతు సౌమ్యోऽఖిలం వపుః|| ౫||
ఏతద్ధి కవచం దివ్యం సర్వపాపప్రణాశనమ్|
సర్వరోగప్రశమనం సర్వదుఃఖనివారణమ్|| ౬||
ఆయురారోగ్యశుభదం పుత్రపౌత్రప్రవర్ధనమ్|
యః పఠేచ్ఛృణుయాద్వాపి సర్వత్ర విజయీ భవేత్|| ౭||

|| ఇతి శ్రీబ్రహ్మవైవర్తపురాణే బుధకవచం సమ్పూర్ణమ్||

|| కేతుపఞ్చవింశతినామస్తోత్రమ్||

కేతుః కాలః కలయితా ధూమ్రకేతుర్వివర్ణకః|
లోకకేతుర్మహాకేతుః సర్వకేతుర్భయప్రదః|| ౧||
రౌద్రో రుద్రప్రియో రుద్రః క్రూరకర్మా సుగన్ధధృక్|
పలాశధూమసంకాశశ్చిత్రయజ్ఞోపవీతధృక్|| ౨||
తారాగణవిమర్దీ చ జైమినేయో గ్రహాధిపః|
పఞ్చవింశతినామాని కేతోర్యః సతతం పఠేత్|| ౩||
తస్య నశ్యతి బాధా చ సర్వకేతుప్రసాదతః|
ధనధాన్యపశూనాం చ భవేద్ వృద్ధిర్న సంశయః|| ౪||

|| ఇతి శ్రీస్కన్దపురాణే కేతోః పఞ్చవింశతినామస్తోత్రం సంపూర్ణమ్||

 || కేతుకవచమ్||

శ్రీగణేశాయ నమః|
కేతుం కరాలవదనం చిత్రవర్ణం కిరీటినమ్|
ప్రణమామి సదా కేతుం ధ్వజాకారం గ్రహేశ్వరమ్|| ౧||
చిత్రవర్ణః శిరః పాతు భాలం ధూమ్రసమద్యుతిః|
పాతు నేత్రే పిఙ్గలాక్షః శ్రుతీ మే రక్తలోచనః|| ౨||
ఘ్రాణం పాతు సువర్ణాభశ్చిబుకం సింహికాసుతః|
పాతు కణ్ఠం చ మే కేతుః స్కన్ధౌ పాతు గ్రహాధిపః|| ౩||
హస్తౌ పాతు సురశ్రేష్ఠః కుక్షిం పాతు మహాగ్రహః|
సింహాసనః కటిం పాతు మధ్యం పాతు మహాసురః|| ౪||
ఊరూ పాతు మహాశీర్షో జానునీ మేऽతికోపనః|
పాతు పాదౌ చ మే క్రూరః సర్వాఙ్గం నరపిఙ్గలః|| ౫||
య ఇదం కవచం దివ్యం సర్వరోగవినాశనమ్|
సర్వశత్రువినాశం చ ధారణాద్విజయీ భవేత్|| ౬||

|| ఇతి శ్రీబ్రహ్మాణ్డపురాణే కేతుకవచం సమ్పూర్ణమ్||

|| శుక్రకవచమ్||

 శ్రీగణేశాయ నమః|
మృణాలకున్దేన్దుపయోజసుప్రభం పీతామ్బరం ప్రసృతమక్షమాలినమ్|
సమస్తశాస్త్రార్థవిధిం మహాన్తం ధ్యాయేత్కవిం వాఞ్ఛితమర్థసిద్ధయే|| ౧||
ఔమ్ శిరో మే భార్గవః పాతు భాలం పాతు గ్రహాధిపః|
నేత్రే దైత్యగురుః పాతు శ్రోత్రే మే చన్దనద్యుతిః|| ౨||
పాతు మే నాసికాం కావ్యో వదనం దైత్యవన్దితః|
వచనం చోశనాః పాతు కణ్ఠం శ్రీకణ్ఠభక్తిమాన్|| ౩||
భుజౌ తేజోనిధిః పాతు కుక్షిం పాతు మనోవ్రజః|
నాభిం భృగుసుతః పాతు మధ్యం పాతు మహీప్రియః|| ౪||
కటిం మే పాతు విశ్వాత్మా ఉరూ మే సురపూజితః|
జానుం జాడ్యహరః పాతు జఙ్ఘే జ్ఞానవతాం వరః|| ౫||
గుల్ఫౌ గుణనిధిః పాతు పాతు పాదౌ వరామ్బరః|
సర్వాణ్యఙ్గాని మే పాతు స్వర్ణమాలాపరిష్కృతః|| ౬||
య ఇదం కవచం దివ్యం పఠతి శ్రద్ధయాన్వితః|
న తస్య జాయతే పీడా భార్గవస్య ప్రసాదతః|| ౭||

|| ఇతి శ్రీబ్రహ్మాణ్డపురాణే శుక్రకవచం సమ్పూర్ణమ్||