శివపంచాక్షరీ స్తోత్రం

శ్రీ మచ్ఛంకరాచార్య విరచితమ్

ఓం నాగేంద్ర హారాయ త్రిలోచనాయ భస్మాంగరాగాయ మహేశ్వరాయ /
నిత్యాయ శుద్ధాయ దిగంబరాయ తస్మై నకారాయ నమశ్శివాయ //

మందాకినీ సలిల చందన చర్చితాయ నందీశ్వర ప్రమథనాథ మహేశ్వరాయ /
మందార ముఖ్య బహుపుష్ప సుపూజితాయ తస్మై మకారాయ నమశ్శివాయ /

శివాయ గౌరీ వదనారవింద సూర్యాయ దక్షాధ్వర నాశకాయ /
శ్రీ నీలకంఠాయ వృషధ్వజాయ తస్మై శికారాయ నమశ్శివాయ //

వశిష్ఠ కుంభోద్భవ గౌతమాది మునీంద్ర సేవార్చిత శేఖరాయ /
చంద్రార్క వైశ్వానర లోచనాయ తస్మై వకారాయ నమశ్శివాయ //

యక్షస్వరూపాయ జటాధరాయ పినాకహస్తాయ సనాతనాయ /
సుదివ్య దేహాయ దిగంబరాయ తస్మై యకారాయ నమశ్శివాయ //

పంచాక్షరమిదం పుణ్యం యఃపఠేత్ చ్ఛివసన్నిధౌ /
శివలోక మవాప్నోతి శివేనసహ మోదతే //

ఇతి శ్రీమచ్ఛంకరాచార్య విరచితం. శివపంచాక్షరీ స్తోత్రం సంపూర్ణమ్.