శ్రీ వేంకటేశ్వర మంగళాశాసనము

శ్రియః కాంతాయ కళ్యాణ నిధయే నిధయేర్థినామ్‌ | 

శ్రీవేంకట నివాసాయ శ్రీనివాసాయ మంగళమ్‌ ||

లక్ష్మీ సవిభ్రమాలోక సుభ్రూ విభ్రమ చక్షుషే |
చక్షుషే సర్వలోకానాం వేంకటేశాయ మంగళమ్‌ ||

శ్రీవేంకటాద్రి శృంగాగ్ర మంగళా భరణాంఘ్రయే |
మంగళానాం నివాసాయ శ్రీనివాసాయ మంగళమ్‌ ||

సర్వావయవ సౌందర్య సంపదా సర్వచేతసామ్‌ |
సదా సమ్మోహనాయాస్తు వేంకటేశాయ మంగళమ్‌ ||

నిత్యాయ నిరవద్యాయ సత్యానంద చిదాత్మనే |
సర్వాంతరాత్మనే శ్రీమద్వేంకటేశాయ మంగళమ్‌ ||

స్వత స్సర్వవిదే సర్వశక్తయే సర్వశేషిణే |
సులభాయ సుశీలాయ వేంకటేశాయ మంగళమ్‌ ||

పరస్మై బ్రహ్మణే పూర్ణ కామాయ పరమాత్మనే |
ప్రయుంజే పరతత్త్వాయ వేంకటేశాయ మంగళమ్‌ ||

ఆకారతత్త్వ మశ్రాంత మాత్మనా మనుపశ్యతామ్‌ |
అతృప్త్యామృత రూపాయ వేంకటేశాయ మంగ్ళమ్‌ ||

ప్రాయస్స్వ చరణౌ పుంసాం శరణ్యత్వేన పాణినా |
కృపయా దృశ్యతే శ్రీమద్వేంకటేశాయ మంగళమ్‌ ||

దయామృత తరంగిణ్యా స్తరంగైరివ శీతలైః |
అపాంగై స్సించతే విశ్వం వేంకటేశాయ మంగళమ్‌ ||

స్రగ్భూషాంబర హేతీనాం సుషమావహ మూర్తయే |
సర్వార్తి శమనాయాస్తు వేంకటేశాయ మంగళమ్‌ ||

శ్రీవేంకుంఠ విరక్తాయ స్వామి పుష్కరిణీ తటే |
రమయా రమమాణాయ వేంకటేశాయ మంగళమ్‌ ||

శ్రీమత్సుందర జామాతృ మునిమానసవాసినే |
సర్వలోక నివాసాయ శ్రీనివాసాయ మంగళమ్‌ ||

మంగళా శాసనపరై ర్మదాచార్య పురోగమైః |
సర్వైశ్చ పూర్వైరాచార్యైః సత్కృతాయాస్తు మంగళమ్‌ ||

ఇది శ్రీ వేంకటేశ్వర మంగళాశాసనము