కాలభైరవాష్టకమ్

దేవరాజ్యసేవ్యమానపావనాంఘ్రిపంకజం
వ్యాళ యజ్ఞసూత్ర మిందు శేఖరం కృపాకరమ్
నారదాది యొగిబృంద వందితం దిగంబరం
కాశికాపురాధినాథ కాలభైరవం భజే

భానుకోటి భాస్వరం భవాబ్దితారకం పరం
నీలకంఠమీప్సిదార్ధదాయకం త్రిలోచనమ్
కాలకాలమంబుజాక్ష మక్షశూల మక్షరం
కాశికాపురాధినాథ కాలభైరవం భజే

శూలటంకపాశదండపాణిమాదికారణం
శ్యమకాయమాది దేవ మక్షరం నిరామయమ్
భీమవిక్రమం ప్రభుం విచిత్ర తాండవప్రియం
కాశికాపురాధినాథ కాలభైరవం భజే

భుక్తిముక్తిదాయకం ప్రశస్తచారువిగ్రహం
భక్తవత్సలం స్థితం సమస్తలోక విగ్రహమ్
నినిక్వణన్మనోజ్ఞ హేమకింకిణిలసత్కటిం
కాశికాపురాధినాథ కాలభైరవం భజే

ధర్మసేతుపాలకం త్వధర్మమార్గనాశకం
కర్మపాశ మోచకం సుశర్మదాయకం విభుమ్
స్వర్ణ వర్ణ కేశపాశ శొభితాంగ మండలం
కాశికాపురాధినాథ కాలభైరవం భజే

రత్నపాదుకా ప్రభాభిరామ పదయుగ్మకం
నిత్యమ ద్వితీయ మిష్టదైవతం నిరంజనమ్
మృత్యుదర్పనాశనం కరాళదంష్ట్ర భీషణం
కాశికాపురాధినాథ కాలభైరవం భజే

అట్టహాసభిన్న పద్మజాండకోశ సంతతిం
దృష్టిపాతనష్టపాప జాలముగ్ర నాశనమ్
అష్టసిద్ధి దాయకం కపాలమాలికాధరం
కాశికాపురాధినాథ కాలభైరవం భజే

భీతశంఘనాయకం విశాలకీర్తిదాయకం
కాశివాసలోక పుణ్యపాపశోధకం విభుమ్
నీతిమార్గకోవిదం పురాతనం జగత్ప్రభుం
కాశికాపురాధినాథ కాలభైరవం భజే

కాలభైరవాష్టకం పఠంతి యే మనోహరం
జ్ఞానముక్తి సాధనం విచిత్ర పుణ్యవర్ధనమ్
శొకమోహదైన్య లోభకోప తాపనాశనం
తే ప్రయాంతి కాలభైరవాంఘ్రి సన్నిధం ధ్రువమ్